Sikiru Ayinde Barrister's son: Báwo ni Barry Jhay se kó sí gbaga ọlọ́pàá?
Oríṣun àwòrán, BArry Jhay
Gbajugbaja olorin Barry Jhay to tun jẹ ọmọ agba ọjẹ olorin Yoruba ni Naijria, oloogbe Alhaji Ayinde Barrister ni ọlọpaa ṣẹṣẹ mu laipẹ yii lori ẹsun iku ọga ileeṣẹ to n gbe awọn awo orin rẹ sita, Babatunde Oyerinde Abiodun ti ọpọ mọ si Kashy.
Iroyin ni wọn fi ẹsun kan pe ilumọọka olorin naa wa ni orilẹede Ghana lati lọ ṣe awọn orin kan ati lati ba ọga ileeṣẹ orin rẹ sọ ọ̀rọ̀ katakara.
Ṣaaju ọjọ ti arakunrin naa papoda, a gbọ pe o fun Barry Jhay ni ẹbun ago ọwọ nla ti iye owo rẹ to miliọnu mẹsan naira eyi ti olorin naa fi buga ninu fidio kan to fi sita loju opo instagram rẹ.
- Ta ni Barry Jhay, Oluwakayode Junior Balogun tí ọ̀pọ̀ èèyàn ń pariwo rẹ̀ lórí ayélujára?
- Ìsìnkú Kashy Godson tí wọ́n fẹ̀sùn ikú rẹ̀ kan Barry Jhay pa ti wáyé lónìí ọjọ ìbí rẹ̀
- 'A ṣì ń wa 39, akẹ́kọ̀ọ́ 180 tí wọ́n jígbé ní iléèwé Federal College of Forestry Mechanisation Kaduna ti gba ìtúsílẹ̀
- Ìhòhò ọmọlúàbí ní òṣèrébìnrin yìí fi lọ sí àmi ẹ̀yẹ tí wọ́n pè é sí
Oríṣun àwòrán, Barry Jhay
- Wàwúù!!! Lẹ́yìn ọmọ márun-ùn, wo bí ìyàwó àgbẹ̀ se tún bí ìbaàrùn-ún ní Ogbomoso láì ṣe iṣẹ́ abẹ
- Wọ́n jí mi gbé, só mí mọ́lẹ̀ bí ẹ̀ran, fipábámilòpọ̀ láti di aya wọn torí mo jẹ́ Krìstẹ́nì - Ọmọbìnrin ọdún méjìlà
- Mọ̀ síi nípa ìṣẹ̀lẹ̀ ilẹ̀ ríru tó mú ẹ̀mí 16,000 èèyàn lọ tó sì ba dukia $206b jẹ́
- Ẹni bá rí i kó sọ o, Ìjọba ń wá ẹni dún 45 tó fipá bá ọmọ ọdún méje lòpọ̀
Ninu fidio naa, eeyan lee gbọ ti Barry Jhay n sọ pe "bi mo ṣe darapọ mọ ẹgbẹ yẹn niyẹn" ti Kashy naa sin n sọrọ labẹlẹ pe "Mo nifẹ rẹ ọmọ iya".
Awọn awuyewuye to n lọ lode fihan pe o ti pẹ ti Kashy ti jẹ eegun ẹyin nipa ẹnawo fun iṣẹ orin kikọ Barry latori eyi to sọ ọ di ilumọka gangan lọdun 2018, "Aiye".
Beeyan ba si wo oju opo instagram Barry Jhay ati Kashy daadaa, eeyan o ri i pe irẹpọ gidi lo wa laarin awọn mejeeji.
Bi Kashy ba tilẹ fẹ jọ ẹni ti ko fẹran awọn itakun ayelujara, o ṣi pọn olorin naa le kẹyin lọjọ kẹtala oṣu keji ọdun 2021 tii ṣe ọjọ ibi Barry Jhay.
Ohun to jẹ kayefi ni wipe, nigba diẹ ṣaaju ki Kashy to ku, iroyin sọ pe Barry Jhay fi fidio kan hande nibi to ti n pọ ẹjẹ lẹnu.
- Wo ìlànà tí ìpínlẹ̀ Oyo yóò gbà fi pín abẹ́rẹ́ àjẹ́sára Covid-19 tó gbà
- Ẹ wo àwòrán ìwọ́de àwọn ọmọ ẹgbẹ́ òṣìṣẹ́ káàkiri Nàìjíríà lórí ọrọ owó oṣù tó kéré jùlọ
- Wo iye obìnrin lágbàáye tó ń kojú ìwà ipá, àti ohun tó ń ṣokùnfà ẹ̀?
- Wo àwọn ìpínlẹ̀ Yorùbá tó ti gba abẹ́rẹ́ àjẹsára Covid-19 ní Nàìjíríà
- Wo nkan tó yẹ kí o mọ̀ nípa Iskilu Wakili, afurasí Balógun Fulani tí OPC mú ní Ayetẹ ìpínlẹ̀ Ọyọ
Oríṣun àwòrán, BarryJhay
"Wo bi arakunrin yii ṣe n lu mi. Mi o ṣe nkankan o. Mo n ka orin silẹ ni ọkunrin yii si bẹrẹ si ni lu mi bayii". Igba to ya lo pe orukọ ẹni naa ti ẹnikẹni ko mọ ni "Jew".
Awọn ọmọ ẹlẹgbẹ okunkun lo maa n saba lo orukọ yẹn fun awọn ti kii ṣe ọmọ ẹgbẹ́ rara. Nigba mii o maa n tumọ si pe wọn n pe ẹni bẹ́ẹ́ ni ikoko tabi ojo ati bẹ́ẹ̀ bẹ́ẹ̀ lọ.
Gbogbo iru eyi lo mu ki iroyin to n gbode kan di eyi ti wọn gbagbọ pe o ṣeeṣe ko jẹ pe ẹgbẹ okunkun kan ni orilẹede Ghana lo ṣe ikọlu si i.
Kii ṣe ajoji laarin awọn oṣere ati olorin ki wọn maa ni aawọ lori ọrọ owo ati ni ọpọ igba, ibaṣepọ laarin wọn maa n fẹ́rẹ́ẹ̀ fori ṣanpọn.
Iroyin kan fi sita pe Barry Jhay ati Kashy ni ija lori awọn ọrọ katakara kan.
Bi ẹ ba ranti, ajọ EFCC mu Kashy lọdun 2020 lori ẹsun jibiti ori ayelujara. Ọrọ latẹnu awọn kan to sunmọ ọ pẹti pẹti sọ pe iṣẹlẹ pẹlu ajọ EFCC pa a lara debi to kan an lẹmi eyi to mu ko bẹrẹ si ni lo oogun ni orilẹede ti ofin wn lodi si i.
Ẹwẹ, ohun tawọn eeyan n ran mẹnu nita gbangba lati igba naa ni pe ṣe Barry jhay lo fa iku ọga rẹ ni? Abi ṣe o ran awọn ọmọ ẹgbẹ okunkun lati fiya jẹ Kashy? Abi ṣe iporuru ọkan lo fa sababi bi Kashy ṣe gba ẹmi ara rẹ ni?
Eyi ati ọpọ ibeere ni ileeṣẹ ọlọpaa Ghana ni ireti lati ṣi aṣọ loju wọn ninu igbesẹ iwadi ti wọn n ṣe lọ́wọ́lọ́wọ́.
