Actors who remarried: Àwọn òṣèré sinimá tí wọ́n ti rìnrìnàjò ìfẹ́ lẹ́ẹ̀méjì

Ọrọ ifẹ lagbara kaakiri agbaye larin obinrin ati ọkunrin ti wọn ti balaga.

Lẹyin ti ọrọ ifẹ ti wọ tan ti ọkunrin gbe obinrin ni iyawo, Oriṣi nkan lo maa n fa gbọnmisii omi ko too laarin ololufẹ meji ni eyi ti ko yọ awọn oṣere Naijiria naa silẹ.

Oriṣirisi nnkan lo maa n ṣẹlẹ lagbo awọn oṣere, bii ayẹyẹ iṣile, mọto rira, ija laarin ara wọn ati kikọra ẹni silẹ.

Kikọ ara ẹni silẹ yii naa maa n waye laarin awọn oṣere tiata nilẹ yii ati ggẹ bo ṣe jẹ pe ko si ẹni ti iwa rẹ pe tan lagbaye.

Bi o tilẹ jẹ ọpọlọpọ nnkan lo maa n fa ikọra ẹni yii, ti aṣiri rẹ ko han si awọn ololufẹ elere agbelewo lọpọ igba.

Awọn oṣere yii naa ṣeeṣe ki wọn ṣalai gbadun irinajo ifẹ wọn ni igba akọkọ, ko jẹ pe ti wọn ba pade ẹlomii lẹẹkeji ni ọkan wọn ṣẹṣẹ maa balẹ sii.

Eyi to fihan pe, ko si igba ti eeyan ko le ri ayọ rẹ he ninu irin ajo ifẹ rẹ.

Diẹ lara awọn oṣere sinima Nollywood ti igbeyawo wọn tuka ti wọn si ṣe igbeyawo lẹẹkeji ki wọn to ri ayọ ni yii:

1. Funke Akindele:

Funke Akindele ti di agba ọjẹ ninu ere agbelewo. Awọn ere bii Jenifa, Ekurọ, Aye olomo kan ati bẹẹ bẹẹ lọ ṣafihan Funke lẹnu iṣẹ oojọ rẹ.

Ni ibẹrẹ pẹpẹ ni Funke kọ fẹ Almaroof Oloyede lọdun 2012, sugbọn tirela gba aarin wọn kọja loṣu keje, ọdun 2013 ti awọn mejeeji si fi ọrọ lede pe igbeyawọ naa ti tu ka.

Ìdúnnú ṣubú layọ̀ fún Funke Akindele àti ọkọ rẹ, ìjọba Eko fún wọn ní ìdáríjì

Omo Ghetto: Funke Akindele ṣàlàyé bí àwọn agbébọn ṣe kọlù wọn làsíkò tí wọ́n ń ya fíìmù

Laipe sii ni Eledua tun da Funke lohun ti Abdulrasheed Bello, ti apele rẹ n jẹ JJC gbe e niyawo ni igba to ku diẹ ko pe ọmọ ọdun mọkandinlogoji ni ilu London.

Bayii Olorun ti fi ibeji ta Funke Akindele Bello lọrẹ Funke Akindele ti di ìyábejì pẹlu JJC to ti ni awọn ọmọ tẹlẹ ko to pade Funke Akindele.

2. Toyin Abraham:

O ṣeeṣe ko jẹ wipe Toyin Aimakhu tabi Toyin Abraham lẹ mo orukọ rẹ si amọ sibẹ sibẹ odu ni Toyin kii ṣe aimọ fun oloko lagbo oṣere fiimu ni Naijiria.

Toyin kọkọ n fẹ akẹgbẹ rẹ Adeniyi Johnson lọdun 2013 ti ifẹ naa si n farahan bi eyi to larinrin lori ayelujara tori awọn mejeji kii kọ lati gbe ọrọ ifẹ ara wọn sita.

