Michelle Obama: Ààrẹ Trump kò yẹ nípò ààrẹ fún Amẹ́ríkà
Iyawo aarẹ Amẹrika ana, Michelle Obama, ti sọko ọrọ si aarẹ Donald Trump, bi ẹgbẹ oṣelu Democrat ti se n palẹmọ lati fontẹ lu Joe Biden gẹgẹ bi oludije wọn fun ipo aarẹ.
''Donald Trump kii ṣe aarẹ to yẹ fun orileede yii'' ni ọrọ ti Michelle sọ ninu fọnran kan to fi ṣọwọ sawọn to n kopa nibi apero ẹgbẹ Democrat.
Awọn ọmọ ẹgbẹ Republican to jẹ ti aarẹ Trump naa, ni inu wọn ko dun si bibu ẹnu atẹ lu aarẹ ọhun nibi ipade apero ẹgbẹ awọn Democrats.
Ni ọjọ Kẹta oṣu Kẹwa ọdun yii ni idibo aarẹ yoo waye ni Amẹrika.
Nitori ajakalẹ arun Covid-19, awọn ọmọ ẹgbẹ Democrat ko ṣe apero elero pupọ ni Milwaukee, Wisconsin, toun ti afẹfẹ yẹyẹ to maa n ba iru apejọ yii wa.
Amọ ko daju pe apero eleyi ti wọn ṣe loju ẹrọ ayelujara lọtẹ yii, yoo ṣe iwuri bi tatẹyinwa fawọn ọmọ ẹgbẹ naa.
Oríṣun àwòrán, Getty Images
Awọn ẹgbẹ Democrat nikan kọ ni yoo koju ipenija yii,
Ẹgbẹ Republican naa yoo ni lati ṣe iṣẹ takuntakun ki awọn eeyan ba le tubọ dibo wọle fun wọn pada ninu idibo to n bọ lọna.
Kin gan ni Michelle sọ?
Arabinrin Obama, ti wọn ti gba ọrọ rẹ silẹ ṣaaju ki ọgbẹni Biden to kede Sẹnẹtọ Kamala Harris, gẹgẹ bi igbakeji rẹ ko ṣẹnu ku ba aarẹ Trump wi.
Ninu ọrọ rẹ to fi kaṣẹ eto lalẹ ọjọ kinni apero naa, Michelle ni ''eeyan ko le fi makaruru ṣe iṣẹ aarẹ''
Bẹẹ naa lo fi kun ọrọ rẹ pe, eto ọrọ aje ti dẹnu kọlẹ fọjọ pipẹ nitori aarẹ fi ọwọ yẹpẹrẹ mu ajakalẹ arun Covid-19.
Ọ̀fọ̀ ṣẹ̀ Donald Trump, àbúrò rẹ̀ Robert, dèrò ọrun
Robert Trump, aburo aarẹ orilẹede Amẹrika, Donald Trump ti dagbere faye lẹni ọdun mọkalelaadọrin.
Aarẹ Trump lo fọrọ yii lede fun ra rẹ ninu atẹjade kan fi sita nile ijọba, White House.
Lọjọ Abamẹta, ọjọ kẹẹdogun oṣu kẹjọ ọdun 2020 ni Robert papoda nile iwosan kan niluu New York.
- Ọlọ́pàá Amẹ́rìkà tún ti yìnbọn pa ọmọ Áfíríkà míì, bàbá ọmọ fárígá!
- Ẹ wo Daniel tí wọ́n fẹ́ yẹgi fún lẹ́yìn tí US kò ṣe irú ẹ̀ fún odidi ọdún 17
- Ẹ wo ìkìlọ̀ tí ìjọba America fi léde lórí ìdìbò gómínà Ondo, Edo
- Agbára Oṣó àti Àjẹ́ yóò mú àgbéga bá ìmọ̀ ẹ̀rọ Nàíjíríà - Elebuibon
- Ilé ẹjọ́ ní kí ''Yahoo boy'' lọ darí ọkọ̀ f'óṣù mẹ́ta pẹ̀lú N50,000 owó ìtanràn
- Mọ̀ síi nípa Shina Rambo tó pàdé Jesu lọ́gbà ẹ̀wọn lẹ́yìn tó ti jalè
''Pẹlu ibanujẹ ọkan ni mo fi sẹ ikede yii pe aburo mi atata, Robert ti fi aye silẹ. Robert kii ṣe aburo mi lasan, ọrẹ kori o sun mi ni,'' Aarẹ Trump lo sọ bẹẹ.
