| Gwahoddir pobl o'r gymuned i'r ysgol i sôn am eu profiadau, a dod ag arteffactau i ddangos i'r plant. Soniodd y Parchg Eifion Powell. tad-cu Jac Lane ym Mlwyddyn 5, am ei hatgofion e ac fe gafodd y plant y profiad o weld pa mor anodd oedd hi i wneud gwaith ysgol gan wisgo mwgwd nwy. Ym Mlwyddyn 3, siaradodd Mr Graham Harrett, tad-cu Ffion-Hâf a Iestyn am ei brofiadau yn Burma. Daeth Mrs Nina Richards i ddangos ei llyfr dognau a sôn am y prinder yn ystod y rhyfel. Mae'r plant i gyd wedi bod wrth eu bodd yn dysgu am y cyfnod hwn. ac yn cymharu bywyd bob dydd yn ystod y rhyfel a'u profiadau nhw heddiw pan mae digonedd o bopeth ar gael iddynt. Fel cychwyn i'r dathliadau, bydd parti i'r plant yn yr ysgol ac fe fydd rhaid iddynt ddod yng ngwisg y 50au. Mae gweithgareddau ychwanegol wedi'u trefnu ar gyfer tymor yr Hydref, gan gynnwys cyngerdd, cinio, noson cwis, arddangosfa o waith y plant, a chyhoeddiad llyfryn gydag atgofion am hanes yr ysgol. Felly gwyliwch y golofn hon am ragor o wybodaeth nes ymlaen!
 | 
