Agbébọn ṣe ìkọlù tuntun ní Kwara, ṣekúpa èèyàn méjì, jí mẹ́rin gbé lọ

Awọn agbesunmọmi ti ji eeyan eeyan mẹrin gbe lọ ti wọn tun ṣekupa meji mii niluu Bokungi, to wa ni ijọba ibilẹ Edu, nipinlẹ Kwara.

Iṣẹlẹ naa lo waye lẹyin wakati mẹrinlelogun ti awọn agbesunmọ kọkọ kọlu ile ijọsin CAC Oke Isgeun to wa niluu Eruku, ni ijọba ibilẹ Ekiti, nipinlẹ kan naa.

Awọn ti iṣẹlẹ naa ṣoju wọn sọ pe irọlẹ ni iṣẹlẹ ọhun waye lasiko ti awọn eeyan naa n ṣiṣẹ ninu oko irẹsi wọn.

Gẹgẹ bii ohun ti wọn sọ, asiko ti awọn agbẹ naa n kore irẹsi inu oko lawọn agbebọn ṣadede yi wọn ka.

Ẹni to ba awọn akọroyin sọrọ ni amọ ti ko fẹ fi orukọ ara rẹ lede ni "lootọ ni awọn agbebọn kọlu Bokungi to wa labẹ Lafiagi.

"Eeyan mẹrin ni wọn ji gbe lọ, a ṣi n ko iroyin naa jọ lọwọ."

Akọroyin BBC to wa ni Kwara tun fidi iroyin naa mulẹ, o fi kun pe eeyan meji ni wọn ṣekupa yatọ si awọn mẹrin ti wọn ji gbe lọ.

Awọn olugbe ilu naa sọ pe awọn agbesunmọmi ọhun ṣọṣẹ fun ọpọ iṣẹju lai si idiwọ kankan ki wọn to dari awọn agbẹ naa sinu igbo ti wọn si gbe wọn lọ.

Wọn ni ọpọ awọn olugbe ilu ọhun lo ti na papa bora latari eto abo to mẹhẹ nibẹ ti ijinigbe si ti di ohun to n waye lemọlemọ.

Gẹgẹ bi wọn ṣe sọ, pupọ awọn agbẹ to wa nibẹ ni ko lọ sinu oko mọ lati lọ kore nitori ibẹru awọn ajinigbe.

Ileeṣẹ ọlọpaa ipinlẹ Kwara ati ijọba ipinlẹ naa ko tii sọ ohunkohun lasiko ti a n ko iroyin yii jọ.

Ti ẹ ko ba gbagbe, ipinlẹ Kwara yii kan naa ni agbebọn ti kọlu ile ijọsin lasiko ti isin n lọ lọwọ ti wọn si ji eeyan marundinlogoji lọ nigba ti wọn ṣekupa eeyan meji mii.