T.B Joshua: Ọjọ́ ìbí ayọ̀ fún mi àmọ́ ń kò ní lè ṣe ayẹyẹ ọjọ́ ìbí náà

Ọjọ Kejila, oṣu Kẹfa, lo yẹ ki Woli Temitope Balogun T.B Joshua ṣe ọjọ ibi ọdun mejidinlọgọta rẹ loke eepẹ.

Ṣugbọn o se ni laanu pe o ku ni ọjọ karun-un, oṣu Kẹfa, ṣaaju ọjọ naa, nigba to ku ọsẹ kan pere ki ọjọ naa ko.

Amọ nkan to tun jẹ iyalẹnu ni pe, wooli naa ti sọ nipa ọjọ ibi rẹ pe oun ko ni ṣe ayẹyẹ kankan ni ọdun yii.

Ninu fidio kan to jade sori ayelujara lẹyin iku rẹ, Joshua n kọ orin ọjọ ibi fun ara rẹ pe "Happy Birthday to you...."

Nibẹ naa lo si ti kede pe oun ko ni i ṣe ayẹyẹ ọjọ ibi kankan ni ọdun yii nitori pe awọn iṣẹlẹ to n waye ni agbaye ko dun mọ oun ninu.

O ni "ko ni i rọrun fun mi lati ṣe ajọyọ ọjọ ibi mi, nitori pe ọpọ eeyan to fẹ ẹ wa ni wahala ati idaamu to n ṣẹlẹ ni agbaye n ba ninu jẹ.

"Ibanujẹ ati ibẹru wọn kan mi. Nitori naa, ẹ jẹ ki a fi ọjọ naa ṣe ọjọ aawẹ ati adura, kẹ ma si gbagbe awọn alaini."

O ni "lagbara Ọlọrun, ọpọ ayẹyẹ ọjọ ibi si wa niwaju fun mi ta maa se."

Bo tilẹ jẹ pe o kọ orin ọjọ ibi fun ara rẹ ninu fidio naa, oloogbe T.B Joshua sọ pe ọpọlọpọ ọjọ ibi lo ṣi wa niwaju lati ṣe.

Nigba aye rẹ, ẹlẹyinju aanu, oloore ati olufifunni ni ọpọ eeyan mọ ọ si, paapaa awọn ololufẹ rẹ.

Àwọn iròyin tì ẹ leè ní ìfẹ̀ síí:

Wo awọn eeyan to n daro iku TB Joshua lori ayelujara:

Nkan yii naa si ni awọn eeyan kan n sọ nipa rẹ lori ayelujara.