PTECSSAN vs MTN: Ẹgbẹ́ òṣìṣẹ́ ń gbáradì láti gbéná wojú MTN, lórí bó ṣe ń ṣe àwọn òṣiṣẹ́ rẹ̀ ní Naijiria
Oríṣun àwòrán, others
Ẹgbẹ awọn oṣiṣẹ labẹ asia Private Telecommunications and Communications Staff Association of Nigeria, PTECSSAN, ti sọ pe wọn yoo da iṣẹ ileeṣẹ MTN ru nitori bi ileeṣẹ ọhun ṣe n ṣe awọn oṣiṣẹ rẹ ni Naijiria.
Bo tilẹ jẹ pe ko ṣalaye bi wọn yoo ṣe da iṣẹ MTN ru, akọwe apapọ ẹgbẹ ọhun, Okonu Abdulahi sọ fun BBC pe, wọn yoo gbena woju ileeṣẹ naa ti gbendeke ti wọn da a ba ti to.
Abdulahi ni awọn ọmọ ẹgbẹ PTECSSAN wa kaakiri ninu ileeṣẹ MTN, nitori naa, yoo rọrun lati da sẹria fun MTN.
- Wo àwọn iléèwé gíga tó ti bẹ̀rẹ̀ sí ní ta fọ́ọ̀mù JAMB post UTME screening ní Naijiria
- Ìdí rèé tí a ṣe fẹ́ sin Majek Fashek sílẹ̀ Amerika- Randy Fashek
- Ẹ wo ohun tó yẹ kí ẹ mọ̀ nípa oògùn 'Sputnik V' Russia tó ń wo àrùn Coronavirus
- Joe Biden kéde Kamala Harris, obìnrin aláwọ̀ dúdú gẹ́gẹ́ bí igbákejì rẹ̀ nínú ìdíje sípò Ààrẹ Amẹrika
Abdullahi tẹpẹlẹ mọọ fun BBC pe PTECSSAN ti kọ lẹta ranṣẹ si MTN lọpọ igba ṣugbọn niṣe ni ileeṣẹ ọhun kọti ọgbọnin si gbogbo ibeere wọn.
Abdulahi ṣalaye pe oriṣiriṣi ọgbọnin arekereke ni MTN maa n da lati yọri bọrọ ninu gbogbo ipade ti wọn ba pe e si.
O ni "A tilẹ ti kọ iwe si ọga agba patapata MTN lori ọrọ yii ni igba meji ọtọọtọ, nitori gbogbo awọn to maa n ran si wa sọ pe wọn ko lagbara lati yanju iṣoro ti a n lọgun rẹ, ṣugbọn ko si iyatọ kankan ti a ri."
- Wo ìdí tí Risikat Moromoke Azeez n'Ilorin fi ní "Blue Eyes" - Dókítà
- NCDC kéde èèyàn 423 míràn tó ṣẹ̀ṣẹ̀ lùgbàdì Covid-19 ní Nàìjíríà, 263 gbàwòsàn
- Àmọ̀tẹ́kùn gbéra! Kò séwu nínú ìdìbò tó ń bọ̀ l'Ondo àfi gìrì àparò- Akeredolu
- ‘Àwọn òlóṣèlú kò ní ìwà ọmọlúwàbí ló jẹ́ kí wọ́n má a lọ láti ẹgbẹ́ òṣèlú kan lọ sí òmìràn’
"Nigba miran ti a ba pe wọn si ipade, wọn le má yọju si wa fun nnkan bi odidi oṣu kan, eyii n sọ iru ọga to jẹ ati iru ọwọ to fi mu awọn oṣiṣẹ rẹ.
Abdulahi pari ọrọ rẹ pe PTECSSAN yoo gbe igbesẹ lati gbena woju MTN ni ọjọ Kẹrinlelogun, oṣu kẹjọ, ọdun 2020, ayafi to ba ṣe gbogbo ohun ti wọn a fẹ.
Lara ẹsun ti PTECSSAN fi kan MTN ni bo ṣe maa n di ẹru iṣẹ wuwo le awọn oṣiṣẹ rẹ lori, bi kii ṣe n fun awọn to ba da duro lẹnu iṣẹ ni owo gba mabinu, ati bẹẹ bẹẹ lọ.
Kini oṣiṣẹ MTN sọ fun BBC?
Ẹwẹ, ọkan lara awọn oṣiṣẹ MTN to ba BBC sọrọ ni ootọ ni pe iṣe n pa wọn lara.
Ọkunrin ọhun ti ko fẹ ki BBC darukọ rẹ sọ pe ti ileeṣẹ naa ba fẹ da eeyan duro lọpọ igba, yoo sọ fun wọn pe ki wọn funra wọn kọwe fi iṣẹ silẹ ni.
O ni eyii jẹ ọna alumọkọrọyi ti MTN n lo lati ṣalai san owo gba mabinu to yẹ ki ileeṣẹ san fun ẹnikẹni ti wọn ba fẹ daduro.
Ki iru ẹni bẹẹ ma le ri owo fi bẹrẹ ohun ọtun laye rẹ ti ko ba ni ajẹṣẹku tẹlẹ.
Oṣiṣẹ naa sọ pe MTN n gbiyanju nipa fifun awọn oṣiṣẹ rẹ lowo oṣu deede atawọn ajẹmọnu miran, ṣugbọn o ni o yẹ ki ileeṣẹ ọhun ṣe ju bo ṣe n ṣe lọ, paapaa nipa ti iye wakati ti awọn fi n ṣe iṣẹ ati iye owo to n san fun awọn.
BBC Yoruba gbiyanju pupọ lati ba aṣoju MTN sọrọ, ṣugbọn pabo ni gbogbo akitiyan rẹ ja si.