Trump ni oun yoo maa ṣe afẹẹri Robert ni laelae, ṣugbọn o ni oun mọ pe awọn yoo tun pade lẹsẹ Olugbala.
Aya Trump naa, Ivanka gbadura wi pe ki Eleduwa tẹ Ọgbẹni Robert si afẹfẹ rere.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 1
Ivanka sọ loju opo Twitter rẹ pe idile Donald Trump ko le gbagbe Robert laelae.
Ko si ẹni to mọ ohun to ṣe okunfa iku to pa Ọgbẹni Robert, amọ o ti n ṣaarẹ fun igba diẹ ki ẹlẹmi to gba a.
Trump ń lérí láti ti ojú òpó ìkànsíraẹni ayélujára pa nílẹ̀ Amẹrika
Aarẹ ilẹ Amẹrika, Donald Trump ti n gbaradi lati tọwọ bọwe aṣẹ kan to ni ṣe pẹlu iṣakoso awọn ileeṣẹ to n risi oju opo ikansiraẹni lori itakun agbaye.
Igbeṣẹ yii lo n waye lẹyin ti Trump halẹ mọ awọn ileeṣẹ naa lẹyin to fẹsun kan wọn pe wọn ko fun awọn ẹgbẹ kan ni anfani lati sọ tinu wọn.
O ti to ọjọ mẹta ti aarẹ Trump ti n ni itakurọsọ pẹlu awọn ileeṣẹ ọhun, eyi tiko sẹyin iru awọn ọrọ to ma n fi lede loju opo Twitter rẹ.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 2
Họwuhọwu laarin Trump ati awọn ileeṣẹ ọhun bẹrẹ lẹyin ti Twitter gbe igbeṣẹ lati ṣe ọfintoto ohun to ba n fi lede loju opo Twitter rẹ lati mọ boya ootọ ni.
Bo tilẹ jẹ pe ijọba Amẹrika ko ti sọ ni pato ohun ti yoo wa ninu iwe aṣẹ naa, ṣugbọn o ṣoro lati sọ igbesẹ ti aarẹ Trump lee gbe lori ọrọ to ni ṣe pẹlu oju opo ikansiraẹni lai ṣe pe ile igbimọ aṣọfin ilẹ naa fọwọ si.
Ṣe Trump lagbara lati gbeṣẹle oju opo ikansiraẹni?
Gẹgẹ bi ọrọ ti amofin kan ni fasiti Havard, Laurence Tribe ṣe sọ, Twitter kii fi ẹtọ awọn eeyan dun wọn lati sọ ohunkohun to ba wa lọkan wọn.
Oríṣun àwòrán, @gods_psych
O ni Twitter ki ṣe ileeṣẹ ijọba, nitori naa ileeṣẹ aladani lee ṣakoso ohun ti awọn eeyan le fi lede loju opo rẹ lai si họwuhọwu.
Tribe ṣalaye pe ofin ilẹ Amẹrika ko gba ijọba laye lati fi ẹtọ awọn eeyan lati sọrọ dun wọn, ṣugbọn awọn ileeṣẹ opo ikansiraẹni bi Facebook ati Twitter le yọ ọrọ ti eeyan ba fi lede loju opo wọn kuro ti ko ba jẹ ootọ.
Oríṣun àwòrán, AFP via Getty
Amofin naa ni ti Trump ba le gunle iṣakoso oju opo ikansiraẹni nilẹ Amẹrika, o tumọ si pe oun funra rẹ lo n fi ẹtọ awọn eeyan lati sọ erongba wọn dun wọn.
- Ìwọ́de bẹ̀rẹ̀ ní Minnesota lórí àwọn ọlọ́pàá mẹrin to pa ọmọ adulawọ ni Amẹ́ríkà
- Ọdún 38 ni ìyá mí fi ṣiṣẹ́ ní UCH, màá kọ́ ibùdó ìtọ́jú àrùn jẹjẹrẹ ní ìrántí rẹ - Ọọ̀ni
- Gómìnà Ondo Akeredolu ṣí ilẹ̀kùn ṣọ́ọ̀ṣì àti mọ́ṣáláṣí sílẹ̀ fún ìjọ́sìn
- Wákàtí mẹ́ta lo gbọ́dọ̀ ti dé pápákọ̀ òfúrufú bóo bá fẹ́ wọ bàlúù báyìí
Trump dínà mọ́ Nàìjíríà àtí orílẹ̀èdè márùn ún míì láti má wọ Amẹ́ríkà
Oríṣun àwòrán, Getty Images
Ilẹ Amẹrika ti fi Naijiria ṣe ọkan lara awọn orilẹede mẹfa ti wọn bẹgi dina fifun wọn ni irufẹ iwe aṣẹ irina kan lọ si orilẹede wọn.
Awọn orilẹede to pẹlu Naijiria ni ni Eritrea, Sudan, Tanzania, Kyrgyzstan ati Myanmar ṣugbọn awn ọmọ orilẹede wọnyii kan ṣi le lọ ṣe ibẹwo nikan si Amẹrika.
Amẹrika ni ṣe ni awọn yoo kawọ ko lori fifun awọn eeyan to wa lati Nigeria, Eritrea, Kyrgyzstan, ati Myanmar ni iwe aṣẹ irina to lee sọ wọn di olugbe ilu naa.
Ni ti Sudan ati Tanzania, awọn ko lanfani lati kọwe gba iwe irina fun oniruuru nkan ti wọn ba fẹ ṣe eyi ti wọn maa n ri gba tẹlẹ nipasẹ "lottery".
- Ẹ̀yin obìnrin tẹ́ẹ fẹ́ wá bímọ ní America, ọ̀nà ti tì pa látònì! - Trump
- Amẹ́ríkà ń béèrè ìròyìn facebook, email arìnrìnàjò tó f'ẹ́ gbà'wé àṣẹ
- Amẹrika ń gbẹ̀san lára Nàíjíríà, owó ‘Visa’ di ọ̀nà méjì láti wọ Amẹrika
- Àti lọ s'Amẹrika ti yàtọ̀ báàyí
- Orìlẹ-èdè mẹrindínlọgbọn tí ọmọ Nàìjíríá lè wọ̀ láì ní àṣe ìwé ìgbélùú
Ki wa nidi gangan ti US fi bẹgi dina Naijiria atawọn marun mii?
Oṣiṣẹ orilẹede Amẹrika kan ti ṣalaye ọrọ pe igbesẹ tuntun yii waye nitori pe orilẹede mẹfẹfa yii kọ lati ṣe ohun to tọ ni ibamu pẹlu ofin Amẹrika nipa aabo ati pinpin iroyin.
"Gbogbo awọn orilẹede yii lo fẹ ṣe ohun ti wọn lagbara o ṣugbọn ohun to tilẹ kere ju lọ ti Amẹrika ka silẹ, wn ko ri i gbeṣe". Eyi ni ohun ti akọwe ikọ alaabo Chad Wolf sọ lọjọ ẹti.
O fi kun un pe awọn oṣiṣẹ yoo ṣiṣẹ pọ pẹlu Amẹrika lati fi kun amojuto abo wọn.
- Femi Adebayo, Bimbo Akinsanya sọ ìdí tí wọ́n ṣe fi ìgbéyàwó wọn àkọ́kọ́ sílẹ̀ kó tó bọ́ sórí
- 'Orin tàkasúfèé ló wù mí kí n máa kọ ṣùgbọ́n Hijab kò jẹ́'
- Ní ìgbẹ̀yìngbẹ́yín, orílẹ̀èdè UK fi àjọ EU sílẹ̀
- Bí Favour ṣe sùn, mo gbá ọmọ odó mọ́ ọ lórí a sì gé orí, ọkàn àti ọyàn rẹ̀ fún àsèjẹ - Kayeefi
- Sinimá tí Lateef Adedimeji dá nikan jẹ́ òṣèré yóò jáde, Yemi Solade fi ọ̀pọ̀ fọ́tò "dẹngẹ pó" lọ́jọ́ ìbí rẹ̀
Lọdun 2017 ni Aarẹ Amẹrika, Donald Trump kọkọ gbe igbesẹ bibẹgi dina m awọn orilẹede ki wọn ma wọ Amẹrika. Ni bayii, o ti di i mọ orilẹede meje ti ọpọ wọn si jẹ ilu ti Musulumi ti pọ ju.
Bẹẹ si ni lọdun 2018, o le ni ẹgbẹrun mẹjọ ọmọ Naijiria ti US fun ni iwe aṣẹ irina. Eyi si to ilọpo meji ohun ti wọn fun awọn apapọ awọn orilẹede marun un to ku.
Lọdun 2018 kan naa, o le ni ẹgbẹrun meji ti wọn fun awọn ara Sudan, ọdunrun o din mẹwaa ni wọn fun awọn ara Tanzania ti wọn si fun awọn ara Eritrea ni mọkanlelọgbọn.
Lati ọdun 2017 lorilẹede Amẹrika ti n kede pe awọn yoo gbe ote le fifun awọn ara Eritre ni irufẹ iwe aṣ irina kan pato.
