6 గ్యారెంటీలకు ఎక్కడ, ఎలా దరఖాస్తు చేసుకోవాలి? రైతు భరోసా, ఉచిత కరెంటు, రూ.4,000 పింఛను పథకాలకు ఎవరు అర్హులు?

తెలంగాణ అసెంబ్లీ ఎన్నికలకు ముందుగా తాము అధికారంలోకి వస్తే ఆరు గ్యారెంటీలను నెరవేరుస్తామని కాంగ్రెస్ హామీ ఇచ్చింది.

సమాజంలోని నాలుగు వర్గాల వారిని ప్రధానంగా లక్ష్యం చేసుకొని కాంగ్రెస్ పార్టీ ఈ గ్యారెంటీలను ప్రకటించింది. మహిళలు, యువత, రైతులు, వృద్ధులే ఈ నాలుగు వర్గాలు.

అయితే, వీటిని ఎలా అమలు చేస్తారు? వీటికి దరఖాస్తు చేసుకోవడం ఎలా? వీటి విధివిధానాలు ఏమిటి?

ఆరు గ్యారెంటీలు ఇవీ..

మహాలక్ష్మి

రైతు భరోసా

గృహ జ్యోతి

యువ వికాసం

చేయూత

స్కూటీలు కూడా..

ఈ గ్యారెంటీలకు అదనంగా యూత్ డిక్లరేషన్‌లోనూ కాంగ్రెస్ హామీలు ఇచ్చింది. దీన్ని ‘మిని మేనిఫెస్టో’గా కాంగ్రెస్ చెప్పుకొచ్చింది.

తెలంగాణ ఉద్యమంలో అమరులైన వారిని గుర్తించి వారి కుటుంబాలకు రూ.25 వేల పింఛను అందజేయడం, ఉద్యమకారులపై కేసుల ఎత్తివేత ఇందులో ప్రధానమైనవి.

కాంగ్రెస్ ప్రభుత్వంలో మొదటి ఏడాదిలోనే రెండు లక్షల ప్రభుత్వ ఉద్యోగాల భర్తీ. నిరుద్యోగ యువకులకు నెలకు రూ.4 వేల భృతి ఇస్తారు .

విద్యార్థి, నిరుద్యోగులకు ఉపాధి శిక్షణా తరగతుల ఏర్పాటు. పరిశ్రమల్లో స్థానిక నిరుద్యోగులకు 75 శాతం అవకాశాలు కల్పించేలా చట్టం. రూ.10 లక్షలు వడ్డీలేని రుణాల అందజేస్తారు.

ఎస్సీ, ఎస్టీ, బీసీ, ఈడబ్ల్యూఎస్ విద్యార్థుల కోసం ఆదిలాబాద్, ఖమ్మం, మెదక్ జిల్లాల్లో నూతన వర్సిటీల ఏర్పాటు చేస్తారు.

మహిళా సాధికారతలో భాగంగా చదువుకునే విద్యార్థినులకు ఎలక్ట్రిక్ స్కూటీలు ఇస్తారు.

మహాలక్ష్మి పథకం కోసం ఏం చేయాలి?

కాంగ్రెస్ పార్టీ ప్రకటించిన ఆరు గ్యారెంటీలలో ఒకటైన మహాలక్ష్మిలోని ‘ఆర్టీసీ బస్సులో మహిళలకు ప్రయాణం ఉచితం’ను డిసెంబరు 9 నుంచి అమలు చేస్తున్నారు.

ఈ పథకం కోసం రాష్ట్ర ప్రభుత్వం కొన్ని విధివిధానాలను సిద్ధంచేసింది. అవి ఏమిటంటే..

మహాలక్ష్మి పథకం అమలు తర్వాత తెలంగాణలో మహిళలు బస్సుల్లో ప్రయాణించడం ఎక్కువైందని రాష్ట్ర రెవెన్యూ శాఖ మంత్రి పొంగులేటి శ్రీనివాస్ రెడ్డి చెప్పారు.

‘‘తెలంగాణ రాష్ట్రంలో మహిళలు గతంలో 30 నుంచి 32 శాతం మంది బస్సుల్లో ప్రయాణించేవారు. మహాలక్ష్మి పథకాన్ని అమలుచేసిన తర్వాత అది 58 నుంచి 61 శాతానికి పెరిగింది’’ అని ఆయన తెలిపారు.

