Kwara Coronavirus death: Aminu Adisa Logun ti d'olóògbé lẹ́yìn tó lùgbàdì àrùn Covid-19
Oríṣun àwòrán, Kwara COS
Olori oṣiṣẹ ijọba ipinlẹ Kwara, Aminu Adisa Logun ti dagbere faye lẹni ọdun mẹtalelaadọrin lẹyin to lugbadi arun Covid-19.
Akọwe ijọba ipinlẹ naa, Rafiu Ajakaye lo fi ọrọ naa lede ninu atẹjade kan to fi ṣowọ si BBC Yoruba.
Atẹjade naa ni "Logun jẹ ipe Eledumare lalẹ ọjọ Iṣẹgun lẹyin wakati diẹ ti esi ayẹwo fi han pe o ti ni arun Covid-19."
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
O tẹsiwaju pe ijọba atawọn eeyan ipinlẹ Kwara ti padanu ẹni iyi to sin ijọba ipinlẹ ọhun pẹlu gbogbo ọkan rẹ ki ọlọjọ to de.
Iṣelẹ yii ti mu ki gomina ipinlẹ naa, AbdulRahman AbdulRazaq kede ọfọ ọjọ meje lati fi ṣedaro oloogbe ọhun.
Oríṣun àwòrán, Facebook/Saheed Abdullahi
Lẹyin naa lo ni gomina ọhun ba ẹbi olori oṣiṣẹ ijọba tẹlẹri naa ati gbogbo awọn olugbe ilu Ilorin kẹdun iku rẹ.
Akọwe ijọba pari atẹjade naa pe awọn ẹbi oloogbe naa atri ijọba yoo kede bi eto isinku rẹ yoo ṣe lọ laipẹ.
