Lateef Adedimeji: Adebimpe Oyebade kọ́ ni àfẹ́sọ́nà mi, ọ̀rẹ́ lásán la jẹ́

Gbajugbaja oṣerekunrin, Lateef Adedimeji ti papa sọrọ nipa ajọṣepọ to wa laarin oun ati akẹẹgbẹ rẹ obinrin ninu isẹ tiata, Adebimpe Oyebade.

Kii ṣe ẹẹkan, tabi ẹẹmeji ni iroyin ti jade nipa wọn pe awọn mejeeji n fẹ ara wọn.

Nibi oṣu melo kan ni awọn aworan kan jade sori ayelujara, eyi to ṣafihan rẹ pe awọn mejeeji sẹ igbeyawo.

Sugbọn, Lateef Adedimeji lasiko to n sọrọ lori eto kan lori tẹlifisan TVC sọ pe, ileeṣẹ kan ni awọn fi awọn aworan naa polowo ọja fun.

Bakan naa ni Adebimpe naa sọrọ nipa ajọsepọ oun ati Lateef ninu ifọrọwanilẹnuwo kan to ṣe pẹlu BBC Yoruba laipẹ yii.

Awọn mejeeji sọ pe ọrẹ timọtimọ ni awọn, ti ko si si ọrọ ifẹ laarin awọn.

Adedimeji tẹsiwaju pe, lootọ ni oun ni afẹsọna, ati pe laipẹ yii ni ayẹyẹ igbeyawo oun yoo waye.

O ni o pẹ ki oun to fẹ iyawo sile nitori pe igbesẹ to gba ọgbọn ni, fun ẹni to ba jẹ oṣere, ko ma ba ṣe igbeyawo ti yoo pana ogo isẹ rẹ.

Ninu ifọrọwanilẹnuwo naa lo tun ti sọ pe, bi ere ṣise oun ati Odunlade Adekola ṣe jọ ara wọn jẹ iṣoro fun oun nigba ti oun ṣẹṣẹ bẹrẹ ere ṣiṣe.

O ni tako nkan ti awọn eeyan ma n sọ pe oun ma n ṣere bi Odunlade Adekola, Adedimeji sọ pe eyi gan-an lo jẹ wahala fun oun nigba ti oun ṣẹṣẹ bẹrẹ ere ṣiṣe.

O ni "Nitori pe lọpọ igba ti wọn ba fẹ ẹ pe oun, Adekola ni wọn kọkọ ma n pe.

Àwọn iròyin tì ẹ leè ní ìfẹ̀ síí:

Eyi lo mu mi tun ero ara mi pa. Ọpọ igba ni mo ma n wo Adekola, lati kiyesi bo ṣe n ṣere, ki emi le gba ọna mii ti ko jọ tiẹ yọ."

Ẹwẹ, nigba ti wọn beere lọwọ rẹ pe, bawo lo ṣe n mojuto iṣẹ, ti ko fi pa irinajo ifẹ rẹ lara, Lateef Adedimeji sọ pe, ko si ẹni kankan ti kii ṣe ẹlẹṣẹ. Ṣugbọn, eeyan gbọdọ kiyesara.

"Ko si oṣere to ma a sọ pe oun ko se aṣiṣe ri ."

O ni oun naa ti se aṣiṣe, ṣugbọn oun ati ololufẹ oun ma n bẹ ara awọn.

Lakotan, o sọ pe ẹni ti oun n fẹ kii ṣe oṣere, ṣugbọn o mọ pe ere ni oun n ṣe , kii ṣe pe oun n fẹ obinrin ti ọrọ ifẹ ba jọ dawọn pọ ninu ere.