ICC: Ẹ̀rí wà pé àwọn ológun Nàíjíríà ń hùwà ìka sí Boko Haram àti ọmọnìyàn
Oríṣun àwòrán, Reuters
Awọn ileesẹ agbofinro ilẹ wa lo seese ko lọ jẹjọ ẹsun iwa ọdaran si ọmọniyan nileejọ agbaye to n gbọ ẹsun iwa ọdaran.
Ẹsun ti wọn fi kan awọn agbofinro naa ni pe wọn huwa ọdaran lasiko ti wọn lọ koju ikọ agbesunmọmi Boko Haram lẹkun ariwa orilẹede yii.
Agbefọba kan nileejọ agbaye naa, Fatou Bensouda lo sisọ loju ọrọ naa ninu atẹjade kan to fisita nipa iwadi ohun to n waye ni Naijiria.
Àwọn iròyin tì ẹ leè ní ìfẹ̀ síí:
- Wo ìgbéyàwó olówó iyebíye tí awakọ̀ Kabúkabú ti jẹ̀bùn ọkọ N3.4m
- Kí ni abẹ̀ṣẹ́kùbíòjò Anthony Joshua fi n wu àwọn ọmọ Naijiria tí gbogbo wọn fẹ́ tan mọ́ ọ?
- Ìjọba ìpínlẹ̀ Ondo kéde òfin konile-o-gbele ní Ode ati Ishinigbo lẹ̀yìn rògbòdìyàn tó wáyé níbẹ̀
- Wọ́n ti rí Ọ̀pá Àṣẹ ilé aṣòfin ìpínlẹ̀ Ogun tí àwọn jàndùkú jí gbé nípinlẹ̀ Eko o!
- Wo àwọn tó ti dákú bíi Maina níwájú ìjẹ́jọ́
O ni awọn koko ẹri ti wa nilẹ lati foju awọn ileesẹ agbofinro lorilẹede Naijiria wina ofin nipa ihuwasi wọn si ikọ Boko Haram.
Oríṣun àwòrán, AFP
"Gẹgẹ bi awọn ikọ Boko Haram yoo se jẹjọ ẹsun hihu iwa ọdaran loju ogun, naa lawọn ileesẹ ologun Naijiria yoo jẹjọ awọn iwa aidaa ti wọn hu bii ipaniyan, ifipabanilopọ, ifiyajẹni ati iwa ika lọdọ ileẹjọ ICC.
Bakan naa ni ileẹjọ ICC n sewadi ileesẹ ologun ilẹ wa lori ẹsun gbigba awọn ọmọde ti ọjọ ori wọn ko ti to ọdun mẹẹdogun sisẹ ologun.
O ni wọn n gba awọn ọmọde naa laaye lati maa kopa ninu iwa ikorira, ifiyajẹ eeyan tori ọrọ isẹda wọn ati ti oselu to fi mọ awọn iwa kotọ mii si ọmọniyan.
Oríṣun àwòrán, Getty Images
Yatọ si eyi, bakan naa ni Bensouda fikun pe awọn ologun naa yoo tun jẹjọ lori pe wọn kopa ninu iwa "kikan nipa fun araalu lati poora, kiko awọn eeyan kuro lagbegbe wọn, ibinu si eeyan kan, kikọlu araalu ati mimu wọn si ahamọ laitọ."
