HPV Infection: Àpẹ́rẹ́ àìsàn tó ń fa àrùn jẹjẹrẹ pọ̀ lára àwọn obinrin tó wà ní ìlú Ibadan - Ìwádìí fìhàn

Apere

Oríṣun àwòrán, Others

Awọn onimọ ti ni aisan nipa ibalopọ, iyẹn ''human papillomavirus (HPV) infection'' to ma n fa arun jẹjẹrẹ oju ara obinrin, ori, ọrun pọ laarin awọn obinrin to n gbe ilu Ibadan.

Awọn ti wọn parapọ ṣe iwadii naa ni ileẹkọ ileewọsan College of Medicine, University of Ibadan; ileẹkọ London School of Hygiene and Tropical Medicine, ileẹkọ London and Catalan Institute of Oncology lati orilẹede Spain.

Iwadii naa fihan pe orisirisi kokoro HPV mẹrin ọtọọtọ ni wọn ri ni ara awọn eniyan, to fi mọ awọn araalu ati awọn olowo naabi.

Eleyii ti o pọju ni arun oju ara (68%), atẹle rẹ ni oju ara ti ọmọ n gba jade cervix (60%), ọna ọfun (57%), ati ẹnu(16%).

Iwadii naa ni awọn ti wọn ṣe ayẹwo rẹ ni awọn ọdọ langba ti wọn ṣi n ni ibalọpọ to jẹ ẹni ọdun mejidinlogun si ọdun marundinlaadọta ni ilu Ibadan.

Ayewo

Oríṣun àwòrán, Others

Lẹyin ayẹwọ ojukoroju ati ni abẹ ayẹwọ sayẹnsi ni ileewosan ni wọn ti sayẹwọ ẹnu, oju ara dfun ayẹwo arun HPV ọhun.

Àkọlé fídíò, Adeyemi Olubunmi Crown: Láti ìgbà ti mo ti fún ọkọ mi ni ẹ̀bùn mọ́tò ni ìfẹ́ wa ti yàtọ̀

Kini ayẹwọ fihan?

  • Awọn obinrin yii ti bẹrẹ si ni ibalopọ lati ọdun mẹtadinlogun
  • Awọn ẹni ti wọn n ba ni ibalopo ju wọn lọ bii nkan bi ọdun marun
  • Bakan naa ni wọn n ṣe ibalopo ti wọn n pe ni ''oral sex''
  • Wọn tun n fun ara wọn ni igbadun ibalopọ(mastubation) tabi fun ẹnikeji wọn.

Iwadii fihan pe bi o tilẹ jẹpe kokoro HPV ma n kuro ni ara awọn eniyan ti eroja aṣeraloore immune eniyan ba wa ni sẹpẹ, amọ awọn miran kii lọ ti o si ma n fa arun jẹjẹrẹ si ara obinrin