Àjọ NAFDAC fi òfin de òògùn 44 lọ́jà, wo bí o ṣe le dá wọn mọ̀

Ajọ to n mojuto ounjẹ ati oogun lorilẹede Naijiria, NAFDAC ti kede pe ohun ti fi ofin de awọn oogun kan lorileede Naijiria fun eto ilera araalu.

NAFDAC sọ pe awọn oogun naa, yatọ si pe wọn ko nii ta wọn mọ lawọn ile itaja oogun, bakan naa ni wọn ko gbọdọ ṣe wọn jade mọ, ati pe wọn ko gbọdọ ko polowo wọn rara.

Laipẹ yii ni ajọ NAFDAC kesi gbogbo ọmọ Naijiria pe ayederu oogun to le ṣe akoba nla fun ilera ti wa lọja, ati pe ki wọn ṣọra nipa irufẹ awọn oogun naa.

NAFDAC jẹ ko di mimọ pe ọwọ awọn ti tẹ awọn eeyan to wa nidi kiko awọn ayederu oogun ọhun lọ sita, ti wọn si ni awọn ti ti ṣọọbu ti wọn ti n ṣe e jade.

Ninu atẹjade ti ajọ naa gbe jade soju opo wọn lọjọ kẹrindinlọgbọn, oṣu Kọkanla, ọdun 2024, NAFDAC sọ pe awọn ti gba iwe aṣẹ lori awọn oogun naa.

"Eyi ni lati fi to gbogbo eeyan leti wi pe awọn ọja wọnyi lati buwọ lu lati gba iwe aṣẹ wọn, bẹẹ si lati fi ofin de tita wọn.

"Ni bayii, wọn ko ni aṣẹ mọ lati ṣe awọn oogun yii jade, ko wọn wọle tabi ko wọn jade, pin wọn kaakiri, ṣe ipolowo wọn, ta wọn tabi lo wọn mọ laarin Naijiria," NAFDAC ṣalaye.

Iru awọn oogun wo ni NAFDAC ko kuro lọja?

Awọn oogun to ku ni

Ewu to wa ninu lilo ayederu oogun

Abajade iwadii ti London School of Hygiene and Tropical Medicine sẹ fun ajọ ilera l'agbaye, WHO, sọ pe ayederu oogun, paapaa oogun iba, le fa 116,000 iku lọdọọdun ni ilẹ olooru Africa.

Lọdun 2015 nikan, ẹka ajọ naa ni America sọ pe o le ni 122,000 ọmọde ti ọjọ ori wọn wa labẹ ọdun marun un, to ku nitori atederu ati oogun iba ti ko pojuowo ni ilẹ olooru Africa., lara eyi ti Naijiria wa.

Yatọ si iku aitọjọ, ayederu ati oogun ti ko pojuowo le fa awọn aisan miran ti ko si ninu agọ ara tẹlẹ.