ఆరోగ్య శ్రీ కూడా

చేయూత గ్యారెంటీలోని ఆరోగ్య శ్రీని కూడా డిసెంబరు 9 నుంచే అమలుచేస్తున్నారు.

గతంలో కుటుంబానికి రూ.5 లక్షల వరకూ ఉన్న ఆరోగ్య శ్రీ పరిమితిని చేయూత అమలులో భాగంగా రూ.10 లక్షలకు పెంచారు.

ఆరోగ్య శ్రీ పొందాలనుకునేవారు తప్పనిసరిగా తెలంగాణ వాసులై ఉండాలి, కుటుంబం కూడా దారిద్ర్య రేఖకు దిగువన ఉండాలి.

ఆరోగ్య శ్రీ కార్డును https://aarogyasri.telangana.gov.in/ASRI2.0/ అధికారిక వెబ్‌సైట్ నుంచి డౌన్‌లోడ్ చేసుకోవచ్చు. దీని కోసం ఫోటో, రేషన్‌కార్డు, ఆదాయ ధ్రువీకరణ పత్రం, మొబైల్ నంబరు లాంటి వివరాలను అప్‌లోడ్ చేయాల్సి ఉంటుంది.

ఈ కార్డుతో సాయంతో ప్రభుత్వం నిర్దేశించిన ఆసుపత్రుల్లో దాదాపు వెయ్యి వరకూ ఆరోగ్య సేవలను ఉచితంగా పొందొచ్చు.

మిగతా హామీలు ఎప్పటినుంచి అమలు చేస్తారు?

మిగతా గ్యారెంటీలను ఎప్పటినుంచి అమలు చేస్తారనే అంశంపై డిసెంబరు 24న మీడియాతో రాష్ట్ర రెవెన్యూ శాఖ మంత్రి పొంగులేటి శ్రీనివాస్ రెడ్డి మాట్లాడారు.

ఈ నెల 28 నుంచి జనవరి 6 వరకూ రాష్ట్ర వ్యాప్తంగా ‘ప్రజా పాలన’ కార్యక్రమాన్ని నిర్వహించి మొత్తంగా ఆరు గ్యారెంటీలకు ప్రజల నుంచి దరఖాస్తులు స్వీకరిస్తామని ఆయన చెప్పారు.

ఈ పథకాల విధివిధానాలు త్వరలోనే వెల్లడిస్తామని, అయితే, తెల్లరేషన్ కార్డునే ప్రామాణికంగా తీసుకొని ఈ పథకాలను వర్తింపచేస్తామని ఆయన అన్నారు.

మరోవైపు కొత్త రేషన్ కార్డులు, రైతు బంధుకు కూడా ఈ కార్యక్రమంలోనే దరఖాస్తులు తీసుకుంటామని చెప్పారు.

ఏమిటీ ప్రజాపాలన?

ప్రజాపాలనలో భాగంగా ప్రతి గ్రామం, వార్డు, డివిజిన్, పట్టణాల్లో అధికారులతో సమావేశాలు నిర్వహిస్తామని పొంగులేటి చెప్పారు.

‘‘కొంతమంది అధికారులతో కలిసి బృందాలను ఏర్పాటుచేస్తాం. ఒక్కో బృందం ప్రతి రోజూ రెండు గ్రామాలను సందర్శిస్తుంది. అక్కడే గ్యారెంటీలకు సంబంధించిన దరఖాస్తులను స్వీకరిస్తుంది’’ అని ఆయన అన్నారు.

ఈ దరఖాస్తులను రెండు రోజుల ముందే కలెక్టర్ల ద్వారా ఆయా గ్రామాలకు అందిస్తారని తెలిపారు.

అయితే, మొదటి దశలో దరఖాస్తులు సమర్పించకపోతే ఆందోళన చెందొద్దని పొంగులేటి అన్నారు.

‘‘ఇదేమీ చివరి అవకాశం కాదు. మళ్లీ మళ్లీ మేం ఇలాంటి కార్యక్రమాలూ నిర్వహిస్తూనే ఉంటాం. అర్హులైన ప్రతి ఒక్కరి నుంచి దరఖాస్తు స్వీకరిస్తాం’’ అని ఆయన చెప్పారు.

విధివిధానాలు ఇలా..

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)