మ్యూచువల్ ఫండ్స్‌లో మదుపు చేయడం మంచిదా? లేక హోం లోన్, కార్ లోన్ తీసుకోవడం ఉత్తమమా?

గతవారం ప్రముఖ లగ్జరీ కార్ల కంపెనీ మెర్సిడెస్ బెంజ్ మార్కెటింగ్ శాఖాధిపతి మాట్లాడుతూ తమ సంస్థ కార్ల విక్రయాలు మ్యూచువల్ ఫండ్స్ SIP వల్ల పెరగడం లేదని అన్నారు. నెలకు యాభైవేల రూపాయల SIP చేసే వారి చేత ఆ అలవాటు మాన్పించేస్తే తమ కార్ల విక్రయాలు విపరీతంగా పెరుగుతాయని పేర్కొన్నారు.

ఈ రెండు విషయాలకు ఒక మౌలికమైన తేడా ఉంది. మ్యూచువల్ ఫండ్స్ అనేది ఒక మదుపు. సొంత కారు అనేది ఒక ఖర్చు. మధ్యతరగతి వారు గతంలో చేసే పోస్టాఫీస్ లేదా బ్యాంక్ చిన్న మొత్తాల పొదుపును ప్రస్తుతం మ్యూచువల్ ఫండ్ ఎస్.ఐ.పి ఆక్రమించింది.

మరోవైపు కారు అనేది ఒక లగ్జరీ వస్తువు అనే అభిప్రాయం రెండవ శ్రేణి పట్టణాలలో ఇంకా బలంగానే ఉంది (టాటా నానో విఫలమైనప్పుడు తెలుసుకున్న విషయాలలో ఇదీ ఒకటి). ఈ కారణంగానే చాలామంది ఇది మోకాలికి బోడిగుండుకు ముడి పెట్టడం అని కొట్టి పారేశారు. ఇంకొందరు ఇది మారుతున్న ప్రజల అభిరుచులను ప్రతిబింబిస్తోందని అన్నారు. ఈ వాదోపవాదాలు ఎలా ఉన్నా, అసలు మ్యూచువల్ ఫండ్స్ మదుపుకు కారు విక్రయాలకు ఎలాంటి సంబంధం ఉందో చూద్దాం.

50 వేల నెలవారి ఈ.ఎం.ఐ ఉన్న వ్యక్తి పెట్టే మొత్తం ఖర్చు ఎంత వస్తుందో లెక్కలు చూద్దాం:

ఇప్పుడు ఒక వ్యక్తి నెలకు యాభై వేల రూపాయలు మ్యూచువల్ ఫండ్స్‌లో మదుపు చేస్తే దాని వల్ల ఎలాంటి ఫలితం ఉంటుందో చూద్దాం.

ఇదే పద్ధతిలో లెక్కలోకి తీసుకోవాల్సిన మరో విషయం గృహ రుణం.

చాలామంది మదుపరులకు మ్యూచువల్ ఫండ్స్‌లో మదుపు చేస్తే మంచిదా? లేదా సొంత ఇల్లు కొనుగోలు చేస్తే మంచిదా? అనే ప్రశ్న తరచుగా వస్తుంది. గృహరుణం వడ్డీ 8-9 శాతం మధ్య ఉంటుంది. మ్యూచువల్ ఫండ్స్ వడ్డీ 12-15 శాతం మధ్య ఉంటుంది. ఈ రెండింటిని ఎలా బేరీజు వేయాలి? అనే అనుమానం కూడా చాలామంది మదుపరుల్లో ఉంటుంది.

దీనికి ఎలాంటి స్పష్టమైన సమాధానం లేకపోయినా నిర్ణయం తీసుకునే ముందు అవగాహన చేసుకోవలసిన కొన్ని విషయాలు ఇప్పుడు పరిశీలిద్దాం.

యాభై వేల రూపాయల నెలవారీ గృహ రుణం ఈ.ఎం.ఐ గురించి ఇప్పుడు చూద్దాం.

ఇప్పుడు యాభై వేల మ్యూచువల్ ఫండ్స్ ఎస్.ఐ.పిని 20 ఏళ్ల కాలపరిమితికి పరిశీలిద్దాం.

గమనిక: ఈ కథనం కేవలం పాఠకుల అవగాహన కోసం మాత్రమే..

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)