టీ20 వరల్డ్ కప్ చరిత్రలో హ్యాట్రిక్ హీరోలెవరు? వారు మ్యాచ్లను ఎలా మలుపు తిప్పారు?
ఫొటో సోర్స్, Gareth Copley-ICC/getty images
శనివారం షార్జాలో సెమీస్ చేరడానికి కీలకమైన మ్యాచ్లో విజయం సాధించిన దక్షిణాఫ్రికా నెట్ రన్ రేట్ లెక్కల్లో మాత్రం ఓడిపోయింది.
చివరి ఓవర్ వరకూ ఉత్కంఠగా సాగిన మ్యాచ్లో చివరి ఓవర్ మొదటి మూడు బంతులకు హ్యాట్రిక్ తీసిన కగిసో రబడ ఇంగ్లండ్ నుంచి మ్యాచ్ను లాగేసుకున్నాడు.
ఈ ఫీట్తో టీ20ల్లో హ్యాట్రిక్ తీసిన మొదటి దక్షిణాఫ్రికా బౌలర్గా రికార్డు సృష్టించిన రబడ టీ20 వరల్డ్ కప్ 2021లో హ్యాట్రిక్ తీసిన మూడో బౌలర్ అయ్యాడు. మొత్తంగా టీ20 వరల్డ్ కప్ పోటీలలో రబడది నాలుగో హ్యాట్రిక్.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది, 1
ఇంగ్లండ్ సులభంగా విజయం సాధిస్తుందనుకున్న దశలో రబడ హ్యాట్రిక్తో మ్యాచ్ మలుపు తిరిగింది. చివరికి 10 పరుగులు తేడాతో దక్షిణాఫ్రికాకు విజయం అందించింది.
చివరి ఓవర్లో విజయానికి 14 పరుగులు అవసరమైన దశలో మొదటి మూడు బంతులకే క్రిస్ వోక్స్, ఇయాన్ మోర్గాన్, క్రిస్ జోర్డాన్ వికెట్లు కోల్పోయిన ఇంగ్లండ్.. చివరి మూడు బంతులకు మూడు పరుగులే చేయగలిగింది.
మొదట బ్యాటింగ్ చేసిన దక్షిణాఫ్రికా 20 ఓవర్లలో 2 వికెట్లకు 189 పరుగుల భారీ స్కోరు చేయగా, ఇంగ్లండ్ 20 ఓవర్లలో 8 వికెట్లు కోల్పోయి 179 పరుగులే చేయగలిగింది.
ఈ మ్యాచ్లో ఇంగ్లండ్ను 131 పరుగుల లోపు కట్టడి చేయలేకపోవడంతో దక్షిణాఫ్రికా విజయం సాధించినా సెమీస్ చేరుకోలేకపోయింది.
ఐర్లాండ్ బౌలర్ రికార్డ్
ఈ ఏడాది అక్టోబర్ 17న ప్రారంభమైన టీ20 వరల్డ్ కప్ టోర్నీలో మొదటి హ్యాట్రిక్ తీసిన ఘనత ఐర్లాండ్ బౌలర్కు దక్కింది. టోర్నీ గ్రూప్ స్టేజ్లో మూడో మ్యాచ్లో ఇది జరిగింది. నెదర్లాండ్స్తో పదో ఓవర్ వేస్తున్న కర్ట్స్ కాంఫెర్ వరుసగా రెండు, మూడు, నాలుగు, ఐదో బంతులకు వికెట్లు పడగొట్టి టీ20 వరల్డ్ కప్లో వరుసగా నాలుగు బంతుల్లో నాలుగు వికెట్లు తీసిన బౌలర్గా రికార్డు సృష్టించాడు.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది, 2
హసరంగ హ్యాట్రిక్
తర్వాత గ్రూప్ 1 మ్యాచ్లో శ్రీలంక బౌలర్ వాణిందు హసనరంగ దక్షిణాఫ్రికాపై ఓవర్ హ్యాట్రిక్ తీసి ఈ టోర్నీలో వరసగా మూడు వికెట్లు పడగొట్టిన రెండో బౌలర్ అయ్యాడు.
ఈ మ్యాచ్లో 15వ ఓవర్ చివరి బంతికి, తర్వాత వేసిన 18వ ఓవర్ మొదటి రెండు బంతులకు వికెట్లు పడగొట్టిన హసనరంగ ఈ మ్యాచ్ మాత్రం గెలిపించలేకపోయాడు.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది, 3
ఆడం జంపా హ్యాట్రిక్ మిస్
ఆస్ట్రేలియా బౌలర్ ఆడం జంపా ఇదే టోర్నీలో ఓవర్ హ్యాట్రిక్ చేజార్చుకున్నాడు.
బంగ్లాదేశ్తో జరిగిన మ్యాచ్లో 11వ ఓవర్ చివరి రెండు బంతులకు షమీమ్ హుస్సేన్, మహెదీ హసన్లను అవుట్ చేశాడు.
జంపా వేసిన 13వ ఓవర్ మొదటి బంతి తస్కిన్ అహ్మద్ బ్యాట్ ఎడ్జ్ తీసుకుని వెనక్కు వెళ్లింది. కానీ కీపర్ మాథ్యూ వేడ్ దానిని పట్టుకోలేకపోవడంతో జంపా హ్యాట్రిక్ మిస్ అయ్యాడు.
ఫొటో సోర్స్, Getty Images
భారత్ టీమ్ హ్యాట్రిక్
ఈ టీ20 వరల్డ్ కప్లో భారత్ కూడా స్కాట్లాండ్తో జరిగిన మ్యాచ్లో టీమ్ హ్యాట్రిక్ సాధించింది. షమీ వేసిన 17వ ఓవర్లో స్కాట్లాండ్ వరసగా మూడు వికెట్లు కోల్పోయింది.
ఓవర్ మొదటి బంతికి కలమ్ మెక్లార్డ్ను క్లీన్ బౌల్డ్ చేసిన తర్వాత రెండో బంతికి సఫ్యాన్ షరీఫ్ రనౌట్ అయ్యాడు.
షమీ ఆ తర్వాత బంతికే అలస్డైర్ ఇవాన్స్ను కూడా బౌల్డ్ చేశాడు. దీంతో షమీ ఖాతాలో హ్యాట్రిక్ లేకపోయినా భారత్ వరసగా మూడు వికెట్లతో టీమ్ హ్యాట్రిక్ నమోదు చేసింది.
ఫొటో సోర్స్, Getty Images
బ్రెట్ లీ తొలి బౌలర్
ఇప్పటివరకూ టీ20 వరల్డ్ కప్లో నలుగురు బౌలర్లు మాత్రమే హ్యాట్రిక్ తీశారు. 2007లో జరిగిన మొదటి టీ20 వరల్డ్ కప్లో బ్రెట్ లీ మొట్టమొదట ఈ ఫీట్ సాధించాడు. ఆ తర్వాత వచ్చిన మూడు హ్యాట్రిక్లు 2021 టీ20 వరల్డ్ కప్లోనే సాధించారు.
2007 సెప్టెంబర్ 16న బంగ్లాదేశ్తో జరిగిన గ్రూప్ మ్యాచ్లో 17వ ఓవర్ చివరి మూడు బంతులకు ముగ్గురు బ్యాట్స్మెన్ను పెవిలియన్ పంపిన బ్రెట్ లీ టీ20 వరల్డ్ కప్లో హ్యాట్రిక్ తీసిన మొదటి బౌలర్గా చరిత్ర సృష్టించాడు.
ఈ మ్యాచ్లో 9 వికెట్లతో గెలిచిన ఆస్ట్రేలియా టోర్నీలో సెమీ ఫైనల్ వరకూ వెళ్లింది. రెండో సెమీ ఫైనల్లో భారత్ చేతిలో 15 పరుగుల తేడాతో ఓడింది. ధోనీ సేన ఫైనల్లో పాక్పై గెలిచి మొదటి టీ20 వరల్డ్ కప్ విజేతగా నిలిచింది.
ఫొటో సోర్స్, Getty Images
లసిత్ మలింగ
ఓవరాల్గా టీ20 ఇంటర్నేషనల్ మ్యాచుల్లో చూస్తే, మొత్తం 25 సార్లు హ్యాట్రిక్ నమోదైంది. ఒక్క శ్రీలంక బౌలర్ లసిత్ మలింగ మాత్రమే టీ20ల్లో రెండు సార్లు హ్యాట్రిక్ తీశాడు. బంగ్లాదేశ్, న్యూజీలాండ్పై మలింగ ఈ ఫీట్ సాధించాడు.
ఇక టీ20 ఇంటర్నేషనల్ మ్యాచుల్లో లసిత్ మలింగ, అఫ్గానిస్తాన్ బౌలర్ రషీద్ ఖాన్ వరుసగా నాలుగు బంతులకు నాలుగు వికెట్లు పడగొట్టిన ఘనత కూడా సాధించారు. తాజా టీ20 వరల్డ్ కప్లో ఐర్లాండ్ బౌలర్ కాంఫర్ కూడా ఆ ఫీట్ సాధించిన మూడో బౌలర్ అయ్యాడు.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది, 4
భారత్ తరఫున టీ20ల్లో హ్యాట్రిక్ సాధించిన ఘనత దీపక్ చాహర్కు మాత్రమే దక్కుతుంది. 2019లో బంగ్లాదేశ్ పర్యటనలో భాగంగా భారత్ ఆడిన మూడో మ్యాచ్లో దీపక్ చాహర్ ఈ ఫీట్ సాధించాడు. 18వ ఓవర్ చివరి బంతికి వికెట్ తీసిన చాహర్, తర్వాత చివరి ఓవర్ మొదటి రెండు బంతులకు వికెట్లు పడగొట్టాడు.
ఇవి కూడా చదవండి:
- టీ20 ప్రపంచకప్: పాకిస్తాన్ జర్నలిస్ట్ ‘ఘోరమైన ప్రశ్న’.. సమాధానం ఇవ్వడానికి నిరాకరించిన అఫ్గానిస్తాన్ క్రికెట్ జట్టు కెప్టెన్ మొహమ్మద్ నబీ
- టీ20 వరల్డ్ కప్: అఫ్గాన్పై భారత్ ఘన విజయం
- ‘తాలిబాన్లు ఇంటింటికీ తిరిగి డబ్బు వసూలు చేస్తున్నారు, వితంతువులను చెరబడుతున్నారు’
- వాయు కాలుష్యాన్ని అత్యధికంగా సృష్టిస్తున్న దేశాలు ఏమైనా చర్యలు చేపట్టాయా?
- అఫ్గానిస్తాన్: తాలిబాన్లు వద్దన్నా ఆ టీచర్ అమ్మాయిలకు పాఠాలు ఎలా చెప్పగలుగుతున్నారు?
- మెటా: ఫేస్బుక్ కొత్త పేరుపై ఎందుకు జోకులు పేలుతున్నాయి?
- పోలీసులు ఫోన్ తీసుకుని మన వాట్సాప్ చాట్ చెక్ చేయొచ్చా
- భూపత్ డాకూ: భారత్లో ఎనభై హత్యలు చేసి పాకిస్తాన్ పారిపోయిన దోపిడీ దొంగ
- టీ20 వరల్డ్ కప్: జాస్ బట్లర్ మెరుపులు, ఆస్ట్రేలియాపై ఇంగ్లండ్ విజయం
- కరోనావైరస్ ఎక్కడ పుట్టిందో తెలుసుకోవడం ఎప్పటికీ సాధ్యంకాకపోవచ్చు – అమెరికా నిఘా సంస్థలు
- టీ20 వరల్డ్ కప్: 'మతం పేరుతో ఒక వ్యక్తిపై దాడి చేయడం అత్యంత నీచం' - విరాట్ కోహ్లీ
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
