Olubadan ti ilẹ̀ Ibadan, Ọba Owolabi Olakulehin ti wọ káà ilẹ̀ sùn

Bayii ni awọn ọmọ ologun Naijiria ṣe ṣe ẹyẹ ikẹyin fun Ọba Olakulehin to ti fi igba kan jẹ ara wọn
Àkọlé àwòrán, Bayii ni awọn ọmọ ologun Naijiria ṣe ṣe ẹyẹ ikẹyin fun Ọba Olakulehin to ti fi igba kan jẹ ara wọn
Ìye àkókó tí a fi kà á: Ìṣẹ́jú 4

Ọba Owolabi Olakulehin, Olubadan ti ilẹ Ibadan, ti wọ kaa ilẹ lọ.

Ọjọ Ẹti ni eto isinku naa waye ni ile ijọsin St. Peter Cathedral, Aremo, niluu Ibadan.

Ṣaaju ni eto kikọ orin onigbagbọ ti waye lọjọbọ niluu Ibadan fun Ọba Owolabi Olakulehin, Olubadan.

Lati igba ti ọba alaye naa ti waja, ni awọn ẹbi, ara, ọrẹ ati ojulumọ ti n kora jọ lati ṣe ẹyẹ ikẹyin fun Olubadan kẹtalelogoji to waja naa.

Lara awọn to wa nibi isinku naa ni gomina ipinlẹ Oyo bii Seyi Makinde, Igbakeji Gomina; Adebayọ Lawal, Akọwe ijọba ipinlẹ Ọyọ; Ọjọgbọn Olanike Adeyemo ati awọn aṣoju ileeṣẹ Ologun orilẹede Naijiria naa lo ti wa nikalẹ.

Awọn aṣoju lati ileeṣẹ ologun Naijiria si lo ṣe amojuto eto isinku naa, idi si ni pe Ajagunfẹyinti ni Ọba Ọlakulẹhin nigba aye rẹ.

Skip content and continue reading

End of content

Awọn eeyan ni ṣọọṣi, nibi isinku Ọba Owolabi Olakulehin

Ọba Owolabi Ọlakulẹhin papoda lọjọ keje, oṣu Keje ọdun 2025, lẹyin to ṣe akoso ilẹ Ibadan gẹgẹ bii Olubadan ikẹtalelogoji fun ọdun kan ati ọjọ diẹ.

Lẹyin naa si ni igbimọ afọbajẹ Olubadan kede gomina tẹlẹri n'ipinlẹ Ọyọ, Sẹnetọ Rashidi Ladọja gẹgẹ bii Olubadan ikẹrinlelogoji.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Nigba ti eto isinku Olubadan ana ba pari ni ijọba ipinlẹ Ọyọ yoo kede ọjọ iwuye fun Olubadan tuntun.

Àwọn ọlọ́jà ti ọjà pa láti bu ọlá fún Olubadan tó wàjà

Gomina Seyi Makinde ati Igbakeji rẹ, Adebayọ Lawal nibi isinku naa.
Awọn ologun yi posi Ọba Olakulehin po ṣaaju isinku.
Àkọlé àwòrán, Awọn ologun yi posi Ọba Olakulehin po ṣaaju isinku. Ọpọ ni ko mọ pe Olubadan to waja ọhun ti fi igba kan jẹ ọmọ ologun ni Naijiria

Lati bu ọla fun Ọba Owolabi ti isinku rẹ n waye lonii, ẹgbẹ awọn ọlọja nilẹ Ibadan ti kede pe ọja yoo jẹ titi pa lati bu ọla fun ọba ti yoo wọ kaa ilẹ sun lonii naa.

Babalọja apapọ n'ipinlẹ Oyo, Alhaji Yekeen Abass, to ṣe ikede naa, fi kun ọrọ rẹ pe awọn kan an nipa fun awọn ontaja lati ti isọ wọn pa, nitori pe o pọn dandan fun wọn lati bu ọla fun Olubadan ana.

O tẹsiwaju pe aṣẹ ti wọn fi ti awọn ọja naa yoo waye laarin aago marun un idaji si aago mejila ọsan ọjọ Ẹti, ọjọ kẹjọ oṣu Kẹjọ ọdun yii.

Abass rọ awọn to n ṣe karakata lati tẹle aṣẹ naa.

Awọn aworan lati ibi isinku Olubadan

Awọn to n ṣe ẹyẹ ikẹyin fun Olubadan n gbe ododo si oju oori rẹ
Àkọlé àwòrán, Ilẹ isinku ile ijọsin St. Peter's Cathedral to wa ni Aremọ niluu Ibadan ni isinku Olubadan ti waye
Awọn akọrin ile ijọsin St. Peter's
Awọn ologun to gbe ibọn da ni yi iboji Ọba Olakulehin ka
Àkọlé àwòrán, Bayii ni awọn ọmọ ologun Naijiria ṣe ṣe ẹyẹ ikẹyin fun Ọba Olakulehin to ti fi igba kan jẹ ara wọn
Asoju ileeṣẹ ologun n gbe asia Naijiria pada fun ẹbi Olubadan
Àkọlé àwòrán, Aṣoju ileeṣẹ ologun n da asia orilẹede Naijiria to jẹ ti Ọba Olakulehin, pada fun ẹbi rẹ lẹyin isinku
Bayii ni awọn ọmọ ologun Naijiria ṣe ṣe ẹyẹ ikẹyin fun Ọba Olakulehin to ti fi igba kan jẹ ara wọn
Àkọlé àwòrán, Bayii ni awọn ọmọ ologun Naijiria ṣe ṣe ẹyẹ ikẹyin fun Ọba Olakulehin to ti fi igba kan jẹ ara wọn
Iboji Olubadan pẹlu bata, asia Naijiria ati fila ologun ti wọn fi ṣe ẹyẹ ikẹyin fun un