Yoruba Nation: Ìjọba Nàìjíríà ló ń dún mọ̀huru mọ́ Benin Republic lati dé Sunday Igboho mọ́ àhámọ́ - Gani Adams
Oríṣun àwòrán, Other
Aarẹ Ọna kakanfo ilẹ Yoruba, Iba Gani Adams ti fi aidunu rẹ han lori bi Oloye Sunday Adeyẹmọ ṣi ṣe wa ni ahamo.
O ni ko tẹ oun lọrun bi ẹni ti ọpọ mọ si Sunday Igboho ṣe n pẹ ni atimọle lorilẹede Benin Republi.
Koda, Iba Adams ṣalaye pe o da oun loju pe ijọba apapọ Naijiria lo wa nidi bi wọn ṣe ti lẹkun ahamọ mọ Sunday Igboho ti wọn si ju kọkọrọ rẹ nu.
Ninu ọrọ kan to sọ nibi ipade akọroyin kan to fi n sami ayajọ ọdun kẹrin rẹ nipo gẹgẹ bii aarẹ ọna kakanfo ẹlẹkarundinlogun ilẹ Yoruba, Iba Gani Adams ni ko si ijọba to nifẹ awọn eeyan rẹ ti yoo gba ki iru iṣẹlẹ bẹẹ waye.
- Lekan Balogun ni Olubadan kàn, kó sí àríyànjiyàn n;ibẹ̀ - Ladoja, àwọn afọbajẹ Ibadan sọ̀rọ̀
- Ìkọlù darandaran àti àgbẹ̀ ní ìpínlẹ̀ Ògùn: Ènìyàn márùn-ún, ọ̀pọ̀ ilé bá ìṣẹ̀lẹ̀ náà lọ
- Mo gba kádàrá pé mi ò lè bímọ nílùú tó jẹ́ pé ọmọ pọ̀ lára àwọn obìnrin
- Ẹlẹ́wọ̀n tẹ́lẹ̀ gboyè ìmọ̀ ìjìnlẹ̀ méjì lọ́gbà ẹ̀wọ̀n
"Ipe fun idasilẹ orilẹede Yoruba ni Sunday Igboho pe, ko jagun, bẹẹ ni ko si gbe ibọn, ijijangbara alaafia lo n ba kiri.
Ijọba ran awọn agbofinro lọ baa nile, wọn pa eeyan meji nibẹ ti wọn ko si tii fi oku wọn silẹ titi di bi a ṣe n sọrọ yii."
Gani Adams ni iwadii oun ti fihan pe ijọba Naijiria n du mọhuru mọ ijọba Benin Republic ni wọn fi n tilẹkun ọgba ẹwọn mọọ lai pe e lẹjọnile ẹjọ.
O wa rọ Aarẹ Buhari lati tu okun lọrun Igboho ati Nnamdi Kanu nitori ominira ati idagbasoke agbegbe wọn ni wọn n ja fun.
