Eniola Afeez: Ẹ̀rọ ayàwòrán CCTV ti tú àṣírí ẹni tó ja mi lólè, ẹ bá mi wá a

Gbajumọ oṣere tiata Yoruba, Eniola Afeez ti fi oju okunrin kan han fun araye, ẹni to fẹsun kan pe o ja oun lole.

Ninu fidio kan ti Afeez fi lede loju opo Instagram rẹ lo ti fi oju ọkunrin naa han fun gbogbo awọn ololufẹ rẹ.

Nigba to n fi oju afurasi naa lede, o ni inu ọọfisi ti awọn ti n ṣiṣẹ ni ọkunrin naa ti ja oun lole.

O ni "Ọkunrin ti ẹ n wo yii wa jale ninu ọọfisi wa to wa ni Oluyole lonii, o si ko oniruru ohun eelo olowo iyebiye lọ, agbegbe ti wọn ti foju ganni rẹ kẹyin ni adugbo Mobil, to wa ni Ring Road."

"Aworan CCTV yii n ṣafihan bo ṣe ja wa lole ati bo ṣe salọ, a bẹ ẹnikẹni to ba le sọ bi a ṣe le ri mu, ki wọn pe awọn ẹrọ ibaraẹnisọrọ wa."

O fi kun pe ẹbun nla wa fun ẹnikẹni to ba le ṣamọna bi ọwọ ṣe le tẹ afurasi ọhun.

Pupọ ninu awọn ololufẹ rẹ lo ti bẹrẹ si n fi erongba wọn lede lori ọna to le fi ri afurasi naa ni kankan.

Àwọn iròyin tì ẹ leè ní ìfẹ̀ síí:

Eniola Afeez jẹ ọkan pataki lara awọn olupilẹsẹ ati oṣere tiata Yoruba to dantọ.

O ti gba ọpọlọpọ ami ẹyẹ fun iṣẹ ribiribi to ti ṣe nidii iṣẹ naa ti oun ati iyawo rẹ, Esther Kaleyaye jọ n ṣe.