Otedola Bridge accident: Èèyàn méjì bá ìjàmbá ọ̀kọ̀ tó ṣẹlẹ̀ lórí afárá Otedola lọ
Oríṣun àwòrán, LASEMA
Eeyan meji ti dero ọrun ninu ijamba ọkọ to ṣẹlẹ lori afara Otedola lopopona marosẹ ilu Eko si Ibadan lọjọ Satide.
Ijamba ọkọ naa ṣẹlẹ lẹyin ti ọkọ nla kan to ko okuta ikọle kọlu ọkọ Lexus agbera pa lori afara ọhun.
Ọga ajọ LASEMA to n ri si iṣẹlẹ pajawiri niluu Eko, Ọmọwe Oluwafemi Oke-Osanyintolu ṣalaye pe awakọ nla naa fi ọkọ rẹ kọlu odi to wa laarin ọna.
- Lagos-Ibadan Express: Ènìyàn mẹ́rin ti kú nínú ìjàmbá ọkọ̀
- Ṣé ẹ ti rí kí èèyàn ní àwọ̀ ara tó ń ṣí bíi ìpẹ́pẹ́ ẹja rí?
- Soleimani ń gbìmọ̀ràn láti kọ lù wá l'Amerika la ṣe kọ́kọ́ yára mú u balẹ̀ - Trump
- Ìdí rè é tí a fí wó ìlè arúgbó ní ìdàjí -ìjọba ìpínlẹ̀ Kwara
- Àwọn fóònù wọ̀nyìí kò ní lè ṣe WhatsApp láti ọdún 2020
Ọgbẹni Oke-Osanyintolu sọ pe ọkọ to ko okuta ikọle ọhun ja si meji lẹyin to kọlu odi to wa laarin ọna, ti ori ọkọ naa si jabọ lati ori afara.
Oríṣun àwòrán, LASEMA
O ṣalaye pe awọn meji to mori bọ ninu iṣẹlẹ naa gba itọju lẹsẹkẹsẹ, nigba ti ẹni to farapa ju ti lọ si ile iwosan fun itọju to peye.
Oríṣun àwòrán, LASEMA
Ọga LASEMA ni ajọ naa ṣiṣẹ takuntakun lati rii pe ijamba ọkọ ọhun ko da sunkẹrẹ fakẹrẹ silẹ lopopona Eko si Ibadan.