Ẹ má pa ara yín lórí ọ̀rọ̀ mi - Kolawole Ajewole ọkọ Toyin Abraham fohùn léde

Nkechi Blessing vs Toyin Abraham: Nkechi tí tọrọ ìdáríjí ẹ̀ṣẹ̀ lọ́wọ́ akẹgbẹ́ rẹ̀, Toyin Abraham

Kí ló fa ìjà rọ̀fọ̀rọ́fọ̀ láàrin Toyin Abraham àti olólùfẹ́ rẹ̀ lórí ayélujára?

Iyalẹnu lo jẹ fawọn ololufẹ wọn ninu dun 2015 ti iroyin gbode kan pe tirela ti gba aarin awọn ilumọọka ololufẹ meji yii ti awọn naa si kede ituka wọn.

Ẹwẹ, iroyin mii to tun ti n jẹ ki awọn ololufẹ wọn maa jaye ori wọn lọ ni wipe awọn oṣere mejeeji yii ti ṣegbeyawo pẹlu awọn miiran ti igbeyawo wọn si n tẹsiwaju.

Iyawo Adeniyi Johnson kii ṣe oṣere rara amọ ọkọ ti Toyin Abraham fẹ ni tirẹ jẹ akẹgbẹ rẹ, Kolawole Ajeyemi ti ọmọ si ti wa laarin awọn mejeji bayii ti gbogbo aye fi n pe wọn ni "Mummy ati Daddy Ire".

3. Foluke Daramola:

Arẹwa ati gbajumọ osẹre naa ni Folukẹ Daramọla to ti gbe ọpọlọpọ sinima Yoruba agbelewo sita.

O fẹ Tunde Sobowale lọdun 2005, sugbọn igeyawo naa tuka ni igba to di ọdun 2008.

Nigba to ba awọn oniroyin sọrọ lọdun to kọja, Foluke ni ohun to ba oun ninu jẹ ju lọ ni igba ti igeyawo oun akọkọ fori sọgi.

Sugbọn ni bayii, idunnu ati ayo loun fi n gbe nile ọkọ rẹ tuntun.

Folukẹ Daramola Salakọ gbagbọ pe o san ki ikọsilẹ waye ninu igbeyawo ju ki ẹni kan lọ pa ara rẹ danu tabi ki o maa foriti igbeyawo ti iwa ipá wa ninu rẹ lọ.

4. Mercy Aigbe:

Mercy Aigbe naa jẹ gbajugbaja laarin awọn oṣerebinrin fiimu Yoruba ti oniruuru iroyin si tijade nipa igbeyawo rẹ laipẹ

Latẹyinwa naa, oniruuru ni iroyin to ti jade nipa igbeyawo rẹ lara eyi ti ọkan ninu wọn sọ pe aya arakunrin ẹya Igbo kan ni Ercy Aigbe ti kọkọ jẹ ti wọn si ni o bi ọmọbinrin kan fun un.

Amọ a gbọ pe ko pẹ ti igbeyawo naa lana laarin ọdun diẹ.

Lọdun 2013, Mercy ati ọgbẹni Lanre Gentry ni Kootu Ikoyi ni Eko. Ka to wi ka to fọ, igbeyawo naa foriṣopan.

Father's Day fa gbas-gbos láàrin Mercy Aigbe àti ọkọ rẹ̀ tẹ́lẹ̀, Gentry, ọkọ́ ní òun le tú àwọn àṣírí ìwà nọ̀bì rẹ̀ síta

Ninu ọdun yii ni Mercy Aigbe to ti maa n pe ara rẹ ni Aya D'owner ti pada fẹ D'owner ọhun ti ọpọ eeyan mọ̀ si Adekaz.

Bo tilẹ jẹ ọrọ naa ru nkan bi ija jade laarin awọn ti ọrọ kan, iyẹn Mercy, Adekaz ati iyawo rẹ tẹlẹ, Mercy ti ṣe bi ni kọ eti ọgbọin si gbogbo ọrọ to n jade.

Wo ohun táwọn èèyàn ń sọ sí Mercy Aigbe torí àṣírí tí ìyàwó àkọ́fẹ́ Adekaz tú síta

5. Bukky Wright:

Orukọ ọkọ akọkọ Bukky ni Gbeyega Amu, ti Ọlọrun si fi ọmọ meji ta wọn lọrẹ.

