Bala Bantex: Ìjọba ìpínlẹ̀ Kaduna kéde òní ọjọ́ Ajé gẹ́gẹ́ bíi ọjọ́ ìsinmi nítorí ikú ìgbákejì gómìnà Bantex tó dolóògbé
Oríṣun àwòrán, Others
Ijọba ipinlẹ Kaduna ti kede isinmi lẹni iṣẹ fun gbogbo oṣiṣẹ ni ipinlẹ Kaduna loni ọjọ Aje, ọjọ kejila, oṣu keje, ọdun 2021.
Ijọba kede isinmi yii lati bu ọla fun igbakeji gomina ana, Bala Bantex to jẹ Olorun nipe lanaa, ọjọ aiku, ọjọ kọkanla, oṣu keje, ọdun 2021.
Bala jẹ igbakeji gomina lati oṣu karun un ọdun 2015 si osu karun un, ọdun 2019 ni ipinlẹ Kaduna.
Ogbeni Muyiwa Adekeye to jẹ olubadamoran lori ifitonileti fun Gomina El Rufai to n tukọ ipinlẹ Kaduna lo fi ikede yii sita.
Atẹjade naa ni olubadamoran gomina buwọlu lẹyin ti iroyin naa ni o fi ọrọ ibanikẹdun ranṣẹ si ẹbi oloogbe
O ni adura Malam Nasir El Rufai ni pe ki Oba Oke dẹ ile fun ẹni to lọ.
- Ẹ̀tẹ́ ló bá dé fun England lálẹ́ àná lẹ́yìn tí Italy dáná ìyà fún wọn ní pápá ìṣeré Wembly
- Kí gbogbo ilé ìjọsìn Eko padà sí ìlàjì iye ènìyàn tó lè wa jọ́sìn- Sanwo Olu
- Ọlọ́pàá mú àwọn ọmọ ẹgbẹ́ òkùnkùn mẹ́ta tí wọ́n fi típa mú akẹgbẹ́ wọn wọ ẹgbẹ́
- Wo ohun tí TuFace, Mr Macaroni àti DJ Cuppy sọ nípa Sound Sultan
- Ẹni mẹ́wàá ni wọ́n jí gbé pẹ̀lú Emir Kajuru, Alhaji Alhassan Adamu
- Ìjàmbá ọkọ̀ tó wáyé ní Port Harcourt mú ẹ̀mí ènìyàn 5 lọ
Oríṣun àwòrán, @Bantex
Ta ni Bala Bantex to doloogbe?
Bala Bantext jẹ igbakeji gomina to tukọ ipinlẹ Kaduna lati ọdun 2015 si ọdun 2019.
O jẹ akọṣẹmọṣe awọn to n ya ile ati ibi iṣẹ ati ibugbe nalnla.
Gomina Nasir El Rufai lo fidi iku rẹ mulẹ lana ọjọ Aiku, ọjọ kọkanla, osu keje, odun 2021.
Bala dagbere faye lẹni ọdun mẹrinlelogọta.
Gomina El Rufai ni Bala jẹ ọrẹ oun tootọ koda titi di igba ti o fi ṣaisan.
Oríṣun àwòrán, @EL Rufai
Bala Bantex wa lara awọn aṣoju to lọ si apero Constitutional Conference, to waye lọdun 1994.
Oun ni alaga ijọba ibilẹ Kaura to tun ṣoju ẹkun Kaura Constituency nile igbimọ aṣojuṣofin
Ọpọ ẹbi ati ọrẹ lo n ṣelede lẹyin igbakeji gomina naa, Barnabas Yusuf Bala Bantex.
