Bode George vs Bola Tinubu: Ẹgbẹ́ olùpolongo kan ní àgbọ̀nrín èṣín sì ni Bode George ń jẹ lọ́bẹ̀ lórí ọ̀rọ̀ Tinubu
Oríṣun àwòrán, other
Ẹgbẹ olupolongo kan fun Aṣiwaju Bola Tinubu ti da esi ọrọ pada fun eekan ẹgbẹ oṣelu PDP, Oloye Bode George lori ọrọ to sọ pe awada kẹrikẹri ni erongba Tinubu lati dupo aarẹ ni Naijiria.
Oríṣun àwòrán, @Bode George
Ẹgbẹ naa ti ibujoko rẹ wa ni ipinlẹ Akwa Ibom ni ọrọ ti Oloye George sọ fihan pe alatako ti ko mọ bi nkan ṣe n lọ ni o jẹ.
Oloye ti kọkọ sọ pe iru eeyan bii Tinubu kọ lo yẹ fun ipo aarẹ orilẹede Naijiria.
- Gani Adams ṣàlàyé bí ìjọba àpapọ̀ ṣe ń dènà ìtúsílẹ̀ Sunday Igboho ní àhámọ́
- Lekan Balogun ni Olubadan kàn, kó sí àríyànjiyàn níbẹ̀ - Ladoja, àwọn afọbajẹ Ibadan sọ̀rọ̀
- Ìkọlù darandaran àti àgbẹ̀ ní ìpínlẹ̀ Ògùn: Ènìyàn márùn-ún, ọ̀pọ̀ ilé bá ìṣẹ̀lẹ̀ náà lọ
- Mo gba kádàrá pé mi ò lè bímọ nílùú tó jẹ́ pé ọmọ pọ̀ lára àwọn obìnrin
- Ẹlẹ́wọ̀n tẹ́lẹ̀ gboyè ìmọ̀ ìjìnlẹ̀ méjì lọ́gbà ẹ̀wọ̀n
- Ìgbà tí òògùn ẹ̀jẹ̀ ríru lè ṣiṣẹ́ jù rèé- Onímọ̀
- Ikú Esther Anguju ní ìpínlẹ̀ Nasarawa dá inú fu, àyà fo kalẹ̀ lẹ́yìn tí wọ́n fẹ̀sùn ìpànìyàn kan ọkọ rẹ̀
''Ẹ wo bi Tinubu ṣe ṣe ọrọ ipinlẹ Eko baṣu baṣu, o ya ni lẹnu pe Tinubu le gbero lati dupo aarẹ Naijiria.
Tinubu n tan ara rẹ jẹ nio lori erongba rẹ lati dije fun ipo aarẹ Naijiria,'' Bode George lo sọ bẹẹ.
Ṣugbọn nigba to n ba awọn akọroyin sọrọ, alakoso ẹgbẹ olupolongo fun Tinubu nipinlẹ Akwa Ibom, Ifiok Inyang, ni lootọọ ni iwe ofin Naijiria faye gba ki eeyan sọrọ lawujọ.
''Amọ, Bode George ti ṣi anfaani yii lo lẹyin to tabuku Tinubu ẹni to jẹ ogbontagi oloṣelu to tun jẹ ilumọọka kaakiri Naijiria.
Iwọfa lẹnu ṣa, Bode George le sọ ohun to ba wu hu amọ lori ọrọ to sọ pe awada kẹrikẹri lọrọ erongba Tinubu lati dupo aarẹ, o tumọ si pe Bode George ko mọ bo ṣe n lọ ni.
Lai ni deena pẹnu, kikede erongba Tinubu lati dupo aarẹ jẹ iroyin oṣelu to dara julọ julọ lọdun yii.
Ikede yii ti mu ki ọpọlọpọ ọmọ ẹgbẹ APC maa kede erongba wọn bakan naa lati dije fun ipo aarẹ.
Ohun kan to yẹ kawọn ọmọ Naijiria mọ ni pe Tinubu kede lati dupo aarẹ Naijiria gẹgẹ bi idahun si ọpọ eeyan bẹ ẹ lati dije fun ipo naa.
''Bode George, jáwọ́ lápọ̀n tí ò yọ̀, ìfẹ́ aráàlú ló mú Tinubu fẹ́ dupò ààrẹ lọ́dún 2023''
Ọpọ lo gbagbọ pe Tinubu lo to gbangba sun lọyẹ lati wa ojutu si ọrọ-aje to dẹnu kọlẹ ati eto abo to mẹhẹ ni Naijiria,'' Iyang lo sọ bẹẹ.
