Etche local Council fracas: Kà nípa ohun tó ṣẹlẹ̀ táwọn jàǹdùkú fi fa aṣọ ya mọ́ káńsẹ́lọ̀ obìnrin lára
Oríṣun àwòrán, Cynthia Nwala
Ọrọ ti di gbọnmi si omi o to laarin obinrin aṣofin kan nile aṣofin ijọba ibilẹ Etche ni Rivers ati alaga kansuu ijọba ibilẹ naa.
Ko si syin bi arabinrin Cynthia Nwala ṣe fẹsun kan alaga kansuu na pe o ni ki awọn janduku fa aṣọ rẹ ya ti wọn si ba ọkọ rẹ jẹ.
Babanbari ọrọ yi ni bi aworan kansẹlọ ti wọn fa aṣọ rẹ ya yi,arabinrin Cynthia Nwala ṣe gba oju opo ayelujara kan.
- Kí ló lè mú kí ará ìlú fárígá pátápátá nítorí pé kò sí iná mọ̀nàmọ̀nà?
- Kí ni òṣèré Chiwetalu Agu ṣe tí àwọn ológun gbé e jàǹtò? Ẹṣẹ tí wọn kà síi lọrùn rèé
- Ìyàwó Ganduje ti kúrò lọ́dọ̀ọ́ EFCC, wo ohun tó gbé e lọ síbẹ̀....
- Ilé ìgbìmọ̀ aṣòfin yan ẹ̀ní tó tí bẹ̀rẹ̀ iléèwé kí wọ́n tó dé ilé ayé gẹ̀gẹ̀ bí ìgbìmọ̀ Àjọ EFCC
- Ọjọ́ burúkú èṣù gbomimú ní Ọyọ! igi ńlá wó pa ọ̀pọ̀ ènìyàn
- Ọwọ ọlọ́pàá tẹ afurasí ajínigbé tó máa n dibọn bí dírẹ́bà láti jí àwọn arìnrìnàjò gbé
- Agbébọn yìnbọn pa akẹ́gbẹ́ rẹ́ lásìkò ìjínígbé tí wọ́n kójú Àmọ̀tẹ́kùn
Ninu aworan naa niṣe ni aṣọ rẹ ya ti ara rẹ si han sita.Bẹẹ naa ni a ri aworan ọkọ kan ti wọn fọ gilasi rẹ.
Arabinrin Cynthia Nwala to jẹ olori ọmọ ile aṣofin ni Etche sọ pe alaga kansuu Chinedu Onyeche lo ran adari eto aabo rẹ CSO lati da sẹria fun oun.
Ninu alaye rẹ to ṣe fawọn akọroyin, o ni nitori ti oun fẹ gbe ọpa aṣẹ ile kuro ni wọn fi fa aṣọ oun ya ti wọn si ba ọkọ oun jẹ.
O ni atunṣe n lọ lọwọ ni ile aṣofin nitori naa loun fi gbe ọpa aṣẹ ki nkan ma baa ṣe ọpa naa.
Iṣẹlẹ yi ti mu iriwisi ọtọọtọ wa ṣugbọn alaga kansuu ti wọn fẹsun kan pe o ni ki awọn janduku lu Cynthia,Chinedu Onyeche sọ pe irọ ni Cynthia pa mọ oun.
Agbẹnusọ alaga yi Oluo Anyimachukwu to fi ọrọ lede loju opo Facebook rẹ ni alaga ko ran eeyan kankan lati ya aṣọ Cynthia tabi ki wọn ba ọkọ rẹ jẹ.
O ni adari eto aabo CSO alaga kii ṣe ọmọ ile igbimọ aṣofin tori naa ko le da si ọrọ to n lọ laarin awọn aṣofin.
Atẹjade to fi sita ni yatọ si ohun to sọ fawọn akọroyin''Cynthia lo ko awọn ọlọpaa ati janduku ogun wa lati wa fi ipa gbe ọpa aṣẹ kuro nile''
O ni igbe gbajare ti awọn aṣofin ke lo mu ki CSO wa lati wa daabo bo awọn ọmọ ile aṣofin lọwọ Cynthia ati awọn janduku to ko lọwọ.
Lori ọrọ yi, awọn ikọ ajafẹtọmniyan obinrin ni ilu Port Harcourt ti ṣe iwọde lọ si ọfisi Gomina ipinlẹ naa.
Wọn ni awọn fẹ ki Gomina wa wọrọkọ fi ṣada lori bawọn eeyan ṣe n ṣe ikọlu sawọn obinrin lọna ti ko bofin mu.
