Bydd cyflwynwyr y rhaglen sef Nia Roberts, Nia Elin a Jim Lloyd yn chwilota a thwrio am henebion a chasglwyr hen bethau'r ardal.

Hefyd bydd eitemau diddorol yn cael eu gwerthu yn ystod y rhaglen.

Dyma ddisgrifiad o ddau ohonyn nhw:

Stondin Olchi Bren Fictorianaidd gyda theils lliwgar gwreiddiol a bwrdd o farmor. Mae'n cynnwys drôr, cwpwrdd a dwy reilen i ddal tywelion. Amcan bris: £225.

Model o'r llong Elizabeth Anne mewn cas gwydr. Fe adeiladwyd y llong wreiddiol ym 1856 yn Sunderland er mwyn hwylio yn yr India a Ceylon. Yna, yn ddiweddarach roedd yn cael ei defnyddio fel llong fasnach ar gyfer y diwydiant copr yn Abertawe. Amcan bris: £250.

Os oes teclyn gennych yn y ty a neb yn gwybod beth yw ei ddefnydd ewch ag ef yno ac am £2 fe gewch ddarganfod ei ddiben a'i werth.

Yna bydd arwerthiant bach o hen greiriau neu eitemau casgledig yn cael ei gynnal rhwng 6 a 7 o'r gloch.

Bydd holl elw yr arwerthiant yn mynd at Eisteddfod yr Urdd Tawe.