| Bydd cyfle i droedio strydoedd Treflan unwaith yn rhagor wrth i ran olaf y drioleg gan Manon Eames, yn seiliedig ar nofelau clasurol Daniel Owen, ddychwelyd i S4C yr wythnos diwethaf. Bydd y gyfres newydd hon yn bylchu cyfnod o saith mlynedd rhwng 1874 ac 1881 ac mae tro ar fyd i nifer o'r prif gymeriadau. Mae perygl i farwolaeth sydyn ac annisgwyl Abel Huws roi terfyn ar obeithion Rhys Lewis (Dyfed Potter) i fynd i'r Coleg yn Y Bala i astudio Diwinyddiaeth wrth i Miss Hughes roi pwysau arno i aros i ofalu am y busnes. Mae anlwc un dyn yn debygol o roi hwb i fab arall yn y dref wrth i gwymp y groser Hugh Bryan (Gwyn Vaughan) yn sgil cynllwynio dichellgar Capten Trefor (Arwel Gruffydd) esgor yr yrfa a chyfoeth Enoc Huws (Llŷr Evans). Ond er bod ei fuddsoddiad yn y siop yn debyg o wneud ei ffortiwn iddo, mae ganddo ddigon ar ei blât yn ceisio delio a' i howscipar Marged Parry (Mari Gwilym).
Mae dyfodol Wil Bryan (Gareth Bryn), fodd bynnag, yn y fantol ac yntau'n crafu byw yn Birmingham - ond pan ddaw'r cyfle iddo achub ei hun o ffau'r llewod a fydd o'n derbyn yr her? A'r cwestiwn mawr - a fydd yr arch-dwyllwr, Capten Richard Trefor, yn cael ei gosbi?
Tynnwyd y lluniau yn Sgwâr San Tomos, Castell-nedd, Haf 2005 - diolch i Joanna Porter am dynnu nifer o luniau trawiadol o'r achlysur.
 | 
