Russia Covid 19 Vaccine: Ẹ wo ohun tó yẹ kí ẹ mọ̀ nípa oògùn 'Sputnik V' Russia tó ń wo àrùn Coronavirus

Aarẹ orilẹ-ede Russia, Vladimir Putin ti kede oogun 'Sputnik V' gẹgẹ bi oogun tuntun to n sawotan arun Coronavirus.

Lẹyin Oṣu meji ti wọn ṣe ayẹwo oogun naa ni ara eniyan lo gba ontẹ ijọba gẹgẹ bi oogun to n sawotan arun Coronavirus.

Aarẹ Putin ni oogun 'Sputnik V' lo ti gba gbogbo ontẹ ijọba lẹyin ọpọlọpọ ayẹwọ ti wọn ṣe, ti o si fihan pe, a jẹ bi ewe ni oogun naa.

Orilẹ-ede Russia ri eyi gẹgẹ bi aṣeyori nitori awọn ni wọn kọkọ pese oogun to n se iwosan fun aarun Coronavirus ni agbaye.

Ohun tí a mọ̀ nípa òògùn 'Sputnik V' tí Russia tó ń wo àrùn Coronavirus

Ọsẹ to kọja ni ijọba orilẹ-ede Russia fi lede wi pe awọn n pese abẹrẹ ajẹsara ọlọgọọrọ lati koju arun Coronavirus, bẹrẹ lati Oṣu Kẹwaa.

Awọn onimọ sayẹnsi ni orilẹ-ede Russia ni ayẹwo ti awọn kọkọ ṣe fun oogun naa fihan pe oogun naa yoo ṣiṣẹ fun arun Coronavirus.

Ajakalẹ arun ''adenovirus'' ti o maa n sokunfa ikọ hihu ati otutu ni wọn lo lati fi ṣe oogun naa ti yoo mu ki eroja 'immune' ara ko gbokun sii.

Amọ, Ajọ Eleto Ilera lagbaye, WHO ni oogun 'Sputnik V' ko i tii si lara awọn oogun arun Coronavirus mẹfa lagbaye, ti wọn ti kọja ipele ikẹta ayẹwo rẹ lara awọn eniyan.