EFCC in Osogbo: EFCC fi ojú àwọn afurasí ọmọ Yahoo tó mú kàwọn ọ̀dọ́ ìlú Osogbo yarí mọ́ wọn lọ́wọ́

Ọdọmọdekunrin ẹni ọdun mejilelogun kan to sa kuro niṣẹ ologun wa, lara awọn ọdọ mẹrinlelọgbọn tawọn ẹṣọ EFCC ko, lasiko ti wọn wọ ilu Oṣogbo.

Awọn osisẹ ajọ EFCC naa lo lọ silu Osogbo lati lọ ko awọn afurasi onijibiti, ti ọpọ eeyan mọ si ọmọ Yahoo, lọjọ Aje mọju ọjọ Iṣẹgun.

Bi ẹ ko ba gbagbe, ọrọ kiko awọn ọmọ oni Yahoo naa da wahala silẹ nilu Osogbo fun ọpọlọpọ wakati, lasiko ti awọn ọdọ kan tawọn eeyan fura si pe wọn jẹ onijibiti ori ayelujara ti ọpọ mọ si yahooboys, dana wahala silẹ lawọn agbegbe kan ni igboro ilu Osogbo, bẹrẹ lati afẹmọjumọ ọjọ Iṣẹgun.

Àwọn iròyin tì ẹ leè ní ìfẹ̀ síí:

Ajọ EFCC ṣalaye loju opo ayelujara rẹ gbogbo pe, awọn ẹṣọ rẹ lati ẹka ileeṣẹ EFCC nilu Ibadan ni wọn lọ fi panpẹ ofin mu ọdọmọkunrin kan ti wọn pe orukọ rẹ ni Adebisi Jamiu.

Bakan naa ni wọn ko awọn miran ti iwadi ọtẹlẹmuyẹ ajọ naa ti fidi rẹ mulẹ pe wọn lọwọ ninu gbigba owo kotọ nipa lilu jibiti ori ayelujara ti wọn n pe ni "Yahoo-yahoo".

Awọn yooku ti ajọ EFCC ni ọwọ awọn ẹṣọ awọn tun ba ni Muritala Olaniyi Lateef, Wasiu Olajide, Wasiu Sadiq, Olaniran Abiodun, Ayodeji Tosin, Olaniran Tayo, Oginni Oluwaseun, Oginni Olatunde, Ojuade Oluwafemi and Ibrahim Wande.

Bakan naa ni ọwọ ajọ naa tun tẹ Oladiran Olayinka, Akinjobi Akinwunmi, Abayomi Aderohunmi, Olaoluwa Temitope, Idowu Olawale, Lawrence Taiwo ati Ojo Gbenga.

Awọn yoku ni Tiamiyu Farouk, Oladele Seun, Akiniyi Boluwatife, Olaoluwa Mutiu, Olakunle Omolofe, Olalere Samad, Edbadon Johnson, Oketunbi Kayode ati Gbeyide Tomiwa.

Bakan naa ni wọn darukọ Oluwanisola Elmuqsit, Bathlomew John, Ibikunle James, Olamide Oluwaseyi, Yusuf Mohammed, Adebola Ibrahim, ati Ajayi Muyiwa.

Ọmọ Yahoo gba ọkọ̀ 25 padà lọ́wọ́ ẹ̀ṣọ́ EFCC lásìkò tí wọn dènà dè wọ́n l'Osogbo

Ọkọ marundinlọgbọn tawọn ẹṣọ EFCC gba lọwọ awọn ọdọ ti wọn furasi pe wọn ṣe Yahoo Yahoo l'Osogbo, lawọn ọdọ naa gba pada lọwọ awọn oṣiṣẹ ajọ to n gbogun ti iwa ijẹkujẹ atawọn iwa ọdanran miran ni Naijiria.

Ninu awọn iroyin abẹle to suyọ nilu Osogbo, awọn ọdọ naa fariga pe iwa idukokomọni awọn ẹṣọ EFCC naa ti pọ ju fun awọn lẹnu lọwọlọwọ yii.

Àwọn iròyin tì ẹ leè ní ìfẹ̀ síí:

Ni alẹ ọjọ Aje lawọn ẹṣọ ajọ EFCC kan wọlu Osogbo lati fi panpẹ ofin mu awsn eeyan kan ti wọn fura si pe wọn n lọwọ ninu owo jibiti ati gbajuẹ ori ayelujara ti ọpọ mọ si "Yahoo-yahoo"

Awọn akẹgbẹ wọn ṣa ara wọn jọ lati dena de awọn ọdọ naa ni abajade wọn.

Iroyin sọ pe awọn ọdọ naa gba awọn ọkọ ayọkẹlẹ olowo iyebiye ti wọn ko pẹlu awọn afurasi naa pada ki o to di pe wọn da wahala silẹ nilu Osogbo ni gbogbo ọjọ Iṣẹgun.

Àwọn ọmọ Yahoo dènà de ẹ̀ṣọ́ EFCC tó fòru wọ̀lú l'Osogbo, nǹkan yan

Ibẹrubojo lo gbode kan lawọn agbegbe kan lafẹmọjumọ ọjọ Iṣẹgun ni ilu Osogbo ni ipinlẹ Osun.

Awọn ọdọ kan ti ọpọ furasi gẹgẹ bi olowo jibiti ori ayelujara, ti ọpọ mọ si 'Yahoo boys' fariga, ti wọn si da igboro ru nigba tawọn oṣiṣẹ ajọ EFCC kan ba wọn lalejo lati fi panpẹ ofin mu wọn.

Awọn ẹṣọ ajọ EFCC naa ni iroyin sọ pe, wọn foru wọlu Osogbo lati mu awọn afurasi ọmọ yahoo, ki awọn ọdọ kan to da wọn lọna lẹyin ti wọn ti gba ogun ọkọ olowo iyebiye, ti wọn si tun mu awọn afurasi kan.

Àwọn iròyin tì ẹ leè ní ìfẹ̀ síí:

Gẹgẹ bi a ṣe gbọ awọn ẹṣọ EFCC naa ni lati wa ibi gba fun aabo ẹmi ara wọn.

Awọn ọdọ naa dana si oju popo ni agbegbe Lameco ni olu ilu ipinlẹ Ọṣun naa.

Eeyan kan loju opo Twitter to pe orukọ ara rẹ ni Mayọwa Ọlagunju ṣalaye pe, oru lawọn ẹṣọ ajọ EFCC naa ya wọ agbegbe Adetunji Estate nilu Osogbo, lati ṣa awọn ti wọn fura si pe wọn jẹ "ọmọ yahoo".

N ṣe lawọn ọdọ agbegbe naa ba fọn sita, ti wọn si di gbogbo ọna ti awọn ẹṣọ EFCC naa lee gba jade.

O ni nṣe lawọn 'Ọmọ Yahoo' yari tan patapata, ti wọn si n pariwo pe "o to gẹ, iwa ilọnilọwọgba awọn ẹṣọ EFCC buru ju ti ọlọpaa kogberegbe SARS lọ"