తెలంగాణ: గ్రూప్-1 కొత్త నోటిఫికేషన్‌లో ఏ పోస్టులు ఎన్ని?

తెలంగాణ రాష్ట్రం ఏర్పడిన తర్వాత 2022 ఏప్రిల్ 26న ఇచ్చిన తొలి గ్రూప్-1 నోటిఫికేషన్‌ను రద్దు చేసిన కొద్ది సేపట్లోనే కొత్తగా గ్రూప్-1 నోటిఫికేషన్‌ను విడుదల చేసింది టీఎస్‌పీఎస్‌సీ.

రద్దయిన నోటిఫికేషన్లో ఉన్న 503 పోస్టులకు మరో 60 ఖాళీలను కలుపుకొని మొత్తంగా 563 పోస్టులకు సోమవారం కొత్త నోటిఫికేషన్ విడుదల చేసింది.

ఆన్‌లైన్‌లో దరఖాస్తుల స్వీకరణ ఫిబ్రవరి 23 నుంచి మార్చి 14వ తేదీ సాయంత్రం 5 గంటల వరకు ఉంటుందని టీఎస్‌పీఎస్‌సీ తన ప్రకటనలో తెలిపింది.

దరఖాస్తులను ఎడిట్ చేసుకునే ఆప్షన్‌ను మార్చి 23వ తేదీ ఉదయం 10 గంటల నుంచి మార్చి 27వ తేదీ సాయంత్రం 5 గంటల వరకు ఇస్తున్నట్లు వెల్లడించింది.

ప్రస్తుతం కొత్తగా విడుదల చేసిన గ్రూప్-1 నోటిఫికేషన్ ప్రిలిమినరీ పరీక్ష మే/జూన్ 2024లో, మెయిన్ ఎగ్జామినేషన్ సెప్టెంబర్/అక్టోబర్ 2024లో నిర్వహిస్తామని టీఎస్‌పీఎస్‌సీ తెలిపింది.

పరీక్ష నిర్వహించే తేదీకి 7 రోజుల ముందు నుంచి పరీక్ష ప్రారంభం కావడానికి 4 గంటల ముందు వరకు హాల్‌టికెట్లను అభ్యర్థులు డౌన్‌లోడ్ చేసుకోవచ్చని చెప్పింది.

గ్రూప్-1 నోటిఫికేషన్‌లోని ఖాళీల వివరాలు:

పోస్టు పేరు - ఖాళీల సంఖ్య

అర్హత వయసు ఎంత?

కొత్తగా విడుదల చేసిన గ్రూప్‌-1 నోటిఫికేషన్‌లో కనీస అర్హత వయసు కొన్ని పోస్టులకు 18 సంవత్సరాలు కాగా, మరికొన్నింటికి 21 సంవత్సరాలుగా ఉంది.

గరిష్ఠ వయసు కొన్ని పోస్టులకు 35 ఏళ్లుగా, మరికొన్నింటికి 46 సంవత్సరాలుగా నిర్ణయించారు. ఈ వివరాలను టీఎస్‌పీఎస్‌సీ తన నోటిఫికేషన్‌లో వెల్లడించింది.

ప్రిలిమినరీ టెస్ట్, మెయిన్ ఎగ్జామినేషన్ పరీక్షా కేంద్రాల సమాచారాన్ని, కులాల వారీగా వివిధ పోస్టులకు ఉన్న ఖాళీలను, పరీక్షా విధానం, సిలబస్ వివరాలను కూడా అందులో పొందుపరిచింది.

తెలంగాణ రాష్ట్రం ఏర్పడిన తర్వాత 2022 ఏప్రిల్ 26న ఇచ్చిన తొలి గ్రూప్-1 నోటిఫికేషన్‌ను రద్దు చేసిన కొద్ది సేపట్లోనే ఈ కొత్త నోటిఫికేషన్ వచ్చింది.

అంతకు కొద్ది సేపటి ముందే గతంలో 503 పోస్టులకు విడుదల చేసిన నోటిఫికేషన్ రద్దు చేస్తున్నట్లు ప్రకటన విడుదల చేసింది.

503 పోస్టులకు గ్రూప్-1 పరీక్షను గతంలో రెండుసార్లు నిర్వహించినప్పటికీ,మొదటిసారి పేపర్‌లీక్ కావడంతో, రెండోసారి బయోమెట్రిక్ తీసుకోనందున ఈ పరీక్షను రద్దు చేస్తూ హైకోర్టు నిర్ణయం తీసుకుంది.

దీనిపై టీఎస్‌పీఎస్‌సీ గతంలో సుప్రీంకోర్టును ఆశ్రయించింది.

అయితే ఇటీవల ఎనుముల రేవంత్ రెడ్డి నేతృత్వంలో కాంగ్రెస్ ప్రభుత్వం కొలువు దీరాక టీఎస్‌పీఎస్‌సీకి కొత్త చైర్మన్, సభ్యులను నియమించింది.

ఆ తర్వాత సుప్రీంకోర్టులో వేసిన పిటిషన్‌ను టీఎస్‌పీఎస్‌సీ ఉపసంహరించుకుంది.

తెలంగాణలో నిరుద్యోగిత రేటు ఇలా

తెలంగాణలో అన్ని రకాల పోటీ పరీక్షలకు కలిపి దాదాపు 30 లక్షల మంది యువత పోటీ పడుతున్నారని అంచనా.

తెలంగాణ ఏర్పాటు తర్వాత ప్రభుత్వ నియామకాలు పెద్దగా జరగకపోవడంతో ఈసారి తీవ్ర పోటీ నెలకొంది.

తెలంగాణలో నిరుద్యోగుల సంఖ్య ఎక్కువగా ఉన్నట్లు పలు గణంకాలు సూచిస్తున్నాయి.

భారత రిజర్వు బ్యాంకు 2022 నివేదిక ప్రకారం, తెలంగాణ పట్టణ ప్రాంతాల్లో ప్రతి వెయ్యి మందికి 77 మంది నిరుద్యోగులు ఉన్నారు. అదే గ్రామీణ ప్రాంతాలకు వచ్చే సరికి ఇది 33గా ఉంది.

కేంద్ర ప్రభుత్వం చేపట్టిన పీరియాడిక్ లేబర్ ఫోర్స్ సర్వే 2022 ప్రకారం, తెలంగాణలో 2019-20 నుంచి 2020-21 మధ్య నిరుద్యోగిత రేటు 15 నుంచి 59 వయసు ఏళ్ల వారిలో 7.5 శాతం నుంచి 5.1 శాతానికి తగ్గింది.

అయితే, 2022 జులై నుంచి సెప్టెంబరు త్రైమాసానికి నిరుద్యోగిత రేటు 7.7 శాతంగా ఉంది.

ఇవి కూడా చదవండి:

(బీబీసీ తెలుగును ఫేస్‌బుక్ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)