Ẹ má bá àwọn iléeṣẹ́ 58 yìí dòwòpọ̀, wọ́n yóò lù yín ní jìbìtì – EFCC kìlọ̀

Ajọ to n gbogun ti iwa ajẹbanu ni Naijiria, EFCC, ti kede ileeṣẹ idokoowo mejidinlọgọta ti yoo lu araalu ni jibiti ti wọn ba ṣowo pẹlu wọn.

EFCC lo fi orukọ awọn ileeṣẹ naa lede ninu atẹjade kan loju opo ayelujara rẹ.

Gẹgẹ bo ṣe sọ, awọn ileeṣẹ naa yoo tan awọn eeyan pe ki wọn wa dowopọ pẹlu wọn pẹlu owo perete lọna ati gba ere gọbọi lẹyin akoko diẹ.

Ajọ naa sọ pe ẹnikẹni to ba dowopọ pẹlu awọn ileeṣẹ bẹẹ yoo jẹ ika abamọ ni ikẹyin nitori ni ṣe ni wọn yoo padanu owo wọn.

EFCC sọ pe ko si eyikeyi ninu awọn ileeṣẹ naa to forukọsilẹ pẹlu banki apapọ Naijiria, CBN, tabi ajọ o n bojuto idokoowo ni Naijiria, iyẹn Security Exchange Commission, SEC.

O sọ siwaju si pe pupọ ninu awọn ileeṣẹ naa loun ti gbe lọ sile ẹjọ, nigba ti marun un ninu wọn jẹbi ẹsun to fi kan wọn, awọn marun un mii sọ fun ile ẹjọ pe awọn gba pe awọn jẹbi bo tilẹ jẹ pe idajọ wọn ko tii waye.

Orukọ awọn ileeṣẹ ti EFCC kilọ faraalu lati ma ba dowopọ

Yatọ si awọn ileeṣẹ wọnyii, EFCC tun kilọ faraalu lati maa ṣe iwadiii eyikeyi ileeṣẹ ti wọn ba fẹ dowopọ pẹlu ki wọn to ko owo wọn le irufẹ ileeṣẹ bẹẹ lori.