Genesis: Ariwo sọ lórí bí ìjọ Mùsùlùmí ṣe pe wòlíì sí òru Lailatul Quadir

Yoruba ni ẹsin ko fa ija, bo ba se wu ni laa se ẹsin ẹni.

Amọ eyi ko ri bẹẹ pẹlu isẹlẹ kan to n waye lori ayelujara eyi tawọn eeyan n gba bii ẹni gba igba igba ọti, ti wọn si n tutọ si ara wọn loju lori ọrọ ẹsin.

Ohun to sokunfa isẹlẹ yii ni ti ijọ ẹsin Islam kan, Ahbaab li-Islam pẹlu ajọsepọ Markazu Ahbaab Uloomudeen to fẹ se isin oru abiyi taa mọ si lailatul Quadir.

Ijọ naa ti Fadheelatul Ustaz Alhaji Habeebulah se alakoso rẹ, lo wa ladugbo Iju Ishaga nilu Eko, ti isin oru abiyi naa yoo si waye ni ọjọ Keje osu karun taa wa yii, laago mẹwa owurọ.

Amọ ohun to wa jẹ iyalẹnu fawọn ọmọ Naijiria to ri iwe ipe ti wọn fisita fawọn alejo, ni bi wọn se ni Wolii ati Ojisẹ Ọlọrun Oladele Ogundipe, ti ọpọ eeyan mọ si Wolii Genesis, ni alejo pataki nibi eto naa.

Iwe ipe yii ni Suphian Opeyemi Sodiq fi soju opo Facebook rẹ.

Bẹẹ ba gbagbe, awuyewuye waye laipẹ yii nipa Wolii Genesis ati ẹsun ti obinrin kan fi kan pe o gba owo lọwọ oun lati fi ra ilẹ amọ ti ko ri owo ati ilẹ.

Àwọn iròyin tì ẹ leè ní ìfẹ̀ síí:

Ọrọ yii lo di tile ẹjọ, ti wolii Genesi si lo osu meje lọgba ẹwọn, ki wọn to gba beeli rẹ laipẹ yii.

Haa, ki ni eleyi si lo n gba ẹnu ọpọ eeyan lori ayelujara to ri iwe ipe naa.

Ọpọ ọmọ Naijiria to si fesi lori isẹlẹ naa lo koro oju si igbesẹ pipe wolii wa sibi isin musulumi nigba ti awọn eeyan miran ni ko si ohun to buru ninu rẹ.

Ni ero awọn ọmọ Naijiria to da si ọrọ naa, wọn ni igbesẹ naa tako ẹsin Islam pupọ, nitori oru abiyi ni ọwọ ju ọwọ ti wọn fi mu yii lọ.

Koda, Rashady Oladele lero tiẹ ni se lo yẹ ki wọn fi iya to jopin jẹ ẹni to se iru eyi, ti awọn miran si lero pe tori owo ni wọn se hu iwa naa.