Bola Tinubu padà dé sí Naijiria lẹ́yìn tó lọ gbàtọ́jú nílùú London
Oríṣun àwòrán, Jubril Aremu Gawat
Eekan ẹgbẹ oṣelu APC, Bola Tinubu ti pada si Naijiria lẹyin to lo ọpọ ọjọ nilẹ Gẹẹsi nibi to ti lo gba itọju.
Alẹ ọjọ Ẹti, ọjọ Kẹjọ, oṣu Kẹwaa, ọdun 2021 yii ni aṣaaju ẹgbẹ oṣelu APC balẹ si Naijiria lati ilu London.
Ninu atẹjade ti ọkan lara awọn agbẹnusọ gomina Babajide Sanwo-Olu ti ipinlẹ Eko, Jubril Aremu Gawat fi lede, o ni Tinubu pada wa si Naijiria lẹyin to lọ ṣiṣẹ abẹ orokun loke okun.
- Òrùka ìgbéyàwó,ìlẹ̀kẹ̀ ìdí àti àwọn nkán míràn tàwọn eléwé ọmọ fí n ṣètò ìfètòsọ́mọbíbí
- Ṣé lóòtọ́ ni ìjọba orílẹ̀-èdè Benin ti gba àbọ̀dè lórí ẹjọ́ sunday Igboho?
- Mo dúpẹ́ pé Ọlọrun kò jẹ́ kí àwọn ọmọge tí mo kọ́kọ́ dẹnu ìfẹ́ kọ gbà láti fẹ́ mi - Mike Bamiloye
- Bí a kò bá yá owó, Nàìjíríà ò bá má bọ́ nínú ìfàsẹ́yìn ọ̀rọ̀ ajé - Mínísítà ètò ìsúná
- Chiwetalu Agu ti gba òmìnira lọ́wọ́ àwọn sọ́jà tó mú u
Gawat ni kii ṣe pe Tinubu lo ṣiṣẹ abẹ kan to lewu fun ẹmi rẹ, ṣugbọn ẹsẹ nikan lo n yọ ọ lẹnu, o si ti gbadun bayii.
O ni "O ti pari itọju orokun rẹ. o si ti gbadun. Ni bayii to ti pada de si Naijiria o ti ṣetan lati tẹsiwaju ninu akitiyan rẹ lati ri daju nnkan ṣenu ire fun gbogbo mutumuwa, ati ki Naijiria si le tẹsiwaju."
Oríṣun àwòrán, Jubril Aremu Gawat
Lẹyin naa lo ni Tinubu dupẹ lọwọ gbogbo awọn ọmọ Naijiria fun adura ati aduroti wọn ni gbogbo asiko to fi lọ gba itọju loke okun.
- Ojú wa rí tó lásìkò tì a wà ní àhámọ́ ajínigbé, koríko la jẹ fún ọjọ́ 52
- Ààrẹ Buhari, wá ọ̀nà míràn látí wá owó fún ètò ìṣúná 2022, ẹ̀yáwó ojojúmọ́ tí pọ̀jù- Ilé Ìgbimọ̀ Aṣòfin
- Wàhálà bẹ́ sílẹ̀ nílé aṣòfin, káńsẹ́lọ̀ obìnrin ní alága ìjọba ìbílẹ̀ ló pàṣẹ pé káwọn jàndùkú fa aṣọ òun ya.
- Agbébọn yìnbọn pa akẹ́gbẹ́ rẹ́ lásìkò ìjínígbé tí wọ́n kójú Àmọ̀tẹ́kùn
Ti ẹ ko ba gbabe, ṣaaju ni awọn iroyin kan ti kọkọ gbode kan pe Bola Tinubu ti jade laye.
Ṣugbvọn agbẹnbusọ rẹ, Tunde Rahman sọ pe irọn nla ni iroyin naa ati pe ko ṣaisan kankan.
Lẹyin ọsẹ diẹ si asiko na ni gomina ipinlẹ Eko ṣabẹwo si, ti awọn oloṣelu mii ti iye wọn le ni ọgbọn si lọ ṣabẹwo si niluu London pẹlu.
Ẹwẹ, bo tilẹ jẹ pe Tinubu ko tii sọ ni gbangba pe oun yoo dije du ipo Aarẹ lọdun 2023, awọn ẹmẹwaa rẹ ti bẹrẹ si n ṣe ipologo ibo Aarẹ lẹyin rẹ.
Ni iroyin miran, agbarijọpọ ẹgbẹ awọn gomina ni iha Guusu Naijiria ti fẹnuko pe iha Guusu Naijiria lo yẹ ki Aarẹ ti yoo gori alefa lẹyin Muhammadu Buhari ti wa, ṣugbọn awọn akẹgbẹ wọn lati iha Ariwa ti ni ko si ohun to jọ bẹẹ nitori ohun ti wọn n bere fun ko ba ofin mu.
Lara awọn oloṣelu ti orukọ wọn ti n gbode pe ipo Aarẹ naa tọ si nilẹ Yoruba yatọ si Tinubu ni igbakeji Aarẹ, Ọjọgbọn Yemi Osibajo ati gomina ipinlẹ Ekiti, Kayode Fayemi.
Wayi o, ko ṣi ẹni to tii mọ ibi ti ọrọ naa yoo ja si niroti ẹnikẹni ninu awọn oloṣelu mẹta naa ko si sọrọ soke lori ipinnu wọn.
