Zamfara Kidnap: Koríko láwọn tí orí kó yọ lọ́wọ́ ajínigbe jẹ fún ọjọ́ tí wọ́n fí wà ní àhámọ́

Ileeṣẹ ọlọpaa nipinlẹ Zamfara ti doola ẹmi awọn eeyan mẹtadinlaadọwa lati ọwọ awọn ajinigbe.

Ọjọ mejilelaadọta ni wọn lo ni akasọ awọn alaburu yi ki ori to ko wọn yọ.

Alukoro ọlọpaa Mohammed Shehu to kede itusilẹ wọn sọ pe awọn ti ko awọn eeyan wọnyi le awọn alaṣẹ ipinlẹ lọwọ.

Ko sọ pato boya wọn san owo idoola amọ o ni nigba tawọn agbofinro n para inu igbo Tsibiri lawọn ri awọn eeyan wọn yi.

Ninu aworan ti o gba ori ayelujara kan, niṣe ni awọn ti wọn doola yi dabi ẹni ti ebi n pa ti ko si ni alaafia to.

Ọkan ninu awọn to moribọ yi to ba ileeṣẹ iwe iroyin Naijiria Punch sọrọ ni oju awọn ri to lasiko tawọn fi wa ni ahamọ.

Arabinrin naa ti orukọ rẹ n jẹ Iklima Murtala sọ pe awọn janduku to ji awọn gbe ko fun awọn lounjẹ jẹ.

''Nigba ti wọn gbe wa de ibi ti wọn ko wa si, lẹyin ọjọ diẹ ti wọn fi fun wa lounjẹ niṣe ni wọn kọ lati fun wa lounjẹ lẹyin igba naa''

'A ko ri nkankan ṣe ju pe ki a wa koriko to ba ṣe jẹ lagbegbe naa ki a si maa jẹ ki ẹmi ma ba bọ mọwa lọwọ''

O ṣalaye pe eeyan mẹtadinlogun lebi lu pa ninu awọn ti wọn ji gbe.Koda o ni eeyan meji mii ku nigba ti wọn gbe awọn pada de Gusau.

Laipẹ yi ni awọn alaṣẹ ni ipinlẹ Zamfara ati Kaduna ti oju opo ikansiraẹni lori foonu lọna ati koju ipenija awọn ajinigbe ati janduku.

Ijọba ni ababọ igbesẹ yi ni awọn eeyan ti awọn ribi doola yi to fi mọ awọn ajinigbe mii ti ọwọ awọn ti tẹ.