ఈ జంతువులు చేసే కామెడీ చూస్తే నవ్వు ఆపుకోలేరు

ఈ ఏడాది కామెడీ వైల్డ్‌ లైఫ్ ఫోటోగ్రఫీ అవార్డ్స్ ఫైనలిస్టులను ప్రకటించారు.

ప్రపంచవ్యాప్తంగా అనేక మంది ప్రముఖ ఫోటో గ్రాఫర్ల నుంచి వేల కొద్దీ ఎంట్రీలు వచ్చాయి. ఈ పోటీలో విజేతలను నవంబర్ 23న ప్రకటిస్తారు.

ఫైనల్స్‌కు ఎంపికైన కొన్ని ఫొటోల వివరాలేంటో చూద్దాం.

‘‘ఓ మైదానంలో పచ్చని పొలాల్లో మేస్తున్న కంగారూల గుంపును దాటి వెళుతున్న సమయంలో కొన్ని ఫోటోలను తీసుకునేందుకు ఆగాను. అందులో ఓ కంగారూ విచిత్రంగా నిల్చోవడం చూశాను. అదెలా ఉందంటే ఆ కంగారూ గాలిలో గిటార్ వాయిస్తూ ఉన్నట్లు ఉంది’’ అని ఈ ఫోటో తీసిన జేసన్ మూర్ తెలిపారు.

చిత్తడి నేలల్లో తిరిగే ఈ భారీ తాబేలు నోరు తెరవడంతో ఓ తూనీగ వచ్చి దాని ముక్కుపై వాలిందని ఈ ఫోటో తీసిన టాహి ఫింకెల్‌స్టెయిన్ చెప్పారు.

‘‘కొన్ని జంతువుల ఫోటోలు తీసేందుకు నేను సఫోక్ వెళ్లాను. అయితే దారిలో ఉన్న మిన్‌స్మియర్ రిజర్వ్‌లో ఆర్ఎస్‌పీబీని సందర్శించాలనుకున్నాను. ఆ రోజు చాలా ఎండగా ఉండటంతో ఓ పక్షి కేంద్రంలో ఆగాను. ఈజిప్షియన్ బాతు ఒకటి ఎగురుతూ కనిపించింది. దాన్ని కొంగ అనుకుని పొరబడ్డ కొంగ ఒకటి బాతుతో జత కట్టేందుకు అక్కడ కిందకు దిగింది’’ అని ఈ ఫోటో తీసిన అలెన్ హోమ్స్ చెప్పారు.

‘‘అది పక్షి కాదనే విషయం నాకు తెలుసు. సాంకేతికంగా చెప్పాలంటే దీనికి గాలిలోకి ఎగిరే శక్తి కూడా లేదు. అయితే ఈ లెపర్డ్ మాత్రం ఎగిరే ప్రయత్నం చేస్తోంది. ఆ సమయంలో దీనిని మూడు పిల్ల చీతాలు ఇబ్బంది పెట్టడం కనిపించింది’’ అని పాల్‌ గోల్డ్‌స్టీన్ తెలిపారు.

‘‘ఈ పిల్ల కోతి తల్లి వీపు మీద కూర్చుని ఓ ముద్దు పెట్టవా అని అడుగుతున్నట్లు పోజ్ పెట్టింది’’ అని ఫోటోతీసిన బ్రిగిట్టి అల్కలే మర్కన్ చెప్పారు.

వసంతకాలం ముగింపు దశకు రావడంతో పిల్లల్ని కనేందుకు సీల్స్ నార్త్ సీ ప్రాంతం నుంచి వెళ్లిపోతున్నాయి.

కెన్యాలోని మసాయ్ మరలో సాయంత్రం పూట చెట్టు కొమ్మ మీద సింహం పిల్ల ఇలా నిద్ర పోతూ కనిపించింది.

ఈ బుల్లి గ్రీన్ ఫిచ్ పక్షికి తల్లి పక్షి ఆహారం తినిపిస్తోంది. అయితే వీటిని నిశితంగా చూస్తే ఆహారం తింటున్నట్లు కాకుండా, ఏదో గొడవ పెట్టుకుని అరుస్తున్నట్లుగా కనిపిస్తోంది.

ఈడ్చి కొడుతున్న చల్లని చలిగాలుల మధ్య ఈ తెల్లటి గ్రౌస్ పక్షి ఇలా నడిచొస్తోంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)