Ташдиди таҳримҳои Омрико алайҳи Русия ба хотири буҳрони Укройн
Image copyrightReutersОмрико гуфтааст, ки бо Фаронса ва Олмон бар сари эъмоли таҳримҳои тоза алайҳи Русия ба тавофуқ расида ва агар ин кишвар барои рафъи танишҳои марзӣ бо Укройн сареъан иқдом накунад, таҳримҳои тоза амалӣ хоҳад шуд.
Мақомҳои Омрико гуфтаанд бахшҳои дифоъӣ, молӣ ва саноеъи бо текнулужии болои Русия ҳадафи ин таҳримҳост.
Кохи Сафед бо интишори як баёния эълом карда, ки Борок Убомо, раиси ҷумҳури Омрико, бо Фронсуо Улонд, раиси ҷумҳури Фаронса ва Онгело Меркел, садри аъзами Олмон, дар ин маврид ҷудогона суҳбат кардааст.
Омрико рӯзи ҷумъа таҳримҳоеро бар ҷудоиталабони шарқи Укройн низ эъмол кард, ки масдуд шудани дороиҳои ҳафт нафар аз раҳбарони ҷудоиталабон аз ҷумлаи ин таҳримҳост.
Бар ин асос дороиҳои ин афрод дар Омрико масдуд мешавад ва ширкатҳои омрикоӣ иҷозаи муъомила бо онҳоро надоранд.
Дар моҳи март ҳам, ки шиҳбиҷазираи Криме замимаи хоки Русия шуд, Омрико ва кишварҳои урупоӣ таҳримҳое алайҳи даҳҳо шахс ва созмон дар Русия эъмол карданд.
Перту Пурушенку, раиси ҷумҳурии Укройн, рӯзи ҷумъаи 30 хурдод (20 июн) оташбасе якҷониба ва ҳафтрӯзаро дар шарқи Укройн эълом кард, аммо ҳам Русия ва ҳам ҷудоиталабони укройнӣ онро рад карданд.
Оқои Пурушенку барои ҳалли буҳрони Укройн як тарҳи сулҳи 14-моддаӣ пешниҳод кардааст.
Дар ин тарҳ, эҷоди як минтақаи ҳоил ба вусъати даҳ килуметр дар навори марзии Укройн ва Русия ва баргузории интихоботи зудҳангоми порлумонӣ пешниҳод шудааст.
Укройн аз беш аз ҳафт моҳи ахир дастхуши нооромӣ ва буҳрон будааст.
Тасмими Виктур Ёнукувич, раиси ҷумҳурии собиқи Укройн, дар моҳи ноябри соли гузаштаи милодӣ ба канор гузоштани тавофуқи ҳамкорӣ бо Иттиҳодияи Урупо боъиси бурузи эътирозоти хиёбонии густардае шуд, ки ниҳоятан ба сарнигунии ӯ мунҷар шуд.
Бо идомаи эътирозҳои хиёбонӣ Киеф, пойтахти Укройн, дар моҳи феврал шоҳиди бадтарин хушунатҳои ҳудуди 70 соли ахираш буд ва зарфи 48 соъат дастикам 88 нафар кушта шуданд.
Пас аз он Виктур Ёнукувич Укройнро тарк кард ва ба Русия рафт.
Дар моҳи март бо баргузории як ҳамапурсӣ дар шибҳиҷазираи Криме ин минтақа аз Укройн ҷудо ва замимаи хоки Русия шуд. Акнун дар дигар бахшҳои шарқии Укройн низ гароиши зиёде ба Русия вуҷуд дорад ва ин манотиқ дастхуши нооромӣ аст.
Дар пайи таҳаввулоти чанд моҳи ахири Укройн, равобити Ғарб ва Русия башиддат рӯ ба тирагӣ гузошт.
