Mercy Aigbe and Adekaz: Ìyàwó àkọ́fẹ́ Adekaz ní òun jọ̀wọ́ ọ̀kọ òun fún Mercy báyìí, ohun táwọn èèyàn ń sọ rèé

Ohun to n mu ori ayelujara gbona janjan lọwọlọwọ lagbo awọn oṣere Yoruba ni itahun sira laarin gbajugbaja oṣere Mercy Aigbe ati iyawo akọfẹ oniṣowo fiimu Adekaz, iyẹn Funsho Adeoti.

Gbogbo awọn ololufẹ Mercy Aigbe to fi mọ awọn ti ko gba tirẹ lo ti bọ soju ayelujara lati sọ erongba wọn lori ọrọ yii. Koda ọrọ naa ti yi si fa ki n fa a kuro lọwọ awọn tọrọ kan sọwọ awọn ti ko kan gbọngbọn.

Awọn mii ni Mercy ti itumọ orukọ rẹ n jẹ aanu ko fi aanu han rara. "Oju gba mi ti fun ẹ, iya isalẹ isọnu..."

Ẹlomiran tilẹ pe e ni ashẹwo to n da ile onile ru.

Wọ́n ti rí òkú obìnrin ẹni ọdún 22 tó dàwátì nínú ọkọ̀ BRT l'Eko

Ọkọ̀ tó rìn gba "one way" gbá ọmọ ìyá mẹ́rin lẹ́ẹ̀kan ṣoṣo l'Eko, ọ̀kan kú

Lẹyin iroyin kan to jade nipa bi iyawo akọfẹ Adekaz ṣe tu gbogbo aṣiri nkan to wa laarin oun, Mercy ati ọkọ rẹ sita ni ohun gbogbo hande si awọn ololufẹ awọn eeyan yii.

Titi debi pe ọrẹ timọ timọ loun ati Mercy Aigbe ati pe oun loun pe e gẹgẹ bi ọrẹ sibi ayẹyẹ ọjọ ibi ọkọ oun nigba naa lọhun amọ ti o ni Mecy ni irọ ni gbogbo ẹ ni Funsho fi sita.

Lóri irọ́, èmi àti Adekaz kò sàdéhùn ìyàwó kejì- ìyàwó Adekaz tó fẹ́ Mercy Aigbe

Ọkọ mi tẹ́lẹ̀ àti Adekaz kò fi ìgbà kankan jẹ́ ọ̀rẹ́, kìí sẹ ọ̀rẹ́ ọkọ mi ni mo fẹ́ - Mercy Aigbe

Lanre Gentry, ọkọ Mercy Aigbe tẹ́lẹ̀ sọ̀rọ̀ sókè lórí ìgbéyàwó aya rẹ̀ àná

Alaye ti Mercy ati ọkọ rẹ ṣe ninu fidio to gba ori ayelujara kan yii gan lo tun wa bu epo bẹntiroo si ina to ti n jo lọlẹ tẹlẹ.

Ninu esi ti Mercy fọ sita, o ṣalaye bi awọn eeyan ṣe rọ ọ to si gba lati ṣe ifọrọwanilẹnuwo pẹlu ileeṣẹ iroyin igba-de-gba kan pe ko fi tanmọlẹ si ohun to wa nilẹ ko si sọ tirẹ amọ to ni lẹyin ifọrọwanulẹnuwo ọhun, awọn eeyan mii tun ti korajọ ti wọn n sọ pe ko ba ma ti ṣalaye ohunkohun tori ohun to ba wu u lo lẹtọ lati ṣe ni igbe aye rẹ.

Ohun to fi pari atẹjade rẹ ṣafihan pe ọrọ naa tilẹ ti su u bi awọn eeyan ṣe n ṣe.

"Iṣoro lo jẹ (Mercy) ninu igbeyawo mi fun ọpọlọpọ ọdun amọ nibayii, inu mi dun lati jẹ koo mọ pe ibẹrẹ opin niyi fun ẹ. Emi ti ṣetan, o ti di tirẹ, maa jẹgbadun ẹ. Mo ti kọja gbogbo eleyi nitemi".

Ẹwẹ, lẹyin alaye Funsho Adeoti, o tọka si Adekaz ati ale rẹ to ti di iyawo pe wọn lee tẹsiwaju ninu ohun gbogbo ti wọn n ṣe, awọn eeyan tu sori ayelujara lati bu ẹnu atẹ lu iṣẹlẹ to ti di ranto mọ awọn oni nkan gan lọwọ.

"Alailojuti ni Mercy, Gbọkọ-gbọkọ ati ni ti wọn ja gba, O yẹ ki oju ti Mercy, alailoju ti meji, o han lara rẹ gan pe ara n lọ ẹ tikọ tikọ...", eyi ati ọpọlọpọ ọ̀rọ̀ ni awọn ti ko gbe lẹyin ohun ti Mercy Aigbe ṣe n sọ.

Ni idakeji ẹwẹ, pẹlu irufẹ awọn fọto ti oṣere Mercy wa bẹrẹ si ni fọn sori ayelujara to fi mọ awọn oriṣiriṣi orukọ to maa n pe ara rẹ to fi n da awọn eeyan lọrun nipa igbeyawo rẹ bii, Alahaja Meena, Agbeke Aya D'Owner, Hajia Adeoti, niṣe lawọn ololufẹ rẹ tun n fọ́ fun un gidi ti wọn si n kokiki rẹ pe ko ma da awọn ọta lohun ko maa jaye ori rẹ lọ.

Koda lara awn ololufẹ Mercy Aigbe kan ti ni ọkọ rẹ n wọ ohun loju o pẹlu awọn aworan to n fi sita am awọn mii ti ba Mercy fun un lesi.

Ayé lee! Báwo ni obìnrin ẹni ọdún 22 yìí ṣe dédé dàwátì nínú ọkọ̀ BRT l'Eko?

Wàhálà tí kò ní lópin ni ọ̀gá àgbà ọlọ́pàá fẹ́ dá sílẹ̀ lórí kí ọlọ́pàá obìnrin máà lo Hijab - Adegboruwa