Nigeria Elections 2019: Àjọ elétò ìdìbò f'ọjọ kún gbedeke gbígba káàdì ìdìbò
Oríṣun àwòrán, INEC NIGERIA/FACEBOOK
Ajọ eleto idibo orileede Naijireia Inec ti fi kun gbedeke ọjọ ti awọn oludibo yoo lanfani lati gba kaadi idibo wọn pẹlu ọjọ mẹta.
Ọjọ ẹti tii ṣe ọjọ kẹjọ oṣu keji ni wọn ti saaju da lọjọ gbedeke gbigba kaadi yii amọ bayi alaga ajọ naa ọjọgbọn Mahmood Yakubu ni awọn oludibo le gba kaadi naa titi di ọjọ Aje tii ṣe ọjọ kọkanla oṣu keji 2019.
Ojọgbọn Yakubu lọ kede isunsiwaju yi ninu ipade kan ti o ṣe pẹlu awọn adari eto idibo lawọn ipinlẹ lọjọ ẹti.
Inec ni ọjọ abamẹta ati ọjọ aiku yoo kun ọjọ ti awọn eeyan yoo fi gba kaadi naa bẹrẹ laago mẹsan aarọ di ago mẹfa irọlẹ.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Kaadi idibo ọlọjọ pipẹ PVC ni ami idanimọ ti awọn oludibo yoo lo lati fi kopa ninu idibo gbogbogbo 2019 to wole tan.
Eyi kii ṣe igba akọkọ ti ajọ Inec yoo sun gbedeke ọjọ gigba kaadi idibo siwaju-ọjọ kọkanlelogun oṣu kini 2019 ni wọn saaju da ṣugbọn wọn sun siwaju lẹyin ti wn ri pe pupọ ara ilu ni ko ri kaadi naa gba.
Kaadi idibo yi ni wọn fi aworan ati orukọ to fi mọ awọn iroyin miran to ṣe koko nipa oludibo si.Ẹni ti ko ba ni kaadi yi ko ni le dibo bẹẹ si ni eeyan kan ko le fi kaadi elomiran dibo
