Dubai: Wo nkan tó yẹ kí o mọ̀ nípa ìwé ìrìnnà ọlọ́dún márùn ún tí UAE n fún arìnrìnàjò
Oríṣun àwòrán, Twitter
Ilẹ United Arab Emirate (UAE), ti ṣi aṣọ loju ipele akọkọ iwe irinna ọlọdun marun un fun awọn eniyan lati gbogbo orilẹ-ede.
Awọn alaṣẹ fi ikede naa sita lẹyin ipade igbimọ alaṣẹ ti orilẹ-ede naa ṣe fun ọdun 2020 l'ọjọ Iṣẹgun.
Iwe irinna tuntun ti wọn fẹ ẹ fi sita yii laarin oṣu mẹrin ni yoo fi aaye gba awọn arinrinajo igbafẹ lati wọ orilẹ-ede naa laimọye igba fun ọdun marun o le.
Sheihk Mohammed to jẹ Igbakeji Aarẹ ati Olootu ijọba ilẹ UAE, to si tun jẹ Ọba ilu Dubai, sọ pe wọn gbe igbesẹ naa lati le sọ ilẹ UAE di orilẹede ti awọn arinrinajo igbafẹ yoo maa lọ ju l'agbaye.
Ṣugbọn, ko sọrọ lori boya awọn eniyan yoo ma a san owo fun un tabi iye ti iwe irinna naa yoo jẹ.
Oríṣun àwòrán, Twitter/@HHShkMohd
Sheikh Mohammed tun darapọ mọ ileeṣẹ ipolongo ilu Dubai lati fi ikede yii sita loju opo Twitter.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Amọ ṣa, ileeṣẹ iroyin Gulf n sọ pe awọn ẹri kan jade pe orilẹede naa yoo fi aaye gba awọn to ba ni iwe irinna ọlọdun marun un lati lo to oṣu mẹfa lẹẹkan naa to ba wu wọn.
Ofin ati ilana ti ẹni to ba fẹ ẹ gba iwe irinna tuntun yii ko yatọ si eyi to ti wa nilẹ tẹlẹ.
