AMVCA 2022: Bí àmì èye AMVCA ti odún yìí yóò se lo nìyíí

Gbogbo eto lo ti to fun ayẹyẹ gbigba ami ẹyẹ Ilẹ Africa ti ''Africa Magic Viewers'Choice Awards (AMVCA), ti yoo waye ni Ọjọ Kẹrinla, Oṣu Karun un.

Ami ẹyẹ naa ni awọn kan ma n pe ni ami ẹyẹ ti Oscar ti ilẹ Afrika, ti wọn ti n fun awọn oṣere fiimu, awọn to n gbe wọn jade ati awọn onimọ miran ni ẹka wọn.

Ọdun yii ni ami ẹyẹ naa tun pada si ilẹ Afrika lẹyin ti wọn ko lee ṣe ni ọdun to kọja nitori ajakalẹ aarun Coronavirus.

Awọn alakoso ami ẹyẹ naa ti kede pe igun mẹtalelọgbọn ni wọn pin ami ẹyẹ naa si ti mejila nin

u wọn yoo si fun awọn eniyan ni anfaani lati di ibo.

Miliọnu kan naira ni ẹni ti awo orin rẹ pegede julọ yoo gba.

Gbajugbaja onifiimu, Victor Okhai ni yoo ṣe akoso awọn ti yoo kede ẹni to bori, ti wọn yoo si fun ni alami ẹyẹ naa.

Ni saa yii, wọn ti ṣafikun ami ẹyẹ fun ẹni to n pegede julọ lori ẹrọ ayelujara (Best Online Social Content Creator.)

Awọn ti yoo dije dupo naa ni awọn adẹrinpoṣonu bii Mr. Macaroni, Taaooma, Tee Kuro, Elozonam, Oga Sabinus ati bẹẹ bẹẹ lọ.

Tani yoo ṣakoso red carpet lasiko ami ẹyẹ naa?

Awọn alakoso ami ẹyẹ naa ni Toke Makinwa, Ebuka Obi-Uchendu, Uti Nwachukwu ati Sika Osei ati bẹẹ bẹẹ lọ.

Awọn eniyan mẹrin yii ni yoo ma a fi ọrọ wa awọn eniyan lẹnu wo lasiko ami ẹyẹ naa, ti wọn yoo si ba ṣafihan bi awọn eniyan ṣe mura si wa si ibi ayẹyẹ naa.

Awọn wo ni yoo wa lati Hollywood?

Awọn alakoso ami ẹyẹ AMVCA ti ni awọn oṣere lati Ilẹ Amẹrika,Hollywood.

Lara wọn ni Tasha Smith to kọpa ribiribi ninu fiimu 'Why Did I Get Married?' ati 'Why Did I Get Married, Too?'.

Arakunrin Bayo Akinfemi to kopa ninu fiimu ''Bob Hearts Abishola'' naa yoo darapọ mọ wọn.

Brandon Michael Hall naa to wa lara awọn to ṣe fiimu ''God, friended me'' naa yoo kopa.

To fi mọ Sidra Smith ati Grant Housley lati ileeṣẹ Hollywood ni ilẹ Amerika.

Bakan naa ni wọn yoo ṣepade pọ pẹlu awọn ogbongẹ ti wọn ti yan fun ami ẹyẹ AMVCA naa.

Akoko ti wọn yoo ṣafihan rẹ ni yii...

Awọn ti yoo wo ami ẹyẹ naa ni ori ẹrọ tẹlifisọn yoo wo o lori ẹrọ gbogbo Africa Magic ati Gotv.

Bakan naa ni wọn yoo ni anfani lati wo lori DSTV App ti wọn ba ni ẹrọ ayarabiasa to muna doko.

Awọn ẹka ti yoo gba Ami ẹyẹ naa ni;