Philip Shekwo: Aága ẹgbẹ́ APC ní ìpínlẹ̀ Nasarawa tí àwọn agbébọn jí gbé ti kú
Oríṣun àwòrán, Other
Alaga ẹgbẹ oṣelu All Progressive Congress, APC, nipinlẹ Nasarawa, Philip Shekwo ti ku.
Ileeṣẹ ọlọpaa nipinlẹ Nasarawa ti fidirẹmulẹ fun BBC pe o ku lẹyin ti awọn agbebọn ji i gbe lọjọ Satide.
Agbẹnusọ fun awọn ọlọpaa nipinlẹ naa, ASP Rahman Nansel sọ pe wọn ti gbe oku rẹ lọ si ileewosan, nitori iwadii ṣi n tẹsiwaju.
Owurọ ọjọ Aiku ni BBC gbọ iroyin pe awọn agbebọn kan ji alaga ẹgbẹ osẹlu APC gbe.
- Wo ohun tí Adájọ́ ṣe sí àṣùwọ̀n ìfowópamọ́sí Wòlíì Sotitobire
- Iléẹjọ́ mú ọjọ́ kejìdínlógún, oṣù kọkànlá fún ìgbẹ́jọ́ àwọn tó jí ìbejì Àáfà Akeugbagold ní Ibadan
- Ajínigbé kọlu òṣìṣẹ́ FRSC, èèyàn méjì kú, mẹ́rin farapa, mẹ́wàá di àwátì
- Àwọn tó jí mi gbé ti fẹ́ẹ̀ pa mí, kí àwọn ọlọ́pàá tó dóòlà mi - Agbẹjọ́rò Bisola Ajayi
- RCCG: Pásítọ̀ Adeboye ṣáájú ìwọ́de àdúrà CAN lòdí sí ìpànìyàn ní Nàìjíríà
Awọn ọlọpaa sọ pe ni nkan bi aago mọkanla, alẹ Satide ni wọn wọ inu ile rẹ, ti wọn si gbe e salọ.
Ati pe ni kiakia ni awọn lọ si ile naa, ti awọn ati awọn agbebọn naa si jọ doju ija kọ ara wọn, amọ wọn papa ri gbe lọ.
Ọjọ Aiku si ni wọn ri oku rẹ nibi ti ko jina si ile rẹ.
ASP Nansel sọ pe bi awọn ṣe jọ doju ibọn kọ ara awọn fihan pe awọn agbebọn naa pọ gan-an.
Iṣẹlẹ ijinigbe ko ṣẹṣẹ ma a waye ni apa Ariwa Naijiria, ati awọn ibomii.