Sugbọn fun idi kan tabi omiran, igbeyawo naa tuka, lẹyin naa ni Bukky bẹrẹ ere ifẹ pelu Rotimi Makinde, to jẹ ọmọ ile igbimọ aṣoju lọwọlọwọ.

Lai pẹ si asiko yii ni awọn kan tun gbe iroyin kan kiri lori ayelujara pe Bukky n fẹ gbajugbaja akọroyin ni, Femi Davies.

Sugbọn ẹmi ere ifẹ naa ko gun pupọ ni bi Bukky ṣe tẹsiwaju igbe aye rẹ.

Lẹyin naa lo tun fẹ Bolaji Saheed to jẹ ọkọ rẹ kẹrin, sugbọn tirela tun gba aarin wọn kọja.

Lẹyin Saheed ni oṣere naa fẹ ọkọ rẹ ẹlẹẹkarun un, Adewale Onitiri to n fi ilẹ Amẹrika ṣebugbe, sugbọn o ṣeni laanu pe, iroyin to tẹ wa lọwọ ni pe ko si ẹni to le sọ ni pato ohun to n ṣẹlẹ bayii.

6. Stella Damascus:

Ọkọ akọkọ to fẹ Stella to di oloogbe lọjọ kẹta, oṣu kejila, ọdun 2004 lo mu ko fẹ Emeka Nzeribe ni bonkẹlẹ lọdun 2007, sugbọn igbeyawo naa ko pẹ pupọ.

Lọwọ yii, Daniel Ademinokan ni ọkọ rẹ, ẹni to jẹ ọkọ Doris Simeon tẹlẹri.

Doris Simeon jẹ gbajugbaja oṣere ti oun ati Ademinokan bi ọmọkunrin kan fun ara wọn.

Stella ti ko lọ si Amerika bayii pẹlu Daniel Ademinokan. Awọn mejeeji n tẹsiwaju ninu igbeyawo wọn lorilẹ-ede Amẹrika.

7. Clarion Chukwurah:

Wọ ki ilu mọ ni Clarion ninu iṣe osere lede oyinbo lorilẹ-ede Naijiria.

Lọdun 2003 ni igbeyawo rẹ pẹlu Tunde Abiola to fori sogi si iyalẹnu ọpọ awọn ololufẹ.

O tẹsiwaju lati fẹ Femi Oduneye ti awọn eeyan mọ si Femi Egyptian lọjọ ayajọ Valentine lọdun 2004, sugbọn igeyawo naa tun fori sogi loṣu karun un, ọdun 2006.

Nigba to di ọdun 2016 ni Clarion taa tan pẹlu ololufẹ rẹ, Anthony Boyd to n fi ile Amẹrika ṣebugbe.

8. Anne Njemanze:

Arewa Anne Njemanze lo fẹ gbajugbaja oṣere ni ede oyinbo ati Yoruba lẹẹkọọkan ni, Segun Arinze.

Lẹyin ti wọn bi ọmọ obinrin kan fun ara wọn ni igbeyawo naa tuka.

Omo obinrin naa ti Anne bi fun Arinze ti di sisi ọmọ ọdun metadinlogun bayii.

Lẹyin eyi ni Anne lọ fẹ Silver Ojieson ṣugbọn wọn kọ ara wọn silẹ latari iwa ipa to n ṣẹlẹ ninu idile wọn.

9. Shan George

Nigba ti oṣere yii wa lọmọ ọdun mẹrindinlogun lọdun 1985 ni wọn ti kọ gbe e niyawo to si bi ọmọ meji fun ọkọ rẹ nigba naa.

Ni igba to di ọdun 1991 ti George pe ọmọ ọdun mọkanlelogun ni wọn kọ ara wọn silẹ.

Awọn kan gbe iroyin boya ahesọ pe Shan tun fẹ ọkọ miran sugbọn igbeyawo ọhun ko yọri si rere.

Lẹyin eyii ni Shan George fẹ Anthony Nwosisi to jẹ ọkọ rẹ kẹta, sugbọn igbeyawo ọhun ko pẹ to fi tuka bakan naa.