Ìdí rèé tí Man U ṣe já Odion Ighalo sílẹ̀ nínú ìgbáradì rẹ̀ tí yóò wáyé ni Spain

Odion Ighalo ko ni ba awọn akẹgbẹ ni Manchester United kopa ninu igabradi wọn ti yoo waye lorilẹ-ede Spain nitori ibẹru aisan Coronavirus.

Ẹlẹsẹ ayo ọhun darapọ Manchester United lati ẹgbẹ agbabọọlu Shanghai Shenhua lorilẹ-ede China, nibi ti aisan naa ti kọkọ bẹrẹ.

Wọn ni ti Ighalo ba tẹlẹ awọn akẹgbẹ rẹ lo si Spain, o ṣeṣe ki ileeṣẹ aṣọbode ilẹ Gẹẹsi ma gba a laaye lati pada si orilẹ-ede naa nitori ibẹru aisan ọhun.

Akọnimọgba Manchester United, Ole Gunnar Solskjaer sọ fun awọn oniroyin pe yoo jẹ didun inu Ighalo lati darapọ mọ awọn akẹgbẹ rẹ.

O ni "Nitori bi ọrọ ṣe ri lọwọ yii ni China, ko da wa loju pe wọn yoo gba Igahlo laye lati pada wọ ilẹ Gẹẹsi to ba lee jade."

Solskjaer tẹsiwaju pe, nitori naa, Ighalo yoo ṣi wa ni ilẹ Gẹẹsi fun akoko yii.

Akọnimọgba naa ni igbesẹ ọhun jẹ fun igba diẹ lati le mọ ibi ti ọrọ aisan Coronavirus naa yoo yọri si.

Aisan coronavirus ọhun to bẹrẹ lorilẹ-ede China ti mu ọpọlọpọ ẹmi lọ, ti awọn onimọ ijinlẹ si ti n wa ojutu sii.