Risikat Azeez: Aya gómìnà tún fẹ́ gba sọ́ọ́bù, ra ọjà fún obìnrin olójú búlúù

Ojo oriire si n rọ siwaju fun idile Risikat Oloju Buluu ati ọkọ rẹ, Abdulwasiu pẹlu awọn ọmọ wọn.

Idi ni pe aya gomina ipinlẹ Kwara, Olufolake Abdulrazaq, to ti tẹwọgba ọrọ wọn lati ilẹ ko tii jawọ nibẹ, to si tun n se wsn loore siwaju lọ.

Nibayii, lẹyin ayẹyẹ yigi ti wọn so lọjọ Satide, aya gomina ti gba ile fun wọn lati maa gbe lọtọ yatọ si ile mọlẹbi.

Àwọn iròyin tì ẹ leè ní ìfẹ̀ síí:

Nigba to n fidi isẹlẹ naa mulẹ, akọwe iroyin si aya gomina, Yinka Adeniyi sisọ loju rẹ fawọn akọroyin pe, lati ipasẹ ẹgbẹ alaanu ti aya Abdulrazak da silẹ, ni eyi ti see se.

Ẹgbẹ alaanu naa, to pe ni Ajike Support Grouplo gba ile filaati oniyara meji fun idile naa laarin igboro ilu Ilorin.

O fikun pe ọjọ Ẹti to kọja ni wọn fun tọkọtaya naa ni kọkọrọ ile naa, nigba to ku ọla ti wọn yoo so yigi.

Bakan naa lo ni adugbo tawọn ẹbi ọhun fẹ ni wọn gba ile naa si fun wọn.

Awọn eto ti aya gomina ni fun Risikat ati ọkọ rẹ wa nipele ipele, a tun fẹ gba sọọbu fun obinrin oloju buluu naa lati maa ta oogun to kọ isẹ rẹ.

A lero lati san owo ile ati owo sọọbu rẹ papọ ni, amọ a gbọ pe ẹlomiran ti gba sọọbu ta fẹ sanwo rẹ naa, idi ree ta fi sanwo ile nikan, ta si ni ki obinrin naa lọ wa sọọbu miran."

Akọwe iroyin aya gomina tẹsiwaju pe lẹyin eyi ni wọn yoo gba iwe asẹ lati maa ta oogun fun obinrin naa, ti wọn yoo si ra oogun kun inu sọọbu rẹ fun tita.

A wa n ki Risikat ati ọkọ rẹ pe wọn ku oriire ayọ igbeyawo, Ọlọrun yoo se wọn ni ọrẹ ara wọn.

Risikat olójú búlù dí aya Wasiu ní ìlànà Islam, tẹbí tará péjú síbẹ̀

Loni, ọjọ Satide, ọjọ karun un, oṣu kẹsan an ni Baba Kausara àti Iya Kausara di ara kan naa bii lọkọlaya ninu ẹsin Islam ni Ilorin ni ipinlẹ Kwara.

Se ẹ ranti ọrọ Risikat ati Wasiu ọkọ rẹ nitori oju bulu aya ati ọmọ rẹ meji?

Iroyin ni Ilorin Emirate Dev. Progressive Union lo ṣagbatẹru Nikkah naa laarọ yii.

Ni ọkọ ba ti mọ oju aya tan,

Ki gbogbo alarina yẹba lo ku.

Lawọn Aafa nlanla ba kuku so yigi Iya Kausara ati Baba Kausara o

Ni awọn alarinna ba ṣetan ati yẹba fun tọkọ taya.

Eyi lo tun fidi imọran awọn agba Yoruba mulẹ pe iwọnba leeyan n da si ọrọ lọkọlaya mọ nitori....

Abi ẹ o riṣẹ Olorun bi?

Ero peju sibẹ lati ba Risikat ati Wasiu yọ ni Ilọrin ni ipinlẹ Kwara ni aarin gbungbun Naijiria.

Ki lo ti ṣẹlẹ sẹyin?

Ọba Ilorin ló pàṣẹ pé kí ń padà sọ́dọ̀ ọkọ mi - Risikat olójú búlúù

Ilé wa ni mo ṣì wà, èmi kò tíì padà sọ́dọ̀ Bàbá Kaosara

Arabinrin Risikat Azeez ti ọpọ eeyan mọ si oloju buluu, naa ti fesi lori awọn ohun ti ọkọ rẹ ba BBC Yoruba sọ l‘Ọ́jọbọ.

Bẹẹ ba gbagbe, a mu iroyin wa fun yin pe ọkọ Risikat Abdulwasiu Azeez ni oun ati aya oun ti pada sọdọ ara awọn, ti awọn si ti jọ n se mukẹẹkẹ.

Sugbọn ninu ifọrọwerọ rẹ pẹlu wa ni aarọ ọjọ Ẹti, Risikat ni oun ati baba Kaosara dijọ ya fọto papọ ni, ile awọn si ni oun si wa.

Àwọn iròyin tì ẹ leè ní ìfẹ̀ síí:

"Rara o, wọn so yigi o, ile wa ni mo wa. Ohun ti mo kan ri nibẹ ni pe aya gomina Kwara ran awọn eeyan wa pe awọn fẹ ka pari aawọ to wa laarin wa, ka si maa sọrọ sira wa.

O tan o, nnkan ti wọn wa fun niyẹn.

Risikat fikun pe, nigba to ya ni wọn tun ni ki eeyan kan wa wọn oun ati ọkọ oun, ti yoo ba awọn ran asọ wa, ti onitọun si gbe ankoo naa wa ni ọjọ keji.

"Nigba to di Ọjọru, ni wọn ni ka ko asọ wa dani, ti wọn si ni ki wọn se oju mi loge fun mi nibudo ẹkọsẹ asaraloge ti mo ti n kọsẹ.

Ati ibẹ ni ọga mi ti gbe mi lọ si ile ijọba, a debẹ, ni wọn ba n ya fọto fun wa, ohun ta ri naa nuu."

Risikat fikun pe lootọ ni aya gomina n sọ pe ki awọn mejeeji pari ija, ki awọn si maa sọrọ si ara awọn, ti wọn si ya fọto fun awọn.

Nigba ti BBC Yoruba bi iya Kaosara leere pe se lootọ lo ti n lọ sun sile ọkọ rẹ gẹgẹ bi ọkọ rẹ ti sọ fun wa, o dahun pe:

"Mo fi Ọlọrun Ọba bura, ko si ohun to jọọ, ile wa ni mo wa, n ko si lọ sile ọdọ rẹ"

Lori ipalẹmọ lati tun yigi so, Risikat ni ọba Ilọrin ti ran awọn eeyan wa lati ba awọn pari ija, to si ni wọn ti n pari rẹ lọwọ.

"A ko tii mu ọjọ iyawo, amọ wọn saa fẹ se, ki wa ni mo fẹ se? Ọba Ilọrin sọ pe ohun ti oun yoo se niyẹn, oun gbẹsẹ le."

Amọ nigba taa bii pe ki lo fẹ ki wọn seto, ko to pada sọdọ ọkọ rẹ, Risikat ni ti wọn ba pari ija tan laarin awọn mejeeji, ko sẹni ti yoo ya si ọdọ awọn mọ.

"Ko sẹni to sọrọ lori ọrọ isẹ mi mọ, mo si fẹ ki wọn mojuto ọrọ ile iwe awọn ọmọ mi, isẹ temi naa, bẹẹ ni skọ mi gan ko ni isẹ to duro re."

Tá bá fi rí ọ̀sẹ̀ díẹ̀ si, èmi àti aya mi yóò tún yìgì so - Ọkọ Risikat olójú búlúù

Arakunrin Abdulwasiu Ọlọmọyọyọ, tii se ọkọ Risikatu Azeez, arabinrin oloju buluu nilu Ilorin, ti fi idunnu ati ayọ rẹ han fun awọn ọmọ naijiria lori aayan ti wọn ko lati jẹ ki ija to wa laarin oun ati iyawo rẹ pari.

Bakan naa ni Abdulwasiu, ti ọpọ eeyan tun mọ si baba Kaosara tun dupẹ pupọ lọwọ ileesẹ iroyin BBC Yoruba fun atilẹyin wa lori ọrọ naa ati ibi taa ba de, eyi to ni apẹrẹ rere.

Ọkọ Risikat oloju buluu naa ko sai tun se sadankata si aya gomina ipinlẹ Kwara, fun iranwọ to n se lati ri pe idile oun pada toro pẹlu itọju to n se fun wọn.

Amọ sa, Abdulwasiu wa fidi rẹ mulẹ pe laipẹ laijinna, oun ati iyawo oun yoo tun tun yigi so, ti idile oun yoo si pada duro re.

Mo fẹ ki Ọlọrun fun wa ni ọmọ oloju buluu si lẹyin yigi - Ọkọ oloju buluu

Saaju la ti mu wa fun yin pe Abdul Wasiu ti sọ fun ileeṣẹ BBC Yoruba pe ni nibayi, ija ti pari laarin oun ati iyawo rẹ.

''Inu mi dun pupọ. Mo dupẹ lọwọ Ọlọrun ati awọn ọmọ Naijiria fun aduroti wọn''

O ṣalaye pe lọdọ Risikatu loun ti kuro laarọ yii ati pe ko ni pẹ ti awọn yoo fi tun ṣe yigi pada''

Laipẹ yii ni awọn eeyan n beere boya awọn mejeeji yoo pari ija laarin ara wọn.

Koda iyawo Gomina ipinlẹ Kwara sọ wipe, oun yoo gbiyanju lati pari ija laarin awọn mejeeji.

Ninu ohun ta ri gbọ lẹnu Baba Kaosara bakan naa o sọ pe, iyawo Gomina lo ba awọn pari ija naa ,ti o si tun ṣatọkun bi wọn ti ṣe jijọ ya aworan papọ.

Àwọn iròyin tì ẹ leè ní ìfẹ̀ síí:

Nigba ti BBC Yoruba bi Abdulwasiu pe ki ni yoo sẹlẹ lẹyin ti wọn ba tun yigi se, ti aya rẹ si tun bi ọmọ oloju bulu, baba Kaosara dahun pe ọmọ oloju gan ni oun n tọrọ lọwọ Ọlọrun bayii.

"Inu mi yoo dun pupọ ta ba tun bi ọmọ ti oju rẹ yoo bulu, koda, ki ni mo fẹ fi ọmọ olju funfun se mọ, mo tiẹ n gbadura pe gbogbo ọmọ ti Ọlọrun yoo ba fun mi siwaju, ki wọn jẹ oloju bulu."

Iṣẹ lo wa ku bayi, ẹ saanu mi

Abdulwasiu ti wa kesi awọn ọmọ Naijiria lati ṣe iranwọ fun ohun ni[pa ọna iṣẹ lati le fi tọju mọlẹbi rẹ.

O sọ pe ko si iṣẹ kankan lọwọ oun bayii, toun si n beere iranwọ lọdọ awọn araalu lati se atọna bi oun yoo se ri isẹ.