Ondo: Àwọn afurasí mẹ́rin ti wà ní àhámọ́ lórí ikú ọkùnrin kan ní Igbokoda - Iléeṣẹ́ ọlọ́pàá ìpínlẹ̀ Ondo
Oríṣun àwòrán, Getty Images
Ariwo kilode, kilode, kilode lawọn eeyan agbegbe Zion ni ilu Igbọkọda ni ipinlẹ Ondo nigba ti awọn ọlọpaa wa wu oku arakunrin kan nibẹ
Awọn eeyan agbegbe naa nfunra pe o ṣeeṣe ko jẹ ọmọ ẹgbẹ okunkun ni arakunrin naa ati pe o ṣeeṣe ko jẹ pe lasiko wahala awọn ẹgbẹ okunkun kan ti wọn gbe ina woju ara wọn lopin ọsẹ to kọja ni ilu naa ni wọn ṣeku pa arakunrin ọhun.
- Ohun tí a rí nílé Ajimobi rèé lẹ́yìn òfégè ìròyìn pé ó jáde láyé
- Ìjọba Amẹrika fi ojú àwọn ọmọ Yahoo mẹ́fà léde, wọ́n gbẹ́sẹ̀ lé dúkìá wọn
- Ìwadìí ti bẹ̀rẹ̀ lórí àrá tó sán pa òṣìṣẹ́ FRSC mẹ́ta nípínlẹ̀ Ogun- Ọ̀gá àjọ FRSC
- Invictus Obi, Hushpuppi, àwọn ọ̀dọ́ Nàìjíríà méjì tí ẹ̀sùn gbájúẹ̀ wà lọ́rùn wọn
Gẹgẹ bi iroyin agbegbe naa ṣe sọ, eeyan kan ku ti eeyan kan si fi ara ṣeṣe lasiko itakangọn awọn ẹlẹgbẹ okunkun naa.
Amọṣa nigba to n ba BBC News Yoruba sọrọ lori oku ti wọn lọ wu ninu saree naa, alukoro ileeṣẹ ọlọpaa ni ipinlẹ Ondo, DSP Teo-Leo Ikoro ni ọrs ko ri bẹẹ rara.
Amọṣa o ni lootọ lawọn wu oku naa ati pe iwadii n lọ lati mọ bi iku arakunrin naa ṣe ri.
O ni ko ileeṣẹ ọlọpaa ko tii lee fi iroyin ti awọn eeyan kan n gbe kiri pe awọn ọmọ ẹgbẹ okunkun lo da ẹmi oloogbe ọhun legbodo mulẹ.
Ikoro ṣalaye pe "Iwadii ṣi n lọ lọwọ lori iṣẹlẹ naa, bo tilẹ jẹ pe a ko tii le fidi rẹ mulẹ pe ọmọ ẹgbẹ okunkun ni ọkunrin naa tabi awọn ọmọ ẹgbẹ okunkun lo ṣekupaa."
O tẹsiwaju pe "A ti mu awọn afurasi mẹrin kan lori ẹsun ipaniyan, ṣugbọn kii sẹ nitori pe wọn wa ninu ẹgb ẹ okunkun."
Ikoro pari ọrọ rẹ pe ko nnkan to jọ ija tabi ikọlu tawi ọwọ awọn ọmọ ẹgbẹ okunkun ni ibi ti wọn ti ṣekupa oloogbe naa.
