Sunday Igboho ò lẹ́bi, ìjọba ló làbùkù lórí wàhálà Fulani darandaran- Oba Olugbọn

Ìjọba ló ni àbùkù àìbìkítà lórí ọ̀rọ̀ Sunday Igboho- Oba Olugbọn ti Orile-Igbọn

Emi ko sọ pe ki eeyan maa da ofin ṣe ṣugbọn ko si igba ti onikaluku ko ni dide fun eto aabo ara rẹ- Olugbọn

Se ẹ ranti Oba alade ilẹ Yoruba to pari ede aiyede to ṣẹlẹ larin Sunday Ighoho ati Ooni ti Ile Ife laipẹ?

BBC Yoruba ti ṣabewo si aafin Olugbọn ti Orile Igbon ni Ogbomoso ni ipinlẹ Oyo ni guusu iwọ oorun Naijiria.

Oba Francis Olusola-Alao to je igbakeji alaga awọn lọbalọba ni ipinlẹ Oyo ba BBC Yoruba sọrọ ilẹ kun.

Kabiesi sọrọ pupọ lori ọrọ ajijangbara iran Yoruba ni, Oloye Sunday Adeyemo ti ọpọ n pe ni Sunday Igboho.

Oba Francis ni ijọba Naijiria ti kuna ni ojuṣe wọn lati daabo bo awọn eeyan ti wọn n dari lasiko yi.

O ni: Bẹẹ, ti ẹnikan ba n ro pe ohun ti Sunday Igboho n ṣe ko dara to, ki lo de ti ẹyin naa ko kuku lọ ṣe bi akọni.

Oba Francis Olusola-Alao salaye pe ofin ijọba fi aye gba " Self Help" ati " Self Defence" ni eyi to n jẹ ki eeyan gbeja ara rẹ tabi eeyan rẹ bi Sunday Igboho se n se lọwọ yii.

Kabiesi ni aibikita fun ara ilu lo n yọ ijọba lẹnu kii ṣe Sunday Igboho ni iṣọro wọn.

Koda, Oba ni lọjọ kan, akololo yoo pada pe baba lori eto aabo iran yoruba laipẹ.

O parọwa fun ijọba apapọ ati ipinlẹ lati tete wa nkan se soro eto aabo lasiko yii.

Oba Olugbon ti Orile Igbon ni a ṣi maa ri ọgọrun un akọni ti yoo dide bi Sunday Igboho laipẹ ti nkan ba n tẹsiwaju bayii

Kabiesi mẹnuba ipa to ko lati pari ede aiyede to waye laarin Sunday Ighoho ati Ooni ti Ile Ife seyin.

Koda, o gobriyin fun Sunday Ighoho pe ọmọ to gbọran ni to si bọwọ to yẹ fun ori ade.

Oba Francis Olusola Alao ni Ooni ti Ile Ife, Oba Adeye Ogunwusi olowo ori Olori Naomi Silekun ola naa si jẹ baba to ni ifẹ ọmọ pupọ.