Mae'r cynnwys wedi ei restru ar gyfrifiadur, sydd yn gwneud y gwaith o chwilio am wybodaeth yn hawdd. Er enghraifft, petai rhywun am gael manylion am, dyweder, addysg, gellid dod o hyd iddo ar amrantiad. Yn yr un modd, pe byddai rhywun sydd wedi rhoi deunydd am wybod beth yn union y mae wedi ei drosglwyddo i'r archif, gellir cael gafael ar yr wybodaeth angenrheidiol yn yr un ffordd.

Teimlwyd ers tro y byddai'n beth da petai modd lleoli'r casgliadau hyn mewnadeilad cyhoeddus lle y byddent ar gael i'r cyhoedd. Bu staff y DOVE yn hynodgaredig, gan iddynt neilltuo ystafell ar gyfer yr archif.

Derbyniwyd nawdd ariannol er mwyn prynu celfi gan Bartneriaeth Cwm Dulias, Celtic Energy, y Cynghorau Cymuned lleol. Felly, bu'n rhai trefnu noson agoriadol.

Mr Tom Marston fu'n gyfrifol am wneud y rhan fwyaf o'r trefniadau, ac mae'n rhaid talu teyrnged arbennig i Ysgrifennydd y Gymdeithas, Mrs Muriel Davies, sydd wedi gweithio'n eithriadol o galed er mwyn ceisio sicrhau fod yr adnoddau ariannol ar gael i ariannu'r fenter.

Llywyddwyd y noson gan Gadeirydd y Gymdeithas, y Parchedig Stan Zeal. Wedi'r cyflwyniad, trosglwyddwyd rhodd o lyfrau i Norman Burns, sydd hefyd yn Llywydd Anrhydeddus, fel arwydd o werthfawrogiad yr aelodau am ei wasanaeth. Cafwyd cyfle i weld yr archif 'ar waith', ac yr oedd ar gael arddangosfa, a oedd yn cynnwys rhai o gyhoeddiadau'r aelodau. Wedi hyn, yr oedd lluniaeth ysgafn wedi ei baratoi.

Bydd modd i unrhyw un gael chwilio cynnwys yr archif o dan oruchwyliaeth rai o'r aelodau, trwy drefnu hyn ymlaen llaw. Y gobaith yw y bydd lleoli'r casgliad yn ei gartref newydd yn denu mwy o bobl i'w ddefnyddio.