Sunday Igboho: ''Ọlọ́pàá tó bá yìnbọn pa àgbẹ̀ nílẹ̀ Yorùbá yóò kábàmọ́ọ̀, àwọn tó ń gbé AK-47 ni Buhari ní kí ẹ pa''

Gbajugbaja ajijagbara ilẹ Yoruba, Ọgbẹni Sunday Adeyemo ti ọpọ mọ si Sunday Igboho ti kilọ fawọn ọtẹlẹmuyẹ. awọn ọlọpaa atawọn ẹṣọ eleto abo mii lati rọra ṣe lori aṣẹ ti Aarẹ Muhammadu Buhari pa pe kawọn ẹṣọ alaabo maa yinbọn

Laipẹ yii ni Buhari paṣẹ fawọn ẹṣọ eleto abo lati yinbọn fun ẹnikẹni ti wọn ba ri ibọn AK-47 lọwọ rẹ ninu igbo.

Ṣugbọn Igboho sọ ninu fidio kan to fi lede lori ayelujara pe ki awọn ẹṣọ eleto abo maa lọ ṣeeṣi mu awọn agbẹ tabi ọde to n lo ibọn sakabula nilẹ Yoruba.

Ọgbẹni Adeyemo ṣalaye pe ibọn AK-47 yatọ si iru ibọn tawọn agbẹ n gbe kọpa lọ si oko nilẹ Yoruba.

O kilọ fawọn ẹṣọ eleto abo lati maa yinbọn fawọn agbẹ ti wọn fi ibọn sakabula ṣora lorukọ wi pe wọn n gbe ibọn AK-47 kiri ninu igbo.

''Sheikh Gumi ti sọ ibi tawọn janduku to n lo ibọn AK-47 wa ninu igbo, nibẹ lo yẹ kawọn ẹṣọ eleto lọ.

Ki wọn maa tiẹ gbero lati yọ awọn ọdẹ ati awọn agbẹ to n lo ibọn lẹnu rara,'' Igboho lo sọ bẹẹ.

Ọgbẹni Igboho ni inu oun dun si aṣẹ ti Buhari pa lori ọrọ awọn to n gbe ibọn AK-47 kiri ninu igbo, o ni ariwo ti oun atawọn eeyan kan n pa nipa awọn darandaran to n gbebọn kiri ti n so eso rere niyẹn.

Igboho rọ awọn agbofinro lati jẹ iṣẹ ti Buhari ran wọn lai beṣu bẹgba.

O ni ẹnikẹni to ṣeeṣi pa ọlọdẹ tabi agbẹ to n gbebọn sakabula lọ si oko fun iṣọra ara rẹ yoo kabamọ.

Igboho ni lorukọ gbogbo ọmọ ilẹ Yoruba lapaapọ ni oun n jiṣẹ naa fawọn eṣọ eleto abo.