2023లో ఎక్కువ మంది సర్చ్ చేసిన వంటకం ఏది? గూగుల్ చరిత్రలో అత్యధికులు వెతికిన క్రికెటర్ ఎవరు?

2023 త్వరలో ముగియబోతోంది. ఈ సంవత్సరం గూగుల్‌లో ఎక్కువ మంది వేటి గురించి సర్చ్ చేశారో తెలుసా? ఏ వంటకం గురించి వెతికారో ఊహించగలరా? గూగుల్ సర్చ్ ఇంజిన్‌ 25 ఏళ్ల చరిత్రలో అత్యధికులు వెతికిన క్రికెటర్ ఎవరో చెప్పగలరా?

ఇన్నేళ్ల కాలంలో ఎక్కువ మంది ఏ సినిమా జోనర్ గురించి వెతికారు? ఏ క్రీడ గురించి శోధించారో తెలుపుతూ గూగుల్ మంగళవారం ఎక్స్‌లో ఒక వీడియోను పోస్ట్ చేసింది.

అందులో విరాట్ కోహ్లీ అత్యధిక మంది వెతికిన క్రికెటర్‌గా నిలిచాడు.

గూగుల్ సర్చ్ ఇంజిన్‌కు ఈ ఏడాదితో 25 ఏళ్లు పూర్తయ్యాయి. ఈ 25 ఏళ్ల ప్రయాణంలో తమ సర్చ్ ఇంజిన్‌లో అత్యధికంగా వెదికిన అంశాలతో గూగుల్ ఆ వీడియోను రూపొందించింది.

క్రికెటర్లలో విరాట్ కోహ్లీ, అథ్లెట్లలో ఫుట్‌బాలర్ క్రిస్టియానో రొనాల్డో, అత్యధిక మంది వెతికిన మొదటి అడుగుగా నీల్ ఆర్మ్ స్ట్రాంగ్ చంద్రుడి మీద కాలు మోపడం, మోస్ట్ సర్చ్‌డ్ యానిమేషన్ సిరీస్ పోకిమాన్, భారతీయ సినిమాలో బాలీవుడ్, ఐస్ బకెట్ చాలెంజ్, ఎల్జీబీటీక్యూ వివాహాలు, కోవిడ్ మరణాలు తదితర అంశాలు ఈ వీడియోలో చోటు దక్కించుకున్నాయి.

‘’25 ఏళ్ల క్రితం ఈ ప్రపంచం వెతకడం మొదలుపెట్టింది. ఇక మిగిలినదంతా చరిత్రే’’ అంటూ వీడియో ప్రారంభం అవుతుంది.

2023లో అత్యధికులు వెతికిన రెసపీ ఇదే

గడిచిన 25 ఏళ్లలో ఎక్కువగా వెతికిన అంశాలతో పాటు 2023 ఏడాదిలో నెటిజన్ల దృష్టిని ఆకర్షించిన అంశాల జాబితాను కూడా గూగుల్ విడుదల చేసింది.

ఈ ఏడాది ఎక్కువ మంది వెతికిన వంటకం తయారీ విధానం (రెసపీ) ఏంటో చెప్పగలరా? ఈ జాబితాలో మామిడికాయ పచ్చడి తయారీ అగ్రస్థానాన నిలిచింది.

2023లో భారతీయులు ఆసక్తిగా వెతికిన అంశాలతోపాటు ప్రపంచవ్యాప్తంగా ట్రెండ్ అయిన విషయాల జాబితాను ‘‘ఇయర్ ఇన్ సర్చ్ -2023’’ పేరిట పబ్లిష్ చేసింది.

వార్తలు, వినోదం, మీమ్స్, పర్యటకం, వంటలతో పాటు పలు కేటగిరీల్లో అత్యధికంగా వెతికిన అంశాలను ‘‘ఇయర్ ఇన్ సర్చ్ -2023’’ జాబితాలో గూగుల్ వెల్లడించింది.

భారత్‌లో చంద్రయాన్-3, కర్ణాటక ఎన్నికల ఫలితాలతోపాటు జీ20, యూనిఫామ్ సివిల్ కోడ్(యూసీసీ) వంటి అంశాలపై ప్రజలు ఎక్కువ దృష్టి సారించినట్లు ఈ డేటా ప్రకారం తెలుస్తోంది.

‘సో బ్యూటీఫుల్, సో ఎలిగెంట్’ అంటూ ఈ మధ్య బాగా ట్రెండ్ అవుతున్న మీమ్ కూడా టాప్-5 మీమ్స్‌లో చోటు దక్కించుకుంది.

సినిమాల్లో ఆదిపురుష్, వెబ్ సిరీస్‌లలో రానా నాయుడు కూడా బాగా వెతికినవాటి జాబితాలో నిలిచాయి. కేటగిరీల వారీగా ఇక్కడ చూద్దాం.

భారత్‌లో అత్యధికంగా వెతికిన ఈవెంట్లు

జనరల్ నాలెడ్జికి సంబంధించి అడిగిన ప్రశ్నలు

వ్యక్తిగత ఆసక్తులు

మాకు దగ్గరలో ఏం ఉన్నాయి?

స్పోర్ట్స్ ఈవెంట్లు

ప్రజాదరణ పొందిన క్రికెట్ మ్యాచ్‌లు

ఎక్కువ మంది వెతికిన సినిమాల్లో ఆదిపురుష్, ద కేరళ స్టోరీ

సినిమాలు

వ్యక్తులు

వెబ్ సిరీస్‌లు

అత్యధికులు వెతికిన పర్యటక ప్రాంతాల్లో అండమాన్

మీమ్స్

పర్యటక ప్రదేశాలు

గ్లోబల్ స్థాయిలో ఇజ్రాయెల్- గాజా యుద్ధం, మ్యాథ్యూ పెర్రీ, బార్బీ సినిమా, షకీరా, గూగుల్ టూల్స్‌లో ట్రాన్స్‌లేట్‌ను ఎక్కువగా ప్రజలు వెతికినట్లు గూగుల్ తెలిపింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)