Ogun Police: Àwọn jàǹdùkú kọlu ọlọ́pàá, DPO faragbọta, ọlọ́pàá mẹ́rin di àwátì
Oríṣun àwòrán, AFP
Bi awọn to n ṣọ araalu ba di ẹni ti awọn janduku wa bẹrẹ si ni jigbe, kini ki ara yooku wa a ṣe?
Ibeere to gba ọkan awọn eeyan nipinlẹ Ogun ree lẹyin ti awọn janduku ji ọlọpaa mẹrin gbe ti wọn si tun yinbọn lu ọga agọ ọlọpaa, DPO, kan.
Ṣugbọn ohun taa tun ri gbọ lati ileeṣẹ ọlọpaa ipinlẹ Ogun, wọn ti ribi doola mẹta ninu awọn ọlọpaa tawọn janduku ji gbe yi.
- Ajínigbé kọlu òṣìṣẹ́ FRSC, èèyàn méjì kú, mẹ́rin farapa, mẹ́wàá di àwátì
- Ojú àwọn tọ́wọ́ ti tẹ̀ lára àwọn tó jí 'tíá rọ̀bà ọ̀kadà', fíriìjì, ẹ̀rọ ata kó nílée Sẹ́nétọ̀ Teslim Folarin rèé
- Iléeṣẹ́ ọlọ́pàá ṣàfihàn ojú àwọn afurasí tó se ẹran ara ọlọ́pàá jẹ ní Ibadan
- Kílódé tí Ọọni Ife, Oba Ogunwusi kò fi gbọdọ̀ rí ọmọ rẹ̀ tuntun ti Olorì Naomi bí títí di bíi ẹ̀yìn oṣù mẹ́fà?
Ladugbo Aba Tuntun, Ijebu Igbo ni ijọba ibilẹ Ijebu North ni ipinlẹ Ogun niṣẹlẹ yi ti waye.
Alukoro ọlọpaa ipinlẹ Ogun, Abimbola Oyeyemi lo fi ọrọ yi to awọn akọroyin lati ọjọ Abamẹta.
O sọ pe ọlọpaa kan arakunrin Emmanuel Gene lo ṣi yi wa lọdọ awọn ajinigbe yi ati pe awọn ti da ọlọpaa sita lati ṣawari rẹ.
- Tí a bá yọwọ́ àwọn ọba alayé kúrò, kò ní sí Nàìjíríà mọ́- Alaafin Oyo
- Kí ló dé t'awọn Gómìnà Nàìjíríà fẹ̀ yá N17trillion nínú owó ìfẹ̀yìntì òṣìṣẹ́?
- Makinde, Dele Momodu ń ṣèdárò Àgbà Oyè Ilẹ̀ Ibadan, Harry Akande tó jáde láyé
- Kò bá àṣà wa mu kí obìnrin máa kó ọmú síta! ẹ̀ báà bú mi di ọ̀la - Ọ̀gá Amotekun l'Osun
Nipa mimu awọn to wa nidi iṣẹlẹ yi, alukoro yi ni afurasi mẹta lawọn ti mu ti wọn si ti n wi tẹnu wọn nipa iṣẹlẹ yi.
Gẹgẹ bi Oyeyemi ti ṣe sọ, baalẹ abule naa lo fi iwe ranṣẹ si awọn ọlọpaa lati wa ba wọn koju awọn kan ti wọn ni nkan ija lọwọ,
''Ọga ọlọpaa agọ to wa ni Ijebu Igbo lo lewaju pẹlu awọn fijilante lati koju awọn obilẹjẹ yi.
Abalọ ababọ, wọn ri awọn ibọn atamatase mẹfa gba, ibọn ẹtu mẹrindinlogun ati ọta''
''Wọn mu awọn afurasi naa.
Nigba ti wọn n gbe wọn lọ si agọ ọlọpaa lawọn janduku kan dawọn lọna ti wọn si ji ọlọpaa mẹrin gbe''
O fi kun un pe: ''Wọn yinbọn lu DPO ti wọn si tu awọn afurasi ti ọlọpaa mu silẹ''
Oyeyemi wa pari ọrọ rẹ pe awọn ti doola ọlọpaa mẹta ti iwadii si n tẹsiwaju lati ṣawari awọn ti o ku.
