Nigeria Police: Èsì àwọn ọmọ Nàìjíríà tó tẹ̀lé bí iléèṣẹ́ ọlọ́pàá ṣe yin ara rẹ̀
Lori kaadi ti wọn fi sita loju opo ayelujara Twitter wọn, ileesẹ ọlọpaa sọ pe kaadi naa jẹ afihan akojọpọ awọn aṣeyọri wọn laarin ọjọ kẹrindinlogun, oṣu Kinni, ọdun 2019 si ọjọ kẹrindinlogun, oṣu Kinni, ọdun 2020.
Wọn tọka si awọn 'ẹka' bi awọn afurasi, ọmọ ẹlẹgbẹ okunkun, ti ọwọ tẹ, to fi mọ iye ọkọ ti wọn jigbe, ṣugbọn ti ọlọpaa gba pada, awọn afurasi ajinigbe ati adigunjale, to fi mọ iye nkan ija oloro ti wọn ri gba.
Ṣugbọn ṣa, bi awọn ọmọ Naijiria kan ṣe n gboriyin fun awọn ọlọpaa ni awọn kan n sọ pe awọn ọmọ Naijiria lo yẹ ko fi iru kaadi igbelewọn naa sita, kiiṣe ileeṣẹ ọlọpaa.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Bakan naa ni awọn kan tun n sọ, paapa labẹ ikede ileeṣẹ ọlọpaa ọhun pe, o yẹ ki wọn o kọ iye aṣita ibọn ọlọpaa to pa araalu, riba gbigba, iye awọn ọdọ ti ọlọpaa fiya jẹ lọna aitọ, ati awọn ẹsun miiran ti araalu fi n kan awọn ọlọpaa si ori kaadi naa.
Yatọ si eyi, awọn kan sọ pe o yẹ ki wọn kọ iye afurasi ti ọrọ wọn wa nile ẹjọ, ati awọn to ti gba idajọ sori kaadi igbelewọn naa.
Oríṣun àwòrán, Getty Images
Awọn kan tilẹ sọ pe ko dara bi wọn ṣe gbe kaadi igbelewọn naa, to ṣafihan ọjọ kẹrindinlogun oṣu Kinni, ọdun 2019 si ọjọ kẹrindinlogun oṣu Kinni, ọdun 2020, jade ni ọjọ kẹsan an, oṣu Kinni, 2020.
Titi di akoko yii, ileeṣẹ ọlọpaa ko tii f'esi si ọkankan ninu awọn esi araalu naa.
