CBN: owó oníbara tó ha si ATM kò gbọdọ kója wákàtí 24
Oríṣun àwòrán, AFP
Ilé ìfowópamọ ìjọba àpapọ (CBN) tí gbé ofin tuntun jáde lóri ìfówórànṣẹ́ láti ilé ìfowópamọ kan sí ìkejì.
Òfin tuntun ọ̀hún ti yóò bẹ̀rẹ̀ ní ọjọ́ keji, oṣù kẹwàá, ọdun 2018 sàlàyé lóri ìgbésẹ tó ṣe pàtàkì láàrin ilé ìfowópamọ àti àwọn oníbara wọn lásìkò ti wọn bá ń fi owó ranṣe sí ènìyàn
Ní báyìí, ilé ìfowópamọ kò ni ẹ̀tọ láti má san owó oníbàrá wọn tó bá há sí ẹnu ẹ̀ro tó ń pọ owó jáde (ATM Machine) láàrin wákàti mẹrìnlélógún.
Oríṣun àwòrán, @CBNOFFICIALS
Ilé ìfowópamọ àpapọ ọ̀hún sọ èyí dí mímọ nínú àtẹjáde kan tí Dípò Fatokun, olùdarí àwọn ilé ìfowópamọ àti ẹka owó sísan fi sọwọ sí àwọn ilé ìfowópamọ nínú oṣù yìí.
Sùgbọn, àwọn ọmọ Nàìjíríà tí ń bẹ̀rẹ̀ pé ta ni yóò jẹ àǹfàní ẹgbẹ̀rùn mẹwaa nàìríà tó jẹ́ owó ìtanràn fún ilé ìfowópamọ tó bá kùna lati sanwo tó han láàrin wákàtí mẹ́rìnlélógún.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Ile-isẹ ifowopamọ apapọ n yọ owo ayọju - Magnus Abe
Oríṣun àwòrán, @cenbankng
Ile igbimọ asofin agba ti gba lati se iwadi lori bi Ile-isẹ ifowopamọ apapọ lorilẹede Naijiria, (CBN) se n yọ owo lọnọ aitọ ni apo asuwọn awọn onibara ni ẹka banki ifowopamọsi.
Aba yi ko sẹyin bi asofin agba, Magnus Abe ati awọn mejilelogun miran, se gbe ọrọ naa ka'lẹ, gẹgẹ bi ọrọ pajawiri, lati se ofintoto lori bi ile-isẹ ifowopamọ apapọ se n yọ owo layọju ati lọnọ aitọ lọwọ awọn eniyan.
Ọkan lara awọn asofin agba naa parọwa si ijọba apapọ lati daabobo ẹtọ awọn ọmọ Naijiria, lori yiyọ owo aitọ ni apo asuwọn wọn. Asofin naa wi pe ti wọn ba se eyi, yoo da eto ifowopamọ orilẹ-ede yi pada s'ipo.
Oríṣun àwòrán, AFP
Awọn asofin naa faramọ wipe ki wọn se ijiroro ita gbangba pẹlu awọn alakoso ile-isẹ ifowopamọ to wa lorilẹede Naijiria, to fi mọ Gomina banki apapọ, Gọdwin Emefiele.
Ile igbimọ asofin agba ni igbagbo wipe ijiroro itagbangba naa yoo wa ọnọ abayo si idojukọ awọn oludokowo pẹlu awọn ile-isẹ ifowopamọ gbogbo.
