Baba Ijesha: Princess ní òun yóò borí, ó le má wáyé lójú ẹsẹ̀ àmọ́ ó di dandan

Adẹrinposonu nni, Adekola Adekanla, ti ọpọ eeyan mọ si Princess ti paroko ọrọ ransẹ lori bi Baba Ijesha se ri beeli gba.

Princess, tii se iya ọmọdebinrin ti wọn ni Baba Ijesha ba se asemase, ti wa gbe aworan kan soju opo Instagram rẹ lati paroko ọrọ ransẹ.

Ohun to wa ninu aworan naa ni ọkunrin kan to n fo lọ loju ofurufuru.

Lara aworan naa ni wọn si kọ ọrọ kan si wipe "Maa bori, o le maa jẹ loju ẹsẹ amọ o di dandan"

Bakan naa lo kọ ọrọ si ẹgbẹ akọle naa pe Ọlọrun kii sun, Ọlọrun fẹran ọmọde, ẹ mase ba ọmọde se asemase.

O tun tẹsiwaju pe ẹ kẹyin si iwa ifipabanilopọ, ẹ sọrọ sita tẹ ba ri ohunkohun.

Ọrọ yii lo kọ ni deede aago mẹwa alẹ ọjọ Isẹgun lẹyin ti iroyin gbalẹ kan pe adajọ ti fontẹ lu pe ki wọn fun Baba Ijesha ni beeli.

Àwọn iròyin tì ẹ leè ní ìfẹ̀ síí:

Ọpọ awọn ololufẹ adẹrinposonu naa si lo ti n fesi lori ohun ti Princess kọ yii, lati fi lọkan rẹ balẹ pe Ọlọrun wa lori itẹ.