Sunday Igboho: Wo àwọn èròjà àti orúkọ àwọn èèyàn tí DSS kó nílé Sunday Igboho

Ajọ ọtẹlẹmuyẹ DSS ti ṣalaye lẹkunrẹrẹ idi abajọ ti wọn fi yabo ile ajijagbara ilẹ Yoruba, Oloye Sunday Adeyemo ti ọpọ mọ si Sunday Igboho.

Ajọ DSS ṣalaye ninu atẹjade to fi sita lalẹ Ọjọbọ pe awọn eeyan lo tawọn lolobo pe Igboho ko ibọn ati nkan ijagun pamọ nile rẹ lo jẹ ki awọn yabo ile rẹ.

Ninu atẹjade naa ti agbẹnusọ ajọ ọtẹlẹmuyẹ, Ọmọwe Peter Afunanya fi sita, DSS ni awọn ọmọṣẹ mẹsan an ti wọn gbe ibọn AK-47 lọwọ to wa nile Igboho kọju ibọn sawọn DSS.

Amọ meji ninu awọn ọmọṣẹ Igboho naa tẹri gbaṣọ.

Àwọn iròyin tì ẹ leè ní ìfẹ̀ síí:

Ọmọwe Afunanya ni ọkan lara awọn DSS lo kan ṣe leṣe ni ọwọ rẹ, o si ti lọ gba itọju nile iwosan.

Ajọ DSS ni lootọọ ni pe awọn mu awọn yoku ti wọn doju ija kọ awọn nile Igboho lọ.

Awọn nkan ti ajọ DSS ri nigba ti wọn wa gbogbo inu ile Igboho tan niyii:

Lẹyin awọn nkan ti ajọ DSS ko ninu ile Igboho, wọn tun mu eeyan mẹtala ninu ile rẹ lọ si Abuja.

Ọkunrin ni mejila ninu awọn eeyan yii nigba ti ọkan ninu wọn jẹ obinrin.

Orukọ mejila ninu awọn eeyan naa niyii nigba ti iwadii ṣi n lọ lọwọ lori eeyan kẹtala.

i.Abdulateef OFEYAGBE

ii.Amoda BABATUNDE aka Lady K (female)

iii.Tajudeen ERINOYEN

iv.Diakola ADEMOLA

v.Abideen SHITTU

vi.Jamiu NOAH

vii.Ayobami DONALD

viii.Adelabe USMAN

ix.Oluwafelumi KUNLE

x.Raji KAZEEM

xi.Taiwo OPEYEMI and

xii.Bamidele SUNDAY.

DSS nwa fi asiko yii sọ fawọn ọmọ Naijiria ati gbogbo agbaaye pe, Sunday Igboho atawọn ẹgbẹ rẹ ti wọn jọ n beere fun iyapa orilẹede Yoruba ti ko nkan ija ogun pamọ sile lati maa da ilu ru.

Awọn ibọn atawọn nkan ijagun ti a ri nile Igboho fihan gbangba nipa erongba Igboho lati kọju ija si ijọba orilẹede Naijiria.

DSS ti n fi asiko yii sọ fawọn gbogbo awọn ileeṣẹ to n ri si iwe igbelu ati kaadi idanimọ pe, Igboho le kan si wọn pe kaadi idanimọ ati iwe igbelu ohun sọnu pe oun fẹ ṣe omiran, ẹ maa da a lohun.

Ajọ DSS tun n sọ fawọn eeyan pe o ṣeeṣe ki marun un ninu ibọn AK-47 ti wọn ri nile Ighoho jẹ awọn ibọn ti awọn ọmọṣẹ rẹ fipa gba lọwọ awọn oṣiṣẹ aṣọbode ni Idi Iroko nipinlẹ Ogun.

Ajọ ọtẹlẹmuyẹ tun fẹ ki awọn araalu mọ pe ija ibọn yinyin sira ẹni to bẹ silẹ nile Igboho fun wakati diẹ lo jẹ ki o ri ọna lati salọ.

Igboho le sa de bi ibi ti o ba wu u bayii, o le ti maa ṣe ikọlu si awọn agbofinro, ṣugbọn bo pẹ bo ya, ọwọ yoo pada tẹ ẹ.

Lakotan, ajọ DSS n rọ gbogbo awọn to n ṣatilẹyin fun Igboho lati gba ni imọran pe ki o jọwọ ara rẹ fawọn oṣiṣẹ eleto abo nitori ko si ẹni to ga ju ofin lọ.

Bakan naa, gbogbo awọn eeyan ti DSS mu nile rẹ ni yoo foju ba ile ẹjọ laipẹ,'' Ọmọwe Afunanya lo ṣalaye bẹẹ